الجمس لمحمد بن الذيب - عجييبه وروعة ..

صبحكم الله بالخير والعلم الزين

هاذي احد القصايد المفضله لدي

للشاعر محمد بن الذيب



أنا لأوزع على الناس إبتساماتي ** ياميتيـن المشاعـر ويـش يحيهـا00

حقك علي مايدسم لي شناباتـي** وفاعايـل النـاس ماتشبـه مباديهـا00

والفرصه مواتيه والطاري مواتي** والشعـر حاجـه تعنينـي وأعنيهـا00

لكن ماهو يعبـر عـن معاناتـي** إلا تعبـر عـن الدنيـا ضواحيهـا00

ومن تجربة ربع قرن عاشها ذاتي** ماكل فرق يهـز القلـب طاريهـا00

وإذا تحرش هجوسي في بنياتـي** تطابقـت روس عجميهـا وياميهـا00

وألا أمبراطورة الخافق ومشهاتي** تطربـخ فبركـة الخفـاق رجليهـا00

ياأول محطة غرام مـن محطاتـي** ليالـي جمعتنـي فيـش يسقيهـا00

أجيش وأنا كبيـراتٍ طموحاتـي ** وأروح وأنـا محثلهـا ومعطيهـا 00

إن كان حبش من أسوأ الإحتمالاتي** كل إحتمالات فيهـا سـوء لبيهـا00

وعليش قلبي ورى الأظلاع ماباتي** ولا يقرب ديـارش يـوم أنويهـا00

يا كود جمس(ن) ماترهبه المسافاتي** ملكعـن بـأول الدنيـا وتاليهـا00

منحره لأقبل معا خشمه الطويلاتي** منحر ذلول(ن) تزول بكبد راعيهـا00

ومرايته دون كبوته عريظات** كفـوف إمـام معـه دعـوه ويدعيهـا00

والهولـي يبـخ وبلوفـه بلوفاتـي** يولـع الـنـار ولا مايطفيـهـا
00
مابينه وبين هل نجد(ن) علاقاتـي** لاهـي تدانيـه ولاهـو يدانهـا 00

وصوته لاريح بنمره عقب زتاتي** تنهيت اللي صدوق العشق كاويهـا00

أتناحي يأهل المحبـه بالتنحاتـي** ولالقـت بالمحبـه مـن يناحيهـا00

ورفارفه يوم تصفق بالمطباتي ** ردوف بنت(ن) من النعمـه تدربيهـا
00
إليا نطحها هواها فيت(ن) عاتي ** تحسب إنـه مـن الـزود متقفيهـا00

ومساحتينه لقامت تقبل وتاتي** أصبع عجـوز(ن) كثيـرات دعاويهـا0
0
عليها الأحياء يدخل جو الأمواتي** وعليها الأموات مدري وين أوديهـا 00

يوم يتفلت على الطرقه تفلاتي** أظعاف الانفس علـى الفتنـه يجريهـا
00
الجكور أكبر عيالـه والبنياتـي** اللكـزس البـرش والbmوأخيهـا
00
وإن قلت ياجيب خاوه قال ماحاتي** لاكن ديـره يواليهـا مـا أواليهـا0
0
يشرب فناجيلي ويكسر بيالاتي** ويمـد رجلـه علـى دربـي ويثنيهـا00

وإن قلت يالفرت قال الفرت سكاتي ** بعض الطواريق ماودك تلاحيها 0
0
الجمس إبداع من كل إتجاهاتي ** كنه قصيدتك ذي اللـي علـى إيهـا00

مصدر(ن) لل(الفجيره) بإسم كرواتي ** يدرس علوم الطبيعه في نواحيها0
0
وشراه واحد سعودي من إماراتي ** وباعه على حضرمي رايح(ن) فيها00

والحضرمي كل ماخزن من القاتي** الحاجه اللي علـى بالـه يسويهـا00

إذا بغى يرهب كبار الحكوماتي** رجله على قطعـة الفرجـه مظريهـا00

ولا خواطر خفوقي وآخر أبياتي ** قصايدي كـل أبيهـا قـد سمعتيهـا0
0
إي والله إني عشقت رظاش بالذاتي** مابه مساحـه بقلبـي مامشيتيهـا0
0
يانيلي العذب يادجلاي وفراتـي** ياديـرة الحـب شارعهـا وكبريهـا0
0
ياأبلغ قصيده عليها من حركاتي** مايجلـب الدهشـه لعينـي قاريهـا
00
إذا أنتثر دمع عينش سوي سواتي** قولـي بكمـش كذيـا ثـم مشيهـا0
0
الحزن يوم المفارق عامل ذاتـي** فطـره بالإنسـان مايقـدر يخليهـا. .

الشاعر :محمد بن راشد الذيب العجمي (ابو ذيب )

اضغط هنا..


مخـــــــاوي ســـديــر..

مشكور يا مخاوي سدير على القصيده وجااااااااااااري التحميل

والله يعطيك الصحه و العافيه

مشكور اخوي مخاوي سراحه القصيده من جد جزله جالس اسمعها الحين

مشكوووووووووووررررررررر
الله يعطيك العافيه

مخاوي سدير ما شاء الله لا تغيب وبحضورك يحضر الجديد
عيني عليك باردة يا رعاك الله