الصمان 20/2/1429 كشته في الربيع ..

01 / 03 / 2008, 50 : 09 AM

بسم الله الرحمن الرحيم

السلام عليكم ورحمة الله وبركاته

بعض اللقطات لكشتتنا في الصمان الاربعاء 20/2/1429هـ وأبشركم الربيع مقبل إن شاء الله لكن يبي له مطره وبإذن الله يفوع العشب في هاك الريضان ...

وبصراحة الربيع هالسنه ماش في كل مكان لكن اللي شفته في الصمان يرد الروح ولو ماجاء إلا شمة ريحة النفل ...
الربيع اللي جيته من أم دغيم إلى حسناء حلو ولاهوب شين ...

على كلاً لن أتحدث كثيرا ولعل الصور تتحدث معي

لقطات للربيع في ريضان الصمان

ربيع تحت السدر

وبعد لقطات الربيع هذي بعض الصور عن كشتتنا

أول شيء سويناه صبح الخميس تعليق التيس

وعقب ما خلصنا من سلخه قام أخونا الحر وسلخ الرأس وسوى به حركه حلوه وش رأيكم فيها

وبيني وبينكم عندك الكرشه والمصران ما ودك تسوي بها شيء أو تطلعها انطلها لكن الرأس لقينا له حل مع القصديره

وهذي كبسة الغداء

أخذنا جولة في الريضان وأمرحنا في حسناء وفي الصباح خطرت لنا فكرة تصليح قرص جمر من إنتاج الحقاقة جعلها السيل

وبعد تجهيز العجينه بطيناها على المله بدون قصدير أو شيء " والبطه اسم للقرص إذا نطل على الجمر " وانتبهوا مما قد تحدثه البطه بعدما تبط - يعني وخروا كل شيء قابل للاشتعال

وبعد نصف ساعة قلبنا القرص

ثم يالله عبط القرص وأفركه وأخلط معه اللي تبي تمر - بصل - سمنه ... كل شيء يصلح ..

وتلبية لجميع الطلبات أكثر من صنف على النار

وبما أن معنا ناس من أهل الرياض حطينا لهم نواشف جيبون وزتن وفيه ناس ما يحبون النواشف صلحنا لهم تونه .... أما أهل البعول فما يحتاج يكفيهم فريك

وما أنسى هالبيتين اللي طاحوا فيها أهل البر وميزتها الوحيدة تسلم من الطل والطلوله

وتقبلوا تحياتي وتحيات بقية أعضاء الرحلة
المهند

01 / 03 / 2008, 34 : 10 AM

ماشاء الله رحلة موفقة وشغل عدل وتميز بالتقرير

يالبى قلوووبكم بس كل شيء تمام وشغل نضيف

يمال العافية اخووي المهند ع التقرير المفصــل

ومحلا الجمس في الصووورة يطربك

..........................

01 / 03 / 2008, 44 : 10 AM

[size=5]مشكوووووووووووريالمهند على الصور الرائعه ومدام الحر

معك ارقدو بدون تقصير في الباقين

فيه شي ازين بس خله النا نتكشت فيه على كيفنا[/size]

كفو والله يالحر

01 / 03 / 2008, 10 : 11 AM

اقتباس:

المشاركة الأصلية كتبت بواسطة نجم تمير

ماشاء الله رحلة موفقة وشغل عدل وتميز بالتقرير
يالبى قلوووبكم بس كل شيء تمام وشغل نضيف
يمال العافية اخووي المهند ع التقرير المفصــل
ومحلا الجمس في الصووورة يطربك
..........................

هلا بك أخوي نجم تمير وأشكر لك مرورك

وما يحتاج الجمس شوووووويه يطربك .... يكفيك هيبته إذا دخل الروض ... الله يكفيه وراعيه الشر ....

01 / 03 / 2008, 39 : 11 AM

تسلمو ن على الرحله الممتعه حسيت اني معكم الله يهنيكم ويجعل ايامكم وكشتاتكم فله على طول
.................................................. ...........................................
ملك البراري

01 / 03 / 2008, 47 : 11 AM

اقتباس:

المشاركة الأصلية كتبت بواسطة ابوحمد2011

[size=3]مشكوووووووووووريالمهند على الصور الرائعه ومدام الحر
معك ارقدو بدون تقصير في الباقين
فيه شي ازين بس خله النا نتكشت فيه على كيفنا[/size]
كفو والله يالحر
]

ما يحتاج الحر لو ماراح مارحنا ... لكن فيه عيب إذا جاء قبل الفجر أزعجنا وأزعج اللي نايمين في الروضة بدقة هالنجر ثم يالله احمس القهوة ... وعقبها دلينا ندور ريضان صاده ... وأبشرك طحنا في رويضة حلييوه لكن سعينونه شوي ...

01 / 03 / 2008, 06 : 12 PM

اقتباس:

المشاركة الأصلية كتبت بواسطة ملك البراري

تسلمو ن على الرحله الممتعه حسيت اني معكم الله يهنيكم ويجعل ايامكم وكشتاتكم فله على طول
.................................................. ...........................................
ملك البراري

هلا بك أخوي ملك البراري في منتدى أغلى الديار وبين إنك جديد على المنتدى .... أتمنى أن ييكون لنا نصيب من اسمك وتتحفنا بما هو جديد في البراري ...

مرحباً بك وبمرورك ...

01 / 03 / 2008, 08 : 12 PM

كشته رااااائعه يا المهند ما دام معك رجاجيل شرواك

والله الفطور يشهوي مطرح ما يسري يمري

اما الانفجار هذا ههههههه

الحمد لله ما فيه شضايا ولا اصابات

والحمد لله على سلامتكم والله يعطيك العافيه على الموضوع

وجزاكم الله خير