قصيدة الذيب للشاعر"بدر الخالدي

البارحه والجوع مس الذيـب يـوم انـه يعـوي
علـى سنـام طويـق والقمـره وراه بليتـهـا
اخايلـه واقـول واعـزي لحـالـك يالـقـوي
اللي تنقى فـي سمـان الفطـح لا مـن جيتهـا
واللي باساميك يتقلدهـا الخـوي مـع الخـوي
والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا
الجوع لو يدفعـك للمـوت الذحـاح المستـوي
حشمت نفسـك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي
وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجلـيـه ان خاويتـهـا
عامل خوي الذيب في عصر الفـوات المنطـوي
وقصتك فـآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كــوي
على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي
لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا
وقبل يغيب المنطق الحسـي ويبقـى المعنـوي
والغيـره تـوزع تجمّعـهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي
والناس تمشي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي
والهاشميـه فـي طـرف عينـي ولا دنيتـهـا
لا جيث ابرثـي حالتـك ضـاع الكـلام اللغـوي
والمفـردات اللـي تجملـنـي لـيـا عديتـهـا
والهاجس اللي كل مـا فليـت حويـه ينحـوي
وافكـاري اللـي تتعـب الخافـق ليـا هليتهـا
واخـاف لا تكمـل وينحـاك النزيـف الدمـوي
وابقى علـى قـول المثـل خميتهـا واخطيتهـا
ياذيب واقنب خـل صوتـك يـدوي العالـم دوي
مـادام خانتـك الظـروف الله يخـرب بيتـهـا

يـا ذيـب يكوينـي قنيبـك لا توحّيتـه كــوي

.............على غشـاش الكبـد والخطـوه عمـد رديتهـا

صح لسان الخالدي عز الله قول

شاعر متمكن ويتلاعب بالالفاظ كما يتلاعب بالسبحه ..

قصيده رائعه بمعنى الكلمه ..

لاهنت ياذيب النشاما والظاهر ان الاسم الجديد له سبب

في إختيار القصيده ... عسى عمرك طويل ولاخلا ولاعدم ..

السنــــافي

يعطيك ربي العافيه على مرورك الذي زاد متصفحــي
نوراً و لا هنت ياالغالي

وأكيد الأسم الجديد له سبب في إختيار القصيدهـ
الجميـــله

دمتَ بخيــر

الله الله الله


رائـعه بروعـــة كاتبها


صح الله لسانك ولسان الشاعر بدر الخالدي ولاعدمنا هذا الابداع


احترامي وتقديري

سطــــام الشبــــرمي

أكتمل المتصفح أشـــراقاً عندما أنتثـــر حبر قلامكـ
على متصفحي

يعطيك العافيه على مرورك الجميل
ولا هنت


دمتَ بخيـــر

يا ذيب مدري كيف ابوصف حالتـك يالمنـزوي
والهاشميـه فـي طـرف عينـي ولا دنيتـهـا


ياذيب

دوووووم متالق ومبدع

الى الاماااااااااااااااااام

قمـــر حســــاس
\
/
\
تسلمين ياالغلا على مرورك المتميـــز والمبدعـ
ولا هنتــي


دمتــــي بخيــــــر

قصيدة جزله ومعاني جميله
صح السانك ولسان الشاعر

عبدالله بن عبدالعزيز


يعطيك العافيه على المرور الرائع
ولا هنت


دمتَ بخيــــر