ياشبه انسانه في راس ورجلين

السلام عليكم ورحمة الله وبركاته

عساكم بخير .. جميعا ً

اليوم أنا جايبه لكم قصيده

كتبها واحد في وحده كان يحبها وخانته

بصراحه ماعرف من هو الشاعر

ولكني راح انقل لكم الابيات

واخليكم معاها.

.
.


لا ردك الله لا ولا اطلـب تـرديـن ×× ادعي عليـك بعثـرة فـي صلاتـي

عثـره تشلـك مـا بعدهـا تقوميـن ×× يـا قاتلتنـي يـوم صرتـي حياتـي

خدان لـك بالقلـب كانـت بساتيـن ×× وريضـان وغصونـن بهـا يانعاتـي

كنتي مناة القلـب والـروح والعيـن ×× واليـوم عينـك يعلهـا مـا تباتـي

كنت أحسبك للعهد والحـب توفيـن ×× قلتي الغدر بالحب ماهـي بسواتـي

وحلفتي يمين الله مـا منـك اثنيـن ×× وانـك مـلاك دون كـل البنـاتـي

وانك على عهـد المـودة تسيريـن ×× ولا تسمعين أهل الحسـد والوشاتـي

وصار اليمين ستار خلفـه تواريـن ×× ورماح غـدرك بالخفـا مشرعاتـي

وبان الغدر سـم جـرى بالشراييـن ×× الله عسـى يسقيـك سـم الفعـاتـي

كلي سقيتـك حـب واليـوم تنسيـن ×× تقوليـن حلـم ايـام واليـوم فاتـي

أخذتي الهوى لعبه على مـا تحبيـن ×× ليـن عصفـت بالهـوى عاصفاتـي

من زينك يا بنـت بالشعـر تزييـن ×× مـن صـورك بابياتـه الطايلاتـي

انا من غرامي قلت كانـك تذكريـن ×× قلت الخجل صاب البدر من مناتـي

وصرتي بشعري في العذاري تباهين ×× تقولين انا شمس العصر في حلاتـي

زينتك بشعـري ولا غربـك الزيـن ×× ما زانتك صبغـات حمـر الشفاتـي

صورتك بالشعـر حـزام ورياحيـن ×× واثرك هضاب وشوك ما به هداتـي

رسمتك سحابه خيـر قطـر تنفيـن ×× فزت لك الصحراء زهـور ونباتـي

رسمتـك مهـاه للجميلـه تقـوديـن ×× واثرك قطيعـه وضيعتهـا الرعاتـي

واثرك غراب يوم سـدل الجناحيـن ×× كنت احسب اني شايف لـي قطاتـي

بالشعر غليتـك علـى كـل غالييـن ×× واثـرك دنيـه وتعشقيـن الدنـاتـي

وبالشعر عاتبتـك عتـاب المحبيـن ×× انا من يسوم الروح لك يـا غناتـي

توسلت لك خايف على حب عاميـن ×× عامين لكـن فـي حسابـي مئاتـي

ناديت لكن لـي ابـد مـا تسمعيـن ×× عمري وروحي فكـري فـي ثباتـي

حذراك للشينـات عمـري تماشيـن ×× عديمات اصـل اخلاقهـن دانياتـي

غاب الولي عنهـن ولعبـن بحبليـن ×× يا خـس واليهـن وخـس الولاتـي

ما همهن في الناس زيـن ولا شيـن ×× وقلوبهـن مـن حقدهـن مظلماتـي

وقلتي وربـك لـو يكونـن ملاييـن ×× ما غيرن باطباعهـن مـن سماتـي

تحسبيـن انـك بالمهافـه ترقـيـن ×× كيـف الصعـود يكـون للهاوياتـي

وخنتي وبعتي كـل عهـد واياميـن ×× ما عاد يفـرق بيـن ماضـي وآتـي

وصرتي مثل غيرك برخص تبيعيـن ×× يا مرخصتني ما بقـى لـك غلاتـي

صبري نفذ واليـوم ثـارت براكيـن ×× مظلوم انا وباكـر تحـل ادعواتـي

اسمعي عسى من بعدها مـا تسمعيـن ×× اسمعي دعا من صار قلبـه حصاتـي

ادعي عسى من ناضرك ما تشوفيـن ×× وتطحن بك الايام طحـن الرحاتـي

وعساك عوق منه مـا عـاد تبريـن ×× عوق تشافـق لـه قلـوب العداتـي

ويالله عسى يحتـار فيـك المداويـن ×× تبين الممـات ولا يجيـك المماتـي

ويالله عسى كـف الندامـه تعضيـن ×× تندمين يـوم انـه يفـوت الفواتـي

وتبكين دم يسيل مـن مقلـة العيـن ×× وتحتار امك عـن عنـاك وتحاتـي

عسى ما تلاقي من له القلب تهديـن ×× وان حصل ادعي عسـاك الشتاتـي

يا بلوة اللـي وسـط بيتـه تعيشيـن ×× ساهي وحوله شب جمـر الغضاتـي

عسى بعمـرك ساعـه مـا تهنيـن ×× وتمضي حياتك بيـن هـم وشقاتـي

يا بنـت قلبـي ويـن مثلـه تلاقيـن ×× قلبا عطاك الحـب مـا قـال هاتـي

جيتك وروحي شلتهـا لـك بكفيـن ×× وفي التاليه رمـح الخيانـه جزاتـي

يالله عسـاك النـار يـا أم وجهيـن ×× كله انكشـف لا مـا تفيـد العباتـي

ويالله عسى تلبسك جـن وشياطيـن ×× وتكونين مدعـاة الحكـي والشماتـي

يـا حيـة رقطـا تقـود الثعابـيـن ×× باكـر تحـن ايـامـك المعتمـاتـي

وباكر على فعلـك بمثلـه تجازيـن ×× ظلم المشاعر مـا تحكمـه قضاتـي

بينـي وبينـك تحكـم ايـام وسنيـن ×× وانا شاهدي قلبا مـن الغـدر ماتـي

ويـا دمعـة التمسـاح لالا تذرفيـن ×× العيـون رغـم دموعهـا كاذباتـي

لا ما عرفتي الحب لا مـا تحسيـن ×× وغدرك تعدى غـدر ذيـب الفلاتـي

الذيب يعـوي قبـل يغـدر بمسكيـن ×× وانتي غدرتي خافقـي فـي سباتـي

لو كان غدرك في كفوف الموازيـن ×× كـان رجـح كـل غـدر البناتـي

انتي السبب سقتي على القلب جرحين ×× غـدر الغـرام وموجـع الذكرياتـي

وانتي السبـب واليـوم لالا تلوميـن ×× وان جاك باكر شوفي اشلـون يأتـي

والله لاكتب وافضحك فـي دواويـن ×× وارقص واغني يوم خبـر الوفاتـي

وارسم لاهل العشق قلبـا وسهميـن ×× وقصة خيانه مـا روتهـا الرواتـي

ويمين لانشر فوق اسمـك عناويـن ×× واشهرك من قاصي اليمن للفراتـي

ومن غرب هالدنيا الى قاصي الصين ×× ديـوان غـدر فيـه كـل اللغاتـي

والبادي اظلـم سنـة العيـن بالعيـن ×× والا فـذي لا عادتـي ولا صفاتـي

ويا شبـه انسانـه بـرأس ورجليـن ×× اعـوذ بالرحمـن منـك في صـلاتـي
.
.
.

دمتم بخير

أعوذ بالله

الشعار مشكله يا سود الله يا بيض الله مافيه حل وسط ..

قصيده أو قذيفه جاءت على غير العاده

هذه القصيده يبدوا لي ان شاعرها قد كتب قبلها من الغزل الشي الكثير

وتفاجأ بالخيانه فكانت ردة فعل ..

تسلمين يا سحايب وما قصرتي ..

السسسسسسنافي


هلابك يا القرم


وانت شاعر وتعرف مدى عمق احساس الشعار وقوة تأثرهم

والخـــيــــانه مو شي بسسسسسسسيط لأنسان صــــادق وتملكته انسانه خاينه

على العموم


اشكر لك مرورك وتواصلك العذب

واجمل باقاة الورود الفواحة بريحة المسك والعود

اقدمها لك لجمال حضورك

صح لسانك ولسان الشاعر

تقبلي مروري

عبد الله


شااااااااكره لك مرورك وتواصلك العذب


احترامي لك