وفيت يا دمع ٍ على الخد رقراق ولاهنت ياهمي على طيحتي جيــت !

ماجور يا قلبٍ شكى ذل وإفراق
لاهنت ياخل ٍ سعى لجل تشتيت




وماجور ياكتف ٍ حمل هم وإرهاق
ولاهنت ياحلم ٍ خذل فرحة البيت




ماجور ياصدر ٍ وشم بوح عشاق
على ضلوعه /أصبح يونّ ياليت




[ياليت من غفوة سذاجَتْهْ قد فاق
ياليت في درب الهوى ما تمشيت]




أبكيك ياحظ ٍ على الكيف مانساق
لاهنت يا وقتي على الحزن كفّيت




أبكيك ياشوق ٍ جبر خطوة الساق
صوب النديم اللي قسى يوم حنّيت




ماذاق شخصك هالشقا يوم ما ذاق
وما شاف دمعات الندم يومك أقفيت




أقفيت وجمر الغيض بالوجد حراق
زعزعت روحي بعد ما [بيّ] تسليت




كنت آتبّسم لاطرى جرح الأعماق
بلفيت بلقى بك وطن لي ..يـ بلفيت




ماضاق صدري من عنا البعد ماضاق
ماضاق الاّ يوم شافك تماديت




وفيّت يا حزنٍ رسم لوحة آفاق
على جبين الروح / من عمقه غصيت




أشتاق تعرف ويش يعني لك أشتاق
يعني أموت من الوله لامن أبطيت




وفيت يا دمع ٍ على الخد رقراق
ولاهنت يا همي على طيحتي جيت




عز الله انك في كسر حلم خفاق
لآخر دقيقه إبكسرته ما توانيت ..!




آخر طلب قبل الغياب [آخر عناق]
عانق خفوق إبدمعته كم توضيت




وفّيت يا خل ٍ عزف نغمة إفراق
ولاهنت ياصوتي معه يوم غنيت

سلمت يمينك اختي شموخ علي اختيارك لهذه القصيدة الرائعة



دمـــتي بــكل الــود والخيــر الله لايــهيـــنك

الله يسلمك اخوي
ولاهنت
لاخلا ولاعدم
دمت بخير

سلمت يمينك اختي شموخ علي اختيارك

وتقبل مروري


زمن

سلمت يمينك اختي شموخ علي اختيارك لهذه القصيدة الرائعة

تقبلي مروري

الله يسلمكم اخواني
شاكرة لكم مروركم
دمتم بخير