كيف رد الشايب على الشباب

السلام عليكم ورحمة الله وبركاته
قرأت هذه القصيده واعجبتني وحبيت اني انقله لكم
يقال ان القصيدة لعبدالعزيز بن عيبان ويقال ايضا انها لابن فهيد
وسبب انشائها انه مر على شلة في حديقة من حدائق الرياض وفيه شباب جالسين وضحكوا وقالوا وهو يسمعهم شوفوا الشاكوش
لقيت في البخشه طيور بلا ريش ****** جنحانها واذنابها دقم وقصار
طيور مرابيها من السوق للحيش ****** والى اونست لفح الهوى تزبن الدار
فيهم طبائع من طوال العكاريش ****** وفيهم من الطليان تدويج وخوار
قضوا على اللحية وحطو دناديش ****** قاموا يحنون البراطم والاظفار
جيل يسمون النشامى شواكيش ****** اهل اللحى بافكارهم مالهم كار
أهل اللحى صبيان نجد مداغيش ****** اللي لهم فضل على الضيف والجار
يوم السنين شداد والرزق تنويش ****** وهم يبوجون الفيافي والاقفار
دور جماميل ودور قراريش ****** ودور لهم دور على فحص الانهار
تلقى الولد مثل الفهد بالمطاريش ****** على الشدايد اودع الكل صبار
واليوم كثر الخير والأمن والعيش ****** وقت تساوت فيه الاذرع والاشبار
يظهر شباب ناعم مابعد هيش ****** تلقى الولد يظهر مثل عشبة الغار
يمشون بالاسواق مثل الدراويش ****** والى اذن المذن يهجون عبار
عسى شباب ما يجي به نفاميش ****** يحي حياة الذل وان مات للنار
ومما قاله على نفس الوزن والقافيه ولكني وجدتها مفصوله عنها واعتقد انها قصيدة واحده
يابو عزيز خبط العقل تشويش****** ممن نشا مثل الدبا صار ورار
عقوا كبار يوم سمو شواكيش ****** وهي بلاتين وتلذعهم النار
حنا عليهم ياسعد نلحق العيش ****** وهم حمير بالمداوس بدوار
من بر منهم والده والمداغيش ****** يستاهل الطولات والنعم والكار
ومن لايعرف الحق مثل الدراويش ****** عطه جزاه وربطه كنه حمار
تكفى يابن شيحان لاتدخل الحيش ****** وأطل جربهم قبل يسري بالاخيار
وتقبلو تحيات اخوكم
الــشـمـالــي

صح لسانة
قصيدة رائعة اخوي
تسلم يمينك علي النقل الرائع ياراوية المنتدي
وانا بحثت ووجدت القصيدة كلها تابعة لبعض والارجح انها لابن عيبان
واليك القصة وقيل انها حدثت من اربعين سنة
هذه قصة قديمة جرت على رجل من اهل الدوادمي المدينة المعروفه في نجد ، يقاله /عبدالله بن رمضان
وقيل انها لغيره وسموا بعضهم منهم /عبدالعزيز بن عيبان وقيل لابن فهيد ... المهم
ان الرجال هذا نزل الرياض العاصمة في عهد الملك فيصل رحمة الله عليهم وكانت الحدائق العامة في ذلك الوقت قليلة وتسمى بالعامية ( البخشة ) ونزل هذا الرجل بحديقة الفوطة المعروفة في الرياض في حي المعذر أمام قصر الحكم سابقاًوهو متعب من طول السفر ، وكان الوقت الظهر وفي فصل الصيف واتجه الى ظل شجرة كبيرة لكي يرتاح ( يتلّيّن ويتمدد ) ، وكانت هذه الشجرة المكان المعتاد عند مجموعة من الشباب يرتادونها في هذا الوقت ، وتفاجؤا بوجود هذا الرجل الكبير في السن ، فقررو مضايقته حتى يرحل عن مكانهم المهم انهم ضايقوه ومن ضمن المضايقة رمي بعض الكلمات عليه وتكثيرها مثل كلمة (شاكوش) هذا غير الضحك عليه ،وفعلاً تضايق منهم ورحل وهوزعلان عليهم وقال فيهم هذة القصيدة التي ذكرت
دمت بخير

ما قلت لك انك راويه يالشمالي

الله لا يهينك على هذا النقل الجزل ..

وعز الله انه ما قصر فيهم ويستاهلون ما جاهم

والشاعر رشيد الزلامي يقول :

أليا جهلت انشد ترى مابهـا عيـب

......... لا تنخدع للجهـل وأنـت السبايـب
عيب الفتى مافيـة شـك ولاريـب

.......... ترك الفروض وقطع وصل القرايب
والعيب ترك ملازمات المواجيـب

.......... وتبع الردى ومجالسة كـل خايـب
فالتجربـة برهـان مافيـة تكذيـب

.........واليا جهلت انشد من القوم شايـب
ولا قول يوجد شايب يعلـم الغيـب

..............الغيب يعلـم بـه مديـر الهبايـب
لاشك يوجد شايـب لـه تجاريـب

............ ومن الدهر شاف الفكر والعجايـب
بيض النواصي جبهته كلهـا شيـب

..............من كثر ما مرت عليـة المصايـب
قد صارع الدنيا على الخبث والطيب

..........فالغوص وإلا فوق عوص النجايب

وأعذرني على هذه المداخله ايضا ً

والشكر موصول لشموخ على إضافتها الوافيه ..

اقتباس: المشاركة الأصلية كتبت بواسطة شموخ انثى    صح لسانة قصيدة رائعة اخوي تسلم يمينك علي النقل الرائع ياراوية المنتدي وانا بحثت ووجدت القصيدة كلها تابعة لبعض والارجح انها لابن عيبان واليك القصة وقيل انها حدثت من اربعين سنة هذه قصة قديمة جرت على رجل من اهل الدوادمي المدينة المعروفه في نجد ، يقاله /عبدالله بن رمضان وقيل انها لغيره وسموا بعضهم منهم /عبدالعزيز بن عيبان وقيل لابن فهيد ... المهم ان الرجال هذا نزل الرياض العاصمة في عهد الملك فيصل رحمة الله عليهم وكانت الحدائق العامة في ذلك الوقت قليلة وتسمى بالعامية ( البخشة ) ونزل هذا الرجل بحديقة الفوطة المعروفة في الرياض في حي المعذر أمام قصر الحكم سابقاًوهو متعب من طول السفر ، وكان الوقت الظهر وفي فصل الصيف واتجه الى ظل شجرة كبيرة لكي يرتاح ( يتلّيّن ويتمدد ) ، وكانت هذه الشجرة المكان المعتاد عند مجموعة من الشباب يرتادونها في هذا الوقت ، وتفاجؤا بوجود هذا الرجل الكبير في السن ، فقررو مضايقته حتى يرحل عن مكانهم المهم انهم ضايقوه ومن ضمن المضايقة رمي بعض الكلمات عليه وتكثيرها مثل كلمة (شاكوش) هذا غير الضحك عليه ،وفعلاً تضايق منهم ورحل وهوزعلان عليهم وقال فيهم هذة القصيدة التي ذكرت دمت بخير

مشكوره اختي شموخ انثى على متابعتك للمواضيعي وقيامك بلبحث ووجود القصه الكامله ويعطيك الله العافيه

اقتباس: المشاركة الأصلية كتبت بواسطة السنافي    ما قلت لك انك راويه يالشمالي الله لا يهينك على هذا النقل الجزل .. وعز الله انه ما قصر فيهم ويستاهلون ما جاهم والشاعر رشيد الزلامي يقول : أليا جهلت انشد ترى مابهـا عيـب ......... لا تنخدع للجهـل وأنـت السبايـب عيب الفتى مافيـة شـك ولاريـب .......... ترك الفروض وقطع وصل القرايب والعيب ترك ملازمات المواجيـب .......... وتبع الردى ومجالسة كـل خايـب فالتجربـة برهـان مافيـة تكذيـب .........واليا جهلت انشد من القوم شايـب ولا قول يوجد شايب يعلـم الغيـب ..............الغيب يعلـم بـه مديـر الهبايـب لاشك يوجد شايـب لـه تجاريـب ............ ومن الدهر شاف الفكر والعجايـب بيض النواصي جبهته كلهـا شيـب ..............من كثر ما مرت عليـة المصايـب قد صارع الدنيا على الخبث والطيب ..........فالغوص وإلا فوق عوص النجايب وأعذرني على هذه المداخله ايضا ً والشكر موصول لشموخ على إضافتها الوافيه ..

مشكور اخوي السنافي والله لايهينك على زيارتك لمتصفحي وصح السان الشاعر / رشيد الزلامي

أخي الغالي

الشـــــــمالي

وفقك الله لما يحب ويرضى ولما فيه الخير والصلاح على هذا الجهد والعطاء المتواصل

كما أسأل الله أن يجزاك عنا خير الجزاااااء
......