|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
24 / 11 / 2007, 23 : 10 AM
|
#1 | |
|
VIP
|
قصيدة مؤثره لــ جحيش بن مهاوش الهشال و عياله
هذه القصيده لرجل اسمه جحيش بن مهاوش الهشال كان عنده ثلاث عيال اكبرهم اسمه علي هذا الشايب كبير بالسن وقبل كان قاضي بين عشيرته وجماعته ولكن كبر بالسن وقام ما يقدر يقضي حاجته ويالله على بابكم وليش ما يصير عندهم شح بأرضهم ويجتمع علي وأخوانه وقالهم انا بروح اشوفلي ارض علشان نرحل انتم تجهزوا بعد ثلاث ايام ان ماعودت لكم تجوني بالمكان الفلاني الزبده مشى علي وليه ما يجتمعن نخرات السوء على انهن يكلمن ازواجهن يتركون الشايب بمكانهم ويقولون لعلي انت مشيت منيه هو مات منيه
الزبده والحريم كلن تحشي براس زوجه وثلاث ايام لين وافقوا الاثنين وحرمت علي والله ويوم واجهوا علي قالوا السالفه كيت وكيت ليش ما الله يجيب اثنين متخاصمين على حق وقالو واحد منهم مافيه الا ابو علي يحل المشكله ما يدرون انه كبر والله ويجون لمير ما يلقون الا خرابه واحد قال يا رجل هذا مبين انهم راحلين قال لاقرب شوي ولذاك الشايب السلام عليك السلام قالوا ما عينت لنا القاضي فلان قال انا قال ليش كذا صارلك وين عيالك قال والله عيالي رحلوا وخلون قالوا امش نوصلك قال لله والله ما اخطي يا بن الحلال نوديك لعيالك قال اذا انتم صج تبون تخدموني وصلوا هالابيات هذي لعلي :: :: قـال الـذي يقـرأ بليـا مكاتيـتـب يلـي تقـرون العمـى مـن عماكـم يا عيال ياللـي تشرفـون المراقيـب تريضولـي واقصـروا مـن خطاكـم خذوا كـلام جحيـش مابـه نكاذيـب مثل السنـد مضمـون للـي وراكـم ويا عيال وان صرتوا ضيوف ومعازيب ترى الكـلام الزيـن ملحـت قراكـم وترى البلاسه مـن كبـار العذاريـب تـرى البلاسـه مـا تطـول لـحـاك يصير بعيـون الرفاقـه تقـل شيـب ليـا منـه اقبـل قيـل هـذا بلاكـم المذهب المذهب ترى المذهب الطيـب وترى رديء المذهـب يبـور نساكـم يـا عيـال مـا سرحتكـم للمعازيـب ويا عيال ما عمـر المعـزب ولاكـم يا عيـال مـا ضربتكـم بالمشاعيـب ولا سمعـوا الجيـران لجـة بكاكـم يـا تسعـرت الخلايـق تقـل ذيتـب اريـد مـن صيـد البـراري غذاكـم وياما قطعت من الفيـاض العباعيـب من خوف ما يقصـر عليكـم عشاكـم احفيـت رجلنـي بحامـي اللواهيـب وخليت لحـم الريـم خالـط عشاكـم واليوم شوفوا لحيتـي كلهـا الشيـب وشوفوا محل تخوضعـي فـي ذراكـم قمـت اتوكأفـوق عـوج المصاليـب وقصرت اخطايا يـوم طـات خطاكـم يا عيال يا عيالـي عليكـم مطاليـب عطوني القرضـه جـزا مـا وتاكـم خوالكم يا عيـال هـم ماكـر الطيـب ولو تتبعون الجـد محـد(ن) شناكـم يا عيال يا عيال الخنـا كلكـم عيـب ياعيال مدري كل هالردى منين جاكـم يا علكـم فـي حاميـات الاصاويـب ياللـي علـى الوالـد خبيـث لغاكـم قصيتكـم واسنـدت وادي سلاحيـب ولقيـت بالصبخـا مدافيـق مـاكـم يا عيـال بعتونـي بصفـر العراقيـب مـا هـي حقيقـه سـود الله قراكـم يالله عسى عماركـم شمسهـا تغيـب ويعتـم قمركـم ثـم يعتـم سماكـم شفت الجفا والحيف والغلب والريـب بأطلوعـكـم لابـيـض الله قـراكـم لابد ما هو عـاوي(ن) دونـي الذيـب بالقبر ما فـرق طيبكـم مـن رداكـم مانـي بفاضحكـم وسـط الاجانيـب بأعمالكـم يـدرون كــل اقربـاكـم لو كان تـدرون الـردى والمعاييـب صرتوا مع المخلـوق مثـل اخوياكـم :: لاحول ولاقوة الا بالله دمتم بخير |
|
|
|
|
24 / 11 / 2007, 29 : 03 PM
|
#2 | |
|
تميراوي فضي
|
قـال الـذي يقـرأ بليـا مكاتيـتـب
يلـي تقـرون العمـى مـن عماكـم يا عيال ياللـي تشرفـون المراقيـب تريضولـي واقصـروا مـن خطاكـم خذوا كـلام جحيـش مابـه نكاذيـب مثل السنـد مضمـون للـي وراكـم ويا عيال وان صرتوا ضيوف ومعازيب ترى الكـلام الزيـن ملحـت قراكـم مشكووره اختي الغاليه سحاايب صيف تحيااتي لك |
|
 [flash=http://up.2sw2r.com/upswf/Usb79562.swf]WIDTH=548 HEIGHT=230[/flash] |
|
24 / 11 / 2007, 27 : 05 PM
|
#3 | |
|
تميراوي الماسي
|
أختي الغالية ســـــحـــايــب صيـــف لاحول ولا قوة الا بالله... أن لله وأن إليه راجعون... الله يهدينا ويهدي لنا الذرية الصالحة.... وفقكِ الله لما يحب ويرضى ولما فيه الخير والصلاح على هذا الجهد والعطاء المتواصل  وأسأل الله أن يجزاكِ عنا خير الجزاااااء ...... |
|
|
|
24 / 11 / 2007, 55 : 06 PM
|
#4 | |
|
VIP
|
ابو عزيز
/ مرعب النفوس :: :: جزاكم الله خير على هالمرور العاطر والله يعطيكم العافيه دمتم ودام تواصلكم اختكم سحايب |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
