|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| ملتقى تمير ( تقارير , قضايا , اخبار خاصه بمدينة تمير فقط ... ) |
آخر 10 مشاركات
|
 |
|
|
أدوات الموضوع |
20 / 01 / 2008, 55 : 07 PM
|
#1 | |
|
مشرف سابق
|
( موقف طررريف او مخجل حصل لكـ في حياتكـ .. اســدحـة هنا )
السلام عليكم ورحــمة الله وبركاتــة
 كيفكم يأعضاء منتدى الديــرة ( تميـــر)  المــهم اليـوم فكرت  بموضوع بســاحة الأهالي بحكم احنا من ديرة وحــدة  فقلت ليه مانفرفش ونسوولف عن الأشياء الطــريفة  او المخجلة  او اي شيء مر في حياتنا مانسيتووه يالله عاد حلو الموضوع بردوودكم ومواقفكم مأبغى احــد يرد ويقوول مشكوور على الموضووع ويمشيء ترى على طووول  رجااء اللي مافي راســة شيء لايــرد هع هع << بينجــلد  ...................... |
|
|
|
20 / 01 / 2008, 09 : 08 PM
|
#2 | |
|
موقوف
|
هذا الكلام قبل 3 سنين كان معي 3 ريال وكنت مطفر
وكان في بالي توكس عودين وديو المهم كان معي سيارة الوالد جمس رحت للبقالة وشريت الي كان في راسي وانا امشي من العجلة مسوي محافظ ع البيئة شفت لي زبالة ووقفت من السرعة فكيت القرطاس ورميت الأصبعين توكس بلزبالة هع هع والقرطاس في يدي والله ياصدري ضاق يافرحة ماتمت عقبها قعدت العن ع البلدية من القهر وفي موووووواقف كثير بس أصبروا خلوني أتذكر ... |
|
|
|
|
20 / 01 / 2008, 23 : 08 PM
|
#3 | |
|
مشرف سابق
|
هههههههههههههههههههه
الله يرجكـ ياللــورد شكلكـ رايح في امها وقتها .................. لاهنت على الطرفـــة |
|
|
|
|
20 / 01 / 2008, 37 : 08 PM
|
#4 | |
|
مشرف سابق
|
انا عندي موقــف طررريف مرررة
اذكــر مرة من المرات طبعا بالرياض على سيارتي الجو غيم وفــلة ورشاش وســعة صدر المهم وقفت عند الأشارة انتم عارفيين الزفلت حق الرياض يختلف يجيكم ناعم مرررة المهم وانا وااقف عند الإشارة طبعا اوول واحد انا ولعت الإشارة خضراء طبعا وراي سيارات كثييييرة وانا ادووس بسبق العالم وانا معطيها قام يحذف بي الموتر يمين ويسار  ويالله هالعالم بوراي وإزعاج يحسبووني متعمدها هههههه وكل ماجيت برفع رجلي اعطيها شووي المهم وتزحف بي اقوى من الأولى ويالله ركدت الموتر وهذي بصراحــة معاناتي بالرياض وقت المــطر كل مالفيت مع ملف او مشيت من إشارة قام يززززحف بي ههههههههه حتى صرت مأطلع من البيت إذا جانا رش او مطرررر طبعا الموقف هذا قبل الأسبوع اللي فات مدري اللي قبلة هع هع |
|
|
|
|
20 / 01 / 2008, 39 : 08 PM
|
#5 | |
|
تميراوي سوبر
 هتلرً تًميم سابقا =)
|
أما انا حصل لي موقف الله يسامحنا
المهم كان عندنا امتحان قران ولا دريت الا الصباح من العيال طبعا كان حفظ انا من العجله حاولت اكتب الايات على غلاف كتاب النصوص كتبت الايات واخطيت في كتابة كلمه جاء دوري قال الاستاذ يالله اقرا... المهم قريت يوم وصلت عند الكلمه قريتها زي ماكتبتها قال المدرس عد الايه عدتها قال عدها ثانيه عدتها ثانيه قال عدها المهم انا من الدلاخه قلت يا استاذ تعال شف انا كاتبها كذا.... شفتوا عاقبة الغش |
|
|
|
20 / 01 / 2008, 41 : 08 PM
|
#6 | |
|
مشرف سابق
|
^^^^^^
هههههههههههههههههههههه الله يرجكـ ياشيخ اجل تغش بالقران ههههههههههههههه مشكور اخووي على الطــرفــة |
|
|
|
|
21 / 01 / 2008, 26 : 12 AM
|
#7 | |
|
VIP
|
موضوع حلو مرره مشكوور نجم تمير
انا كل حياتي مواقف طريفة وكل ما ذكرت موقف بجي اكتبه لكم اخر موقف صار لي في الجامعة قبل كم اسبوع بما اني مسؤولة في احد مشاريعنا كنت انا اللي اكلم الدكتور نيابة عن المجموعة المهم مره من المرات دق الدكتور وانا جالسه مع صديقاتي في وقت البريك ولا اقدر اسمع الدكتور زين (مصري وشايب يالله افهم عليه) رديت عليه ويوم شفت الوضع مافيه امل اسمع قلت له لحظه شوي ,,سألت صديقتي عن القاعه اللي قدامنا فيها احد قالت لا واروح طااايرة للقاعه وحاطه جوالي بكمي(لأنه كاميرا)ودخلت القاعه واشوف فيها كم بنت يمكن 5 او6 قلت شكل عندهم اختبار وجالسين يراجعون واروح اخر القاعه واكلم الدكتور ,,ووقت ما انا اكلمه حسيت يد تأشر لي وألف اطالع الا استاذه !!!!! مدري وش اسوي وجوالي مخااالف وداخله اكلم وهي تختبر بنات مدري تعطيهم محاضره مدري وش سالفتها بس جالسه معهم دخلت الجوال بكمي وانا اكلم الدكتور واقوله طيب وانا والله مدري وش يقول سكرت منه ولفيت عليها قلت وشو؟؟؟<<<بريييئة قالت :وين داخله القاعه؟؟<<هنا عرفت انها استاذه والحمد لله ماكانت بقسمي قلت : اسفه ما انتبهت (وانا خوفي انها منتبهه للجوال) قالت : طيب اطلعي قلت انا بطلع وانحاااش لصديقتي وهاوشتها (اللي قالت مافيه احد في القاعه) ^_^ -------------------- |
|
 علقت برجا رب عزيز قـــــــــــــــــادر جبار وعانقت الرضا لكن مــــــع ضيقة تلازمني طلبتك كان لي خاطر دعاء بحــــزة الأسحار أنا أشهد بالدعاء والله أحـــس انك تواسيني -------------------------------  -------------------------------------------------- لاتفـرح باللي يضحـك لك وتستانس معه .. افرح باللي يوقف معك في شدتك ويمسح دمعتك !!
|
|
21 / 01 / 2008, 02 : 01 AM
|
#8 | |
|
مشرف سابق
|
^ ^ ^
ههههههههههههاااااي الله يقلـــع ابليسكـ يابنت مزحفتها بالجامـــعه ههههههههههههههه مشكورة على المشاركــة القيمــة ............. |
|
|
|
|
21 / 01 / 2008, 21 : 01 AM
|
#9 | |
|
تميراوي فضي
|
معليش اشارك معاكم انا مومن تمير بس بقولكم المواقف الي عندي ... .................................................. ....................... وانا عندي موقف اول مادخلت الكلية كنت اتمنى اشوف العميدة مدري من اسمها العميدة احس انها شي احسها من كوكب ثاني المهم كنت ماعرف الا صديقاتي من القاعه ...... وتونا اول اسبوع واشوف وحدة ماشالله طول وعرض ولابسه نظارة شكلها رزة قلت اكيد هذي العميدة وانا ساكته وماطلعت من القاعه كالعادة <<<متعودة على النحشات .... وانتظرها تطلع وماطلعت وانا والله خايفه منها وشوي تقعد قدامي ...... استغربت العميدة تجلس معنا يوم سالت الي بجنبي قالت هذي معنا بالقاعه طالبه وانا والله حقدت عليها لانها من جد عيشتني حالة ر عب وحرمتني من النحشه ... ×××××××××××××××××××××××××××× وموقف ثاني ايام المتوسط انواع الشقاوة ..... وكنا دايما نهبل بالاداريات وذاك اليوم وقفتنا الاداريه وقالت ؟؟؟؟؟؟؟؟؟ وش عندكم يا........................... وردت عليها صديقتي الحمدالله بخير <<<<خخخخخخ تحسبها تقول وشخباركم ؟ وحنا انفجرنا من الضحك والاداريه عاقبتنا بالتوقيف حصتين ورى بعض ....... بس وناسه اهم شي مانحضر الحصص <<< 
|
|
|
|
|
21 / 01 / 2008, 32 : 01 AM
|
#10 | |
|
تميراوي فضي
|
أما أنا مواااااااااااقف مالها نهاااااااية الى الان
الاول/ مرة طااااااالعه من السوق مستانسة >>لقيت اللي ابيه المهم واركب السيارة واسولف من الفرحة مادريت الا اللي يتنحنح احم احم استغربت ابوي بالعادة يتكلم او يهوش لا وقاعده وراه من زين الطبع ومع الروعه ماقويت انزل الا بعد دقيقتين يوم رن الجوال يدوروني اهلي وانزل وتطيح الاكياس وحالتي حاله كرهت السوق واللي حطه الله لا يعيده من يوم... الثاني/في الجامعه كنت امشي انا وصديقتي في ممر المبني الا والعامله تجي زااااحفة بدل ماتكب الموية على الارض كبتها علينا كلها غرقتنا الله يقطعها وطبعا كان عندي ذاك اليوم تقديم عرض قدام البنات قوليلي الحين وشلون اوقف قدامهم وانا غرقة بالموية والله انها حاله واروح للدكتورة وشافتني وضحكت واجلت العرض خخخخخخخخخخخخخ يعطيك العافية اخوي |
|
|
ثمَّة أٌمْنِيآتْ لآ تمُوتْ ، تَظَلُّ مُتشبثَّة بِ أطرَافُ أصابِعُنَا ..
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
