مايجرح الرووح غيـر طعـوون غاليهـا

لا أخذت في خاطري من واحـد ٍ غالـي
ماعـاد أبـي النـاس قاصيهـا ودانيهـا

ماعاد أبي اللي ينشّدنـي عـن أحوالـي
العزلـه .. أبـرك مـن الدنيـا ومافيهـا

أجلـس لحالـي وأنـادم نفسـي لحالـي
مهـمـوم وهمـومـي .. الله لايحييـهـا

أغيب عن مجتمع خلـق الله أشـوا لـي
وأدلّـه النفـس .. لـيـن الله يسويـهـا

أضحك وأنا الصـدز لادالـه ولا سالـي
مـن ضيقـة ٍ ماتجنّـب عـن حراويهـا

لا اونستها في ضلوعي كنهـا الصالـي !
النـاس مـاعـاد أناديـهـا بأساميـهـا

كنيتهـا ليـن شفـت الشـرّ فـي حالـي
عجزت لأهرج بها وازريـت لا أخفيهـا

ان جيت ابهـرج بهـا شـي ٍ ماينقالـي
وان جيت ابسكت ل( نار ٍ من يصاليها ) !

حتـى تسـاوا مـذاق المـر والحـالـي
حسبـي علـى كلمـة ٍ مانـي بناسيهـا

ياليتـهـا مــن عدويـنـي وعـذالـي
والله ل( تلقى ) الجـواب اللـي يداويهـا

لكنهـا مـن حشيـم ٍ منـزلـه عـالـي
احترت فيهـا ولا أدري ويـن أوديهـا !

مـردودهـا كــل مامـنّـه تهيّـالـي
شيّمـت نفسـي عـن أولهـا وتاليـهـا

تمرنـي جـعـل والله مالـهـا والــي
ماكنـي اوحيتهـا مـن فــمّ راعيـهـا

وأصـد مـن دون لا أشـاور ولا أمالـي
بضاعـة ٍ بـيـن بايعـهـا وشاريـهـا

ماني ب( ناقص ) غرابيـل اول وتالـي
روحـي مـن الوقـت فيهـا مايكفيـهـا

سوالـف ٍ كـل مامـرت علـى بـالـي
سمحـت مـن خيـرة ٍ كنـت متحريهـا

ياحـرّ كـبـدي وياهـمـي وغربـالـي
مصيبـه إن كـان حاميهـا حراميـهـا

ضايق وضاقت بي فجوج الخـلا الخالـي
( والنار ماتحـرق إلا رجـل واطيهـا )

مهمـا يـدور الزمـان ويأمـن الجالـي
مايجرح الرووح غيـر طعـوون غاليهـا
.
.
.
.

أضحك وأنا الصـدز لادالـه ولا سالـي
مـن ضيقـة ٍ ماتجنّـب عـن حراويهـا

لا اونستها في ضلوعي كنهـا الصالـي !
النـاس مـاعـاد أناديـهـا بأساميـهـا

كنيتهـا ليـن شفـت الشـرّ فـي حالـي
عجزت لأهرج بها وازريـت لا أخفيهـا

ان جيت ابهـرج بهـا شـي ٍ ماينقالـي
وان جيت ابسكت ل( نار ٍ من يصاليها ) !

+ شموخ انثي

تسلمين علي النقل المميز

وانتي مبدعه في نقلك

تحياتي

قناص

الله يسلمكـ
اسعدنيـ تواجدكـ العذبـ
ولاهنتـ

صح لسانك
قصيده جميله
ويعطيك العافيه

الف شششششكر لحضوركـ

ولاهنتـ

اختي شموخ انثى

شكــرآ لكي على ماتنقلي لنا من هذه الروائع

’’ شموخ انثى ’’

حياك والقلب وياك

يعطيك الف الف عافيه على هذا القصيده الجميل والرائعه

سلمت يداك

ابو العنود..

ياليتـهـا مــن عدويـنـي وعـذالـي

....والله ل( تلقى ) الجـواب اللـي يداويهـا

لكنهـا مـن حشيـم ٍ منـزلـه عـالـي

......احترت فيهـا ولا أدري ويـن أوديهـا !

قصيده شاعرها أجاد صياغتها على طريقة السهل الممتنع

لذلك لامست مشاعرنا بشكل كبير ..

وانا أجزم ان من قراءها سوف يقول ( والله انه صادق )

والشاعر يقول

أصعب ما أشوف الذل في عيون رجال

........ وأصعب ما أحس أن الخطا من رفيقي

قصيده رائعه وتسلمين عليها يا شموخ ..

اقتباس: المشاركة الأصلية كتبت بواسطة الشمالي    اختي شموخ انثى شكــرآ لكي على ماتنقلي لنا من هذه الروائع

الف شششششششششششششششششششششششششكر لحضوركـ الرائع
ولاهنت

اقتباس: المشاركة الأصلية كتبت بواسطة ابو العنود    ’’ شموخ انثى ’’ حياك والقلب وياك يعطيك الف الف عافيه على هذا القصيده الجميل والرائعه سلمت يداك ابو العنود..

الله يعافيكـ ويسلمكـ
وماعدمتـ هالتواجد الرائعـ
ولاهنتـ