سالفة وقصيده اللي سرق فلوس زوجته

سالفة وقصيده اللي سرق فلوس زوجته
بسم الله الرحمن الرحيم
هذي الله يحييكم ويسلمكم ويخليكم لعين ترجيكم قصه زوج وزوجته كانوا عايشين في قمه الرومانسيه والحب وكانت الزوجه مدرسه وراتبها زين (مع الإعتذار لجميع الإخوة ممن زوجاتهم مدرسات) .

وهذا الزوج جاء يوم من الايام وهو طفران .. ماهنا زود دراهم الله يخلف وحصل زوجته توها مستلمه المعاش و هو اللي ينبسط و يوم طلعت من البيت . نقز للدرج اللي فيه الدراهم .. والقط سبعه الاف ريال فقط لا غير

المهم درت زوجته .. وازعلي واطلعي لبيت اهلها ونادت اخوها وتمردس ببطنه وماخلى فيه عرق صاحي والله لا يوريكم ..

لكن الزوج بعد ماصحى وصحصح و استصح قال هالقصيده اللي كلها شجن وعاطفه بعد ما هجرته زوجته بدون عوده اتمنى تنال اعجابكم و لكم تحياتي

لــــي زوجــــة حــبــه يــتــل المـعـالـيـق=عـرسـي عليـهـا الـعـام بـــاول شـبـاطـي
مــن روحـتـه والـــزاد بالـبـيـت مـاذيــق=ولا امـيــز الـعـلـم الـقــوي والـخـراطــي
بـيـاض وجـهـه مــن بـيـاض الغـرانـيـق=واخـدودهــا يـاخــوي مـثــل الـطـمـاطـي
والـصـدر يزهـابـه عـــذاب العشـاشـيـق=والــردف زامــي فـوقـه الخـصـر واطــي
ومـدرســة مـــع زيـــن كـــل التـخـالـيـق=وزود عـلــى هــــذا تــعــرف الـخـيـاطـي
وجـابــت رويتـبـهـا وصـفَـقْـت تصـفـيـق=تــســعــة الاف كــلــهـــن بـالـمـغــاطــي
وصـكــت عـلـيـه بغـرفـتـه بالـصـنـاديـق=وغـطـت عـلــى صنـدوقـهـن بالبـسـاطـي
وديـتـهــا تــشـــري قـــــدور وابــاريـــق=وانــا انطـلـقـت للـبـيـت يـــم الشـنـاطـي
واخـــذت سـبــع الاف مـعـهـن تـلاحـيـق=وخليت انا الف وخمـس معهـن افراطـي
اعـرفـت وقـالـت عـنـدك الـيــوم مـالـيـق=والله لــوتــربــط بــرجــلــي اربـــاطــــي
وانـــا عـرفــت انـــي تـوهـقـت تـوهـيـق=يــــاالله يــــارب اتـهــديــن الـصــراطــي
وقـالــت لـخـوهـا كــــل شــــي بـتـوثـيـق=وجـانــي حـــلال الـقــوم راع النـشـاطـي
ثـمـن ضربـنـي ضـربـة تييـبـس الـريـق=وقـــام وفـرشـنـي فـرشـتــه للـسـمـاطـي
وقـــــام يـتـوطــانــي بــلــيــا تــرافــيــق=ويـرجــد عـلــي ويـمـسـحـن بـالـبـلاطـي
وا وجس بصدري عقب ضربه حشاريق=قـمــت اتـنـفـس عقـبـهـا مــــن ابــاطــي
لــي تسـعـة ايــام وانـــا بـــي تشـاهـيـق=عـجـزت اسـولـف كــن فيـنـي اصقـاطـي
بـراســي صـعـاريـر اســـواة الـزرانـيـق=ومـضــارب بـالـبـطـن مــثــل الـمـقـاطـي
ولا ضـاق صـدري قمـت اجمـع طوابيـق=والـــى تـوســع قـمــت اجـمّــع قـواطــي
انـا احـمـد الـلـة بــدّل الضـيـق بالضـيـق=والـهــم مـــن راســـي نـــزل لـلـمـواطـي

الراوية هبوب الشمال

مسكين

والله رحمته

بس ولو خله حقه وماجااااااه

هذا سارق وودك لو انه قطع يده كان برد كبدي

موضوعك مميز جدا

هذا خبري بهبوب الشمال


سلام

هادى


مراقبنا الغالى


وراعى الايدى البيضاء


الف شكر على



التواضع وانشاللة نكون


عند ضنك ونضن الجميع


على طريق العمل المثمر هنا فى منتدى الحب


منتدى تمير الغالى


اخوك الراوية هبوب الشمال

	أبيات جميله هبوب الشمال كل بيت احلى من الي قبله بصراحه انت موهبه نادرة وهذا مو مجامله ولكن كتاباتك تفرض نفسها انت بحق مكسب للمنتدى لا تحرمنا من جديدك

الهبوب

مشاركاتك مميزه

ونتمى من الراويه

تخصيص موضوع دائم باسم قصه وقصيدة

مشاء الله عليك هبوب الشمال بحق انت راويه سدير القادم
حافظ على هذا المستوى وسيكون لك شان عظيم باذن الله

ولد عنبر

الف شكر على هالمشاعر القيمة

التى افتخر بها من مشرف متميز

لك خالص تحياتى وتقديري

ابشر ياخوى المدرس


وانت تامر امر


والف شكرلك على المرور

الف شكر اخوى حمد على هالنوجيهات



وانشاللة نكون عند حسن الظن



ولك تحياتى وتقدير على المرور

أخوي هبوب

بصراحة روايتك للقصة والقصيدة في منتهى الروعة

ماقصرت يا أخوي

وعندي طلب بسيط منك وانت الوحيد اللي قادر عليه

وهو ليش ما يثبت موضوعك هذا وأنت بما أنك راوية لسواليف الشعر تضيف عليه من رواياتك اللي أكيد بتمتعنا ويكون لك كمرجع أو كتاب مصغر تواصل أبداعك من خلاله ويكون مكسب للمنتدى

هذى اقتراح بسيط لك أخوي

وتقبل تحياتي