قصيده قويه بمعنى الكلمه ...............

12 / 12 / 2007, 22 : 11 PM

قال الذي قلبه يزيد إحتراقه
بآجرّ بالمسحوب لجل انتسي الضيق
الله واكبر يازمان الطفاقه
ياكيف عاشوا واهتنوا ذا المطافيق
قبل أمس حنا نعلمه بالطلاقه
وليته اجاد اصلاً علوم المطاليق
ونعلمه رمي السهم وانزراقه
وشفته رمانا يوم شد المرافيق
ياأبيات شعري علميه برواقه
وقولي له اصحا يانما انتبه فيق
واعرف من اتكلم ياجعلك لعاقه
اهل الجنوب اللي تعلّو شواهيق
ولاتدخل المضمار دون اللياقه
تراك تسعى ثمٍ اتطيح وتعيق
ولا لا تقرب صوب درب الزلاقه
تراك تعسر فالدروب المزاليق
متحمسٍ بالشعر ولافيك طاقه
احذر يطق العرق.. او ينشف الريق
وان كان مثلك جمّع الشعر باقه؟؟
فحنا بساتين الشعر والطواريق
وحنا عمود الشعر وحنا رواقه
وحنا النوابغ ياسويد المعاليق
يكفيك (بن جدلان) صيت وعراقه
ولاّ (علي ابن ابلال) شعرٍ وتنسيق
وياطيب حرف (الحاز بي) في مذاقه
وأشعار (بن حوقان) دقه وتدقيق
ولا (بو متعب) يذهلك في سياقه
ولاّ (الشريف) اللي قصايده ترويق
وأشعار (بن هضبان) فن وأناقه
و (إبن عزيز) احروف شعره به تليق
و (ضيدان) شاعر شق دربه وساقه
ويعجبك (بن حمري) بقولٍ وتطريق
ولوني بعدّد؟؟ صاب عمري رهاقه
ابكتفي بعشره على قد ماأطيق
حنا أساس الشعر واصل انبثاقه
وقولي تراي موثقنّه بتوثيق
وإن جات للأنساب واصل العراقه؟؟
فهاك الكلام اللي عليه المواثيق
انسابنا مثل النخل وانبساقه
جذرٍ اصيل..وهامةٍ ماهي اتعيق
قحطان) منبع للعرب وإنطلاقه
فكاكت الانشاب وكل المزانيق)
عدوهم ماشاف نومه وذاقه
باسٍ شديدٍ في نهار المخانيق
في هيجهم؟؟ مثل البحر واصطفاقه
وفي حلمهم؟؟ مثل النهر بالمشافيق
و (يااام) المطانيخ اهل عز وطلاقه
تاريخ واضح مثل شمس المشاريق
لاجا نهار السيف ووقت انبرااقه
تلقى (محلف) رسيّه كما رسيّة طويق
و (شهران) نبعٍ للوفا واندفاقه
من حد (بيشه) (ل.آل . سرحان) (للشيق)
لاجا الصديق يقدّرون الصداقه
ولاجا العدو يمسي قطاعٍ وتمزيق
و ( الاكلبي) لو زاد فيه انزناقه
يضحك ولا همه صدوف التوافيق
ولا زان شيٍ له .. وشدّه .. وراقه؟؟
يجيبها لو إنها من ورا بقيق
ولاّ ( العسيري) كل مازان شاقه
واما الردا ماقط شاقه ولا يشيق
ياما عدوّه منعطب من طراقه
وياما خويه معتزي فيه بالضيق
و (الاحمري) لاشان وقته وضاقه
ماشان علمه لو تشين المخاليق
و ( الاسمري) ماقاد للشين ساقه
ارجال في درب المراجل عشاشيق
و (زهران) علمٍ غانمٍ بإرتياقه
اصقور بجبال المراجل محاليق
و (الغامدي) ماجار وقته وعاقه
يشيل حمل المرجله فوق مايطيق
(شهري و عمري) جيّدين العلاقه
ربعٍ لهم بالمجد نورٍ وتبريق
و (بللّقرن) صيتٍ واضحٍ بإنشراقه
وصلوا هِمام ابكل جداره وتحقيق
حنا الجنوووب وكل ابوونا رفاقه
ولا بيننا تنقيص ولا فيه تفريق
يوم إن بعض الصفق ضيّع نياقه؟
حنا نعقّل ذووودنا يامصافيق
تكرم أحرارٍ عن غراب ونعااقه
وتكرم رجالٍ عن هروج المطافيق
قبل امس حنا نعلمك بالطلاقه؟
واليووم صرت اتسب روس المطااليق

منقــــــــــــــــول

13 / 12 / 2007, 25 : 12 AM

ولا لا تقرب صوب درب الزلاقه
تراك تعسر فالدروب المزاليق
متحمسٍ بالشعر ولافيك طاقه
احذر يطق العرق.. او ينشف الريق
وان كان مثلك جمّع الشعر باقه؟؟
فحنا بساتين الشعر والطواريق
صح لسانة
قووووووووووووووووووووووية وبقوة
تسسسسسسسسسسسسسسسسسسسسسسسسسلم اخوي
دمت بخير