حامد زيييد ...ولاحاجه

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ

قصيده رائعه وتجلى فيها الاعتزاز بالنفس ..

بعض الاشخاص يحب ولكن عنده حد يقف عنده ..

وبعضهم الحب يدق خشمه في التراب وجايز له ..

دمت يا أهلاوي على هذا النقل ..

السنافي حياك

شاكر لك مرورك

.......................

مشكور اخوي اهلاويه

وصح السان الشاعر

لشمااااااااااااااالي حياك نورت بتواجدك

.................................................. ......