هموم رياضي سعودي (( 2 ))

تحيه لكل عالمي
وش صار على القضيه الي ما بتنتهي ( هوساوي ) ؟
طلعوه على قناة العربيه وخلوه يقول ابروح الهلال وادارة الوحده بكل ذكاء كسبت الملايين والهلال دفع الملايين كلها والعقد مدته سنه وبعدها لكل حادث حديث وعلى الهلاليين تجميع ( القطّه ) مرّه ثانيه !!
وش صار على التحكيم؟
بعد ما ضاقت صدورهم من الاسطوانه الكاذبه الي هي الثقه في الحكم السعودي وباقي هالخرابيط قرروا يجيبون اجانب لديربي الغربيّه وويبقى الواقع ان الحكم المحلّي محد يثق فيه والجميع يتمنى الأجانب بإستثناء ( المستفيد الوحيد )
وش صار على سنترينهو ؟
من ذا قصدك ساهي ههههههههههههه
لقب مناسب والله والمهم ان ( الأسطوره سنترينهو ) الظاهر انه شيّب وبدأ يخرّف و لسانه يتفلّت يقول انا اسمي مدوّن في الفيفا بين اللاعبين العالميين !!
والكل يعرف ان الخبير الدولي الوحيد في الفيفا هو الأسطوره ماجد المجد ولا قد سمعنا ان سامي خبير دولي في الفيفا
كل الي سمعناه عن سامي انه هو وزميلته ( منى ابو سليمان ) ثنائي النوايا الحسنه وهذا أكبر انجازات سنترينهو باشا !!
اما سالفة المشجع النصراوي الي بيدقها ( كعّابي ) لين الرياض عشان يحضر
فهذي أكبر كذبه سمعتها في حياتي والي بيصدقّها اكبر ( ذكي ) شفته في حياتي !
وش صار على أبو ثامر
طلع في صدى الملاعب وقال انه بيرشح نفسه وبيرجع لرئاسة ناديه والله يعين الهلال ورجاله واعضاء شرفه ( الحاقدين ) راجعلكم البلوي الي سبب لهم عقده نفسيه بإدارته الناجحه وملايينه الجاهزه !
وش صار فيك انت وراك مبسوط و مستانس ؟
ياخي ما تشوف النصر رجع لمستواه وقدام الطائي كان النصر غير وكان الفريق متفاهم ومنسجم ولا كان فيه اخطاء دفاعيه ولا مشاكل بين الحارس والدفاع
وماتبيني استانس عساه دوم ان شاء الله ولا يرجعلنا ذاك المربوش الي يضيّق الصدر
وش صار على قرعة الكأس ؟
مادريت اخترعوا معيار جديد للتصنيف وحطونا مستوى ثالث وحطوا الأهلي مستوى ثاني
المهم انها جت على رووسهم واول مباراه لهم رمتهم قدامنا وان شاء الله بنطلعهم من الكاس مع الدفعه الأولى هم والقادسيه وضمك والربيع وقتها بتبيّن المستويات الحقيقيّه
وش صار على مضاربة لاعبين الهلال؟؟؟
والله مشكله كبيره وفضيحه جديده يوم انهزموا ( رفّسوا ) بعض وواحد فيهم جاه تشنج وبغى يروح فيها بس ربك ستر
مالومهم شباب صغار وقدوتهم في الفريق الأول ( ترافيس ) وقدوتهم في دفاع الهلال عموما
هو ( شريده ) وش تتوقع بيصيرون ؟!!!
فيه اقتراح من الاداره الهلاليه لتحويلهم للعبة الملاكمه
خصوصا ان الشريده مرشح ليكون مدربا لهذه اللعبه في الهلال والثنيّان مرشح لمنصب المشرف العام على اللعبه !!
وش صار على لاعبنا السابق نشأت احترف ؟
ماشاء الله عليه احترف ووقع العقد مع مانشستر ستي احتراف صدق مو سياحه زي (خويّنا ) الله يستر عليه الرجال راح ووقع العقد ونجح في التجربه الي فشل فيها ياسر مدري كيف قبلوا ثالث افضل لاعب في آسيا ورفضوا افضل لاعب في اسيا ؟
شكل معايير الجائزه الآسيويّه اي كلام
المهم عسالله يوفق نشأت في الدوري الانجليزي الممتاز ويحميه من ( العين )
وش صار على بوش ؟؟؟؟؟
يخوي وش فيك مضيّع وش دخل بوش بسالفتنا ولا لايكون خويّك الهلالي يقول ان بوش جاي عشان اعتزال سامي ولا عشان ينقل ياسر لجالاكسي بطلب من بيكام ! لا تستبعد يسوونها !!
وش فيهم الهلاليين مبسوطين على انهم بيلعبون مع مانشستر ؟
طبيعي الهلال فريقمحلّيما وصلللعالميّه واللعب مع فريق عالمي انجاز بالنسبه له حتى ولو كانت مباراه وديه تكريميّه
ارفع راسك انت نصراوي عالمي هذي الفرق تواجههم في مباريات
( رسميّه ) تكون للعالميين فقط !

اللي مايطول العنب ..يقول عنه حامض...

اشكر اخوي ابو سارة على هذا الموضوع الجميل ....



والكل يعرف ان الخبير الدولي الوحيد في الفيفا هو الأسطوره ماجد المجد ولا قد سمعنا ان سامي خبير دولي في الفيفا
كل الي سمعناه عن سامي انه هو وزميلته ( منى ابو سليمان ) ثنائي النوايا الحسنه وهذا أكبر انجازات سنترينهو باشا !!



اكيد اخوي ماجد معترف به الفيفا...


سامي هذا هو انجاز سفير النوايا الحسنه ...


والطقاقه احلام سفيرة النوايا الحسنه...


وتقبل مروري...

فعلا .......... اصحاب العقول في راحة ...