أنا من حسن حظّـي ذبـت عشـق وخافقـي ذابـي

مساء الورد

لقلوبكم النقيّه

لبرد الغربه

للحنين الى الماضي

للحزن

للألم

للأمل

للقلم / والقرطاس

اتركم مع ابداع فلاح العماش




هنـا جـرح وهنـا دفتـر قصيـد ونـزف بكتابـي
هـنـا دخــان يحرقـنـي وطفـايـه و ولاعــه

هنـا جـوال .. ياصوتـي ذبلـت وقلـت بأسبابـي
هنـا شاحـن كـذا مهمـل يشيـل أحـزان سماعـه

هنـا بعضـي سكـن ذيـك الزوايـا ومـلّ جلبابـي
هنـا علّقـت صدماتـي ألـف شـكـراً ياشمـاعـه

هنـا بــردٍ تلحّفـنـي وهـنـا جــوعٍ تغـدابـي
وهنـا ضاقتبـي الدنيـاء وحـيـدٍ أكـثـره بـاعـه

وهنـا مرايـه ملامحهـا حزينـه جـتّ تهجـابـي
ملامـح زيّ ملامحهـا كــأن الشغـلـه طبـاعـه

شهر مرّ وسنه مرّت وأنـا عايـش علـى أعصابـي
ثوانـي غربتـي تنـزف وأناظـر عقـرب الساعـه

أحـس بداخلـي لـيـل وبقـايـا عـطـر بثيـابـي
وأحـس أن الزمـن يمشـي ولكـن طـال مرباعـه

وأحـس أنـي هنـا ومانـي هنـا والسبـه غيابـي
وأحـس أنـي هنـاك وينتشـي النعـنـاع نعنـاعـه

ذكرت أمـي وتذكـرت الدمـوع وطاحـت اهدابـي
وحشا مانيـب ناسيهـا لـو ينسـى قلبـي أوجاعـه

هـنـا أنفاسـهـا فيـنـي وصورتـهـا بـدولابـي
وهنـا تتنـهّـد بـصـدري وأحــس الآه ملتـاعـه

هنا عطـف وهنـا رحمـه وهنـا صـوتٍ تهقوابـي
وهنـا شـحّ الزمـن لكـن بحـاول أنهـي صراعـه

ربحت أشيا وخسرت أشيا وكل هـذا علـى أحسابـي
وأنـا ماهمّنـي لـو هـم يقولـوا جـتّ بـذراعـه

وأنـا ماعـادبـي قــدره عـلـى هــمٍ تلـوابـي
أحد قبلـي عصـاه الوقـت يمّـه ومـلّ ثـم طاعـه

عشـت بواقعـي هــذا وربــي عـالـمٍ مـابـي
ولا أحدٍ سأل عني ولاحـدٍ قـال / شوضاعـه ...؟؟

يايمّـه لـو تخيّلتـي نسـونـي حـتـى أصحـابـي
وربعـي همّلـونـي والبـنـادم هــذي أطبـاعـه

وناسـي ماهـم بناسـي ولا أحبابـي هـم أحبـابـي
ومركـب رحلتـي يمّـه حزيـنٍ ينعـي شـراعـه

أبي أشره علـى بعـض الخلايـق وأبـدي أعتابـي
وأقـول أنـي تجرّعـت العـذاب المـر بأنـواعـه

شمالـي ياوسـع صـدري ولاعمـر أنقفـل بـابـي
ومنهو صـدّ عـن عينـي أقـول السمـع والطاعـه

وأنـا لـي قلـب ياعمّـي أحـب وأبـدي أعجابـي
وكـلٍ يتبـع شـعـوره وكــلٍ يتـبـع اطمـاعـه

وأنا اللي عارفٍ ذنبـي وأنـا ادري ويـش سوابـي
وكلام الخلق أعرفـه زيـن كـذب وزور وشمّاعـه

أنا من حسن حظّـي ذبـت عشـق وخافقـي ذابـي
وأنا ماني مثـل غيـري ضعيـف شعـور مرفاعـه

أنـا عبـدٍ قنـوع ومؤمـن وراضــي بسكـرابـي
ريالـي ماهـو بجيبـي وشيكـي معـرف أيـداعـه

تذكّـرت السوالـف كـل أبوهـا ثـم ضحـك نابـي
وضحكة ( نوف ) تسرقني يا طماعه / ياطماعه ....!!

تقول ( أحلام ) تضربني و ( سهام ) بتاخـذ ألعابـي
وأبي تكتبلي الواجـب أنـا ملّيـت / خداعـه .....!!

وأحـس أنـي بديـت أذبـل ولونـي صـار عنابـي
ومايـل للسـواد أكثـر وأحـس النفـس مرتـاعـه

وأحس أن الوجع صاير ياعمّـي بصـدري أرهابـي
وقلبي ( نايف بن عبدالعزيز ) وصبري أتباعـه ...!!

وأحس اني وأحس انّي وأحس أنـي علـى اعصابـي
وثواني غربتي تنزف وأناظر عقـرب الساعـه ...!!

لكي الف شكر ويعطيكي العافيه علي القصيده

أبيات في قمة الروعه

تسلمين ع الأختيار الموفق

لك خالص الشكر

وأحس اني وأحس انّي وأحس أنـي علـى اعصابـي
وثواني غربتي تنزف وأناظر عقـرب الساعـه ...!!
*&*
*&*
قصيده جميله يامبدعهـ
يا
شششششششششششششششششششششششششموخ

اقتباس: المشاركة الأصلية كتبت بواسطة الرومنسي    لكي الف شكر ويعطيكي العافيه علي القصيده

حياكـ أخي الكريم
ماعدمتـ هالتواجد

ولاهنت

اقتباس: المشاركة الأصلية كتبت بواسطة وفيت وخانتني    أبيات في قمة الروعه تسلمين ع الأختيار الموفق لك خالص الشكر

الروعهـ مروركـ العطر
لاخلا ولاعدم

اقتباس: المشاركة الأصلية كتبت بواسطة الصاحــــــب    وأحس اني وأحس انّي وأحس أنـي علـى اعصابـي وثواني غربتي تنزف وأناظر عقـرب الساعـه ...!! *&* *&* قصيده جميله يامبدعهـ يا شششششششششششششششششششششششششموخ

تسلم أخى الكريم
ولاعدمتـ هالتواجد الطيب
ولاهنتـ

مشكوره أختي شموخ على هذا الأختيارالرائع والمتميز

تقبلي فائق أحترامي

حياكـ يالغلا
تشرفتـ بمروركـ

ماعدمناكـ

مميزه في كتاباتك اختي شموخ

ماننحرم من هالقلم وصاحبتهـ


دمتي ودام قلبك وقلمك


ننتظر منك المزيد

تحيتي

لاعدمناكـ..,