أشهر الكلمات المتداوله بين الشباب

أشهر الكلمات المتداوله بين الشباب

الدلخ : وهذاا إنسان غبي جداااا.ويرفع الضغط ....وينرفز


المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه والسبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .


المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...



الشخر المخر أو أبو مشخر ! : من نفس فصيلة المنسم !



السلنتح : قليل الأدب



جحلط ( بتشديد اللام ) : وهم مرحلة متقدمة للسلنتح



مزّلب : يعني بايعها بتراب !



مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة



الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له




المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...



المفهي: هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هاه




الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسرقول العرب : أغث من حقنة



العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......



العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدرموثوق من عائلة العرابجة بأن هذه إشاعة مغرضة أطلقها عليهم أحد الخكاري...


المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .


المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمربجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....


السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.


الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..


الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .


زعّيط : مسوي نفسه يفهم في كل شيء وهو من جنب العارضة.


المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدروهبال ...


المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال والتطنيش....


الخكري : ببساطة الخكري = نعومة + دلع + ليونة والله لايبلانا... <<<<<<<<<<< اكره مخلوق يمشي على وجه الارض


اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا.


الزنقّبي : (بتسكين النون وضم القاف ) يعني العزوبي.

الصديع : اي كلمه في راسه يطلعها ولا يتنباء بأفعاله سواء كانت صح ام خطء .

الجنط : من فصيلت الدلخ.

المريوح: هذا اللي نفسه شينه

ههههههههههههههههههههه

حلوه الكلمات ياابولين

والله أنك صادق ووبس خخخخخخخ

يعطيك العافيه

دمت بود

اقتباس: المشاركة الأصلية كتبت بواسطة الصاحــــــب    ههههههههههههههههههههه حلوه الكلمات ياابولين والله أنك صادق ووبس خخخخخخخ يعطيك العافيه دمت بود

اشكرك على المروووووووووووور الرائع .....

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا.

خخخخخخخخخخخخخخخخخخخ

ذكررررررررررتني بووووووووواحد من الربع

يعطيك العاااااااااااااااااااااااااااااافيه

يعطيكـ العافية أخوي ابو لين على الموضوع


.................................................. .....

موضوع شيق وممتع

ما خليت شي يابو لين

مشكور وما قصرت

مشكور اخوي ابو لين على موضوعك والله ضحكني ( وناسة)
.................................................. ............................

اقتباس: المشاركة الأصلية كتبت بواسطة المستشــــار    اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا. خخخخخخخخخخخخخخخخخخخ ذكررررررررررتني بووووووووواحد من الربع يعطيك العاااااااااااااااااااااااااااااافيه

هههههههههه

سلمت يداك على المرووووووووووور .....

اقتباس: المشاركة الأصلية كتبت بواسطة عبدالله بن عبدالعزيز    يعطيكـ العافية أخوي ابو لين على الموضوع .................................................. .....

مشكووووووووووووور على المرووووووور .....

اقتباس: المشاركة الأصلية كتبت بواسطة النجدي    موضوع شيق وممتع ما خليت شي يابو لين مشكور وما قصرت

الله يعطيك العافيه على المرووووووووووووووور ......