أنـا مظـلـوم صـدّقـنـي ورب البـيــت والـقـرآن

من اللي غيـّرك فجاءه .. علي من بـدّلك يا فلان
أنا ودّي أعرف اللي عشانه طحـت من عـينـك

أنـا ودّي أعـرف اللي بعـينـك حـطــّـني خــوّان
وقال إنـّي على الحـبليـن ألعـب في مـوازينـك

تـرى مابه أحـد كامـل وربـّي ما عـصم إنسـان
عن الزلـّـه.. وأنا مثلك بـشـر مخـلـوق من طـيـنـك

عـذول ٍ جـاك من حقـده وغـيـّر كـل مـاقـد كـان
مصيـر الوقـت يـثـبـت لك من اللي خـان ويـديـنـك

يـجـي لك يـوم والخـافـي بعـد مـدّه لـزوم يـبـان
لزوم الحـق لك يـظهـر ويـفـرج عن مساجـيـنـك

أنـا مظـلـوم صـدّقـنـي ورب البـيــت والـقـرآن
أنا مظلوم وأنت اللي ظلمـت وخـاب تـخمـيـنـك

ظـلمت إنسـان لك دايم شفوق ٍ عاشق ٍ ولهـان
ظلمت اللي غـدت نفسـه رخيصـه في مياديـنـك

سمعت اللي وشى فيني وجاك بغلطـتي فرحان
من الماضي لقى غلطـه تعـارض مع قوانـيـنـك

كذا من دون ما تـطـلب على ما قيـل لك بـرهان
رخصـت إنسان ما باعك ودسـته تحت رجـلـيـنـك

نـسيت الشـوق والغـيـره وعـشق ٍ يـجمع الخلاّن
نسيت الماضي الحافـل ومـات بـدفـتـر سنينـك

بـعد ما هانـت العشـره وش اللي قـد بـقى ما هان
عسى من غيـّرك يآخـذ قضاي ويـرجع يهـيـنـك

مدامي طحـت من عيـنـك وجازيت الوفـا نكران
أبـنسـى كـل ما قـد كـان يجـمـع بـيني وبـينـك

أبنسى عشـرتك وأقسى على قلبي بعد ما لان
وأعلــّم نفـسي القسوه مثل ما عايـشت لينــك

خـلاص اللي مضى ولـّى وتاه بـعالم النـسيان
عسى ربّي يـعـين اللي نـوى يـنساك ويعـيـنـــك

أبي ترحل عن دروبي ولا لك في حياتي شان
هذاك أول عليك أشفـق وأقـول إشتقت لك وينك

هذاك أول إذا شـفـتـك حزين وخاطرك زعلان
أقـول شـ فـيك من لأجـله كـذا عاقـد حجاجـينـك

عسى ماشر عسى ماني بحـقـك كنت أنا غلطان
تـرى مابـي من الدنيــا سوى فـيـّة بسـاتيـنــك

هـذاك أول غـرامك كان ساكن داخـل الوجـدان
وعـشقي كان هو دم ٍ جـرى داخـل شـرايـيـنـك

ولكن بعـد هـاللحظـه على ما فات أنـا نـدمـان
ولا لك باقـي ٍ عندي سوى جرحـك وسكينـك

جزى المعروف بالمعروف.. والإحسان بالإحسان
وأنـا لو مـتّ ما ودّي أمـوت إلا عـلى يـديـنـك


أعجبتني فطرحتها هنا

جزى المعروف بالمعروف.. والإحسان بالإحسان
وأنـا لو مـتّ ما ودّي أمـوت إلا عـلى يـديـنـك

..

..


..


قصيدة اعجبتني وبقوة
تسلم يمينك عضيد
ويسلم قلبك ونبضك




دمت بود

العفو أختي الغاليه شموخ انثى


ع التـــــــــــــــواجد العذب

دمتي بخير

الله يعطيك العافيه .. أخوي عضيد السنافي ..
بما انها اعجبتك فأكيد بتعجبنا ...
وسؤال .. اكيد انت قريتها وش احساسك وانت تقراها أو البيت اللي خلاك
تنقلها هنا أكيد فيه بيت لامست الجرح ..
تقبل مروري .. دمت ودام نبضك !!

أنـا مظـلـوم صـدّقـنـي ورب البـيــت والـقـرآن
أنا مظلوم وأنت اللي ظلمـت وخـاب تـخمـيـنـك

ظـلمت إنسـان لك دايم شفوق ٍ عاشق ٍ ولهـان
ظلمت اللي غـدت نفسـه رخيصـه في مياديـنـك


قمة الابدااااااااااااااااااااع
سلمت يمينك اخي العزيز

دمت برعاية الله

.
.

عضيد السنااااافي









صباحي مثل العسل

لاني هنا


دام حسك وذوقك ونقلك بهذا الجماااااال


أحترامي

اشكرك يا عضيد السنافي على الكلام الرائع \

وتسلم يمينك على كتابته


تحيتي للجميع

ياسلام عليك وعلى اختيارك اخوي العضيد

صح لسانك يالغلا وسلمت اناملك اللي كتبتها

تحياتي لقبك

اخوك الشمالي

عـذول ٍ جـاك من حقـده وغـيـّر كـل مـاقـد كـان
مصيـر الوقـت يـثـبـت لك من اللي خـان ويـديـنـك



عضيد السنافي كلمااااااااات غايه بروعه مليئه بلاحساس الصراحه عجبتني مرررررررررررره

تسلم يمينك دمت بهالجمااااااااال


تقبل مروري

عضيد السنافي

لا تختار إلا الطيب يالطيب

قصيده انقسمت الى نصفين في معناها ..

احتوت على الكثير من المعاني ..

الف شكر يا عضيد السنافي ولا تبطي علينا ..