لماذا كل هذه الاشارات ياتميرهل سوف تتحولين الى عاصمة !

هل اهل تمير فرحين بالاشارات الموجوده او كانت من امنيات الاهالي وهو الوقوف ثم المشي ثم الوقوف تم المشي وايضا سوف يكون هناك زياده للاشارات للحد من الحركه الكثيفه النشطه هناك خاصة اوقات الذروة .

ارجو من الاهالي ان يتقدمو للمرور او البلدية لتقديم اعتراض على الوضع وهناك بدائل افضل من ذلك بكثير وهو وضع دوار عند كل تقاطع اولا جماليا افضل واريح وان كان لابد يوضع قبل الدوار مطبات صناعية .

ياجماعة تراها افضل بكثير وارجو من يذهب للرياض يمر الدرعية لا يوجد بها ولاأشارة كلها دوارات ولا هناك مشاكل ولا شي بل تكون منسقة ومزروعة تعطي منظر جيد .
وعلى حسب ظني ان اهل تمير لايريدون الحد من حريتهم وهو الوقوف الالزامي عند الاشارة التي ليست ضرورية .
وياليت يتحقق امنياتنا.

أقول يافهد الشئ جاي في الطريق ...
اشارات ومطبات صناعيه .. مالك الاتوسع صدرك ..
تصدق الواحد صار يزمل اذا بغى يروح للعزيزيه والعكس ..
اذا تذكر ان قدامه اشارات .. بطل يروح !
ومايذبحك الا أغبى اشاره على وجه الأرض اللي عند الملتقى ..!!
انا ما أدري اللي مقترحها وموزعها .. دارسها دراسه والا بس حط اشاره والسلام .. !!
ما أقول الا الله يخلف العالم يتطورون وحنا من جرف لدحديره !!
وماقصرت اخوي فهد على هالطرح ... اللي انا متأكد انهم يقرونه اللحين ومبسوطين ومعجبهم الوضع ..!!

أخوي فهد

الاشارات وضعت لتحقق أهداف كثيره منها

تنظيم حركة السير والتقليل من الحوادث

ولكن عندما تتفاجأ بأن الاشارات مجرد ألوان فقط فهذه مصيبه

يعني أن الاهداف تلاشت فأصبحت إتلاف

إتلاف لارواح المواطنين فالإشارات عندنا مجرد مواصير بس ..

وإذا كانت الاشاره حمراء فما تدري ان تمشي وألا توقف

لان الجميع يمشون .. بدون أدنى إعتبار للاشاره ..

أما إشارة محطة الملتقى فهي حكاية أخرى تحتاج لتقرير كامل ..

وانا معك اخي فهد في مسألة الدوار ولكن هل سوف يفهمون

أن الافضليه لمن بداخل الدوار ؟؟؟؟

لم نصل الى حد ان يكون هناك في تمير اشارات مروريه كل ما في الامر ان يوضع دور عند محطة الملتقى وقبل الدور طبات صناعيه خفيفه

والاشاره الاخرى يوضع قبل كل اشاره مطبات تنبيهيه عند التقاطعات فقط لاغير

اما هو حاصل وخاصه كما ذكر الاخوان عن اغبى اشارة عند محطة الملتقى فهم والله صادقين لا اعرف من هو المسئول عن هذه الاشارات وهذه الملاحظات حتى تتم مناقشته ويتم النظر في امر اهل البلده لما فيه المصلحه العامه

الصراحة انا شفت الدرعية

كلها دورات وحركات وشــغل

والله مو منهم

من الأمير سلمان اللي جاهم وغربلهم

في يوم واحد

على كــلام أحد الأشخاص بالدرعــية

اولا
كل الشكر والتقدير لكاتب الموضوع علا اهتمامه بتمير ولحرصه عليها
وفعلاً الواحد يطفش من الاشارات لأني اهدي سواء كانت حمراء او خضراء لأن نص الشعب ما يعترف بها احيانا ومن ضمنهم أنا

اما اشارة الملتقى فحدث ولا حرج التقاطع له من الاساس مالة سنع

والبشرى التي ستطول واعتقد انه ستطول

هناك مشور تمت الموافقة عليه قبل كم شهر وصدر واستلم المقاول الموقع
الا وهو مشروع تحسين وتطوير الشارع العام من عند محطة الحماد الا محطة العبدالله على ما اعتقد

وسيعاد به تصميم الشارع وتوسعته وتحسين منسوبه و سيضاف دوارات عند الدفاع المدني وعند محطة الملتقى المقاول هو المسعد وهي شركة قوية وذات سمعة طيبه ونحن ننتظر بدأ العمل بالموقع

واتمنى لكل محبي تمير دام الصحة والعافية

اخوكم
عالم ثاني

الشي يا الغالي اذ جو حقين الرياض والا الشمس ساطعه على اشارة شارع الثلاثين الي ما شاتغلت

الله من الضحك عليهم واقفين وحنا نمشي

حتى واحد لحقني يقول استح على وجهك تقطع الاشارة كل شوي

رديت عليه قلت انت الي واقف كن عندك علم ترا الاشاره طافية

الرجال ما صدقني راح لمها لاقى كلامي جدا قام يضحك ومشى

خذا وخل ههههههههه

يقولون بيحطون نفق مدري ليش ؟؟؟؟ وين قلب الاسد يجاوب

وش ذا الأشارات عندنا الكوخا والعميا واللي عندها حرارة واللي تشتغل يوم وتطفي عشر ايام واللي توقف عندها ما تدري حمرا او خضرا واللي كلها مولعة ماتدري تمشي والا توقف واللي واللي واللي واللي...................
الله يعين بس

الله يخلف عليهم بس


لي رجعه للموضووع

ما أقول الا الله يعين ويستر العالم يقطعونها وهم على سرعه كن ماعندنا شرطه