غمض عيونك تصور بلده مافيها بنات....

04 / 12 / 2007, 20 : 04 AM

قصيده اعجبتني.... حبيت انزلها لكم ..ان شاءالله تعجبكم

قصيدة "البنات"
للشاعر البحريني
"عبد الرحمن رفيع"

غمض عيونك تصور بلدة ما فيها بنات
الشواطىء خاليات والشوارع خاليات والمجالس خاليات
فتح عيونك وقولي مثل شنهو هالحياة
وش كثر ثم وش كثر لولا البنات

البنات هم البداية لولا حواء ما صحى ادم وظل في سبات
ما خفق قلبة ولاتحرك شعورك وتمت عيونك مغمضات
من حكيهم من ضحكهم يضحك اللؤلؤ يتناثر بالمئات
ومن سحرهم تنسحـر دنيا بكبرها
هم الساس وتاج الرأس وكـل الناس
وهم جنة الماضي والحاضر والي آت

وش كثر ثم ايش كثر كانت لولا البنــــات
كانت كريهة هالحياة

وأنت طاير منهو يطرد عنك هموم
السفر في الطائرات البنات

وأنت جايم وأنت نايم منهو دايم يفتح
عيونة عليك يسهر يبات البنات

قولي منهو الي يخلي قلبك
الخامد يشب غير البنات

وأنت متضايق وغرقاان في الزعل منهو
يقلب عيشتك المرّه عسل البنات

في الروايات والقصص ما حلت
قصة ولاطابت روايه خالية مافيها بنات

هم شيء في كل شيء وهم
وكل حي لو طفت ساعة مكينة الكهربا هم القمر

اش كثر تربح (بتيلكو ) من حكي
الناس في البنات
تيلفونات اتكلم بيجرات دوم اترنن
هذي بالنقال ينادي سارح وياه جوادي
وهذي في الانتر ينتنت طول الوقت ما يسكت
في الاغاني والمباني وانت اول وانت ثاني

الكلام كله عن البنات
وش كثر ثم ايش كثر كانت
كريهة هالحياة لولا البنات
قولو امين لين دعيت الله يخلينا البنات

الله يخلي البنات وصح لسان الشاعر