اللي يصــد بلا سبـب مــاقـول غيـر الله مــعـه

الصاحب اللي ما ذخرته غير لعجاف السنيـن=كيف يتجاهل قـدري وقـدره وحنَّـا فالسعـه
ولا جاه منِّي ما يثمِّن وقفـة العـذر السميـن=إلا الوقار اللـي بصـدري كـان ودَّه ينزعـه
معزَّته عندي كبـر هقواتـي بطلـق الجبيـن=لكن مانـي حايـل ٍ مابيـن عينـه وأصبعـه
له منِّي أدمـح زلَّتـه لا زل والقاسـي يليـن=وإله علي أنصـت لمـا ودَّه يقولـه واسمعـه
حتَّى لو إن اللي يقوله يبحـث السـد الدفيـن=والله ليبطـي ماسمـع منِّـي كـلامٍ يِجزعـه
إلاَّ ليا من قيل : مادون الحلـوق إلا َّ اليديـن=في وقتها ماهوب مِحرف وجهته ليـن أقنعـه
الله يكافينا الشرور ويا عسى الدعـوا تزيـن=والله ينجّينا مـن كـروب الزمـان الموجعـه
مثل الجبال الشامخات بوجه الأعـدا صامديـن=من جاع منهـم وإبتغانـا بالهزيمـه نِشبعـه
ننهل من القرآن ، والسنَّه ، وهدي الصالحين=ونمشي ، وقدوتنـا محمـد والكـرام الأربعـه
هي والله الصحبه عسى ربِّي على الدنيا يعين=ماهيب صحبة نافخين الكير وأهـل المضيعـه
والصحبه اللي غير مبنيه على تقـوى وديـن=ولا على سلـم الكـرام تهزَّهـا أيَّـة زوبعـه
ويا صاحبي مد اليمين إنْ قلت لك مد اليميـن=لا تآخذك سود الظنون وتصبح أنـت الإمَّعـه
تراك : غالي والغلا ما أنصى به إلا الغانميـن=وإلا الردي : والله لأبيعه لو ماقالـوا : بعـه
إلي عليك : إنك تدوس الشك بأقـدام اليقيـن=وإنك تعرف : إنِّي ما أدوَّر من وصالك مطمعه
وإن كان في صدرك عليَّه شي سمَّه واستعيـن=باللي جعلك تذود عـن رد الجميـل وتصنعـه
وعهدٍ علي إنَّك لترضى والرضا كنـزِ ثميـن=أطرد به الضيقه عن الأصحاب واللاش أردعه
وإن كان منته مقتنع مانيب قايل : رحت وين ؟=فجوج ربِّي واسعه وأنـا المقفِّـي مـا أتبعـه
طال العتب وإلا قصر هي كلبوهـا : كلمتيـن=اللي يصد بلا سبـب ماقـول غيـر الله معـه

الشاعر / نايف معلا

صح لسان الشاعر نايف انا بصراحه اول مره اسمع عنه وله وبصراحه

يستحق المتابعه ،،،،

لا هنت يالسنافي على هذا الذوق الرفيع يا شاعرنا العذب

وترى لي فتره ما قريت لك شي لا تطول علينا ترى نشتاق لقصائدك اكثر من

منقولك

نايف المعلا

شاعر شاب مكافح

سمعت له كثير وشفت له محاوره شعريه

بصراحه يستحق المتابعه وبقوه

\

السنـــافي

يسلم لنا ذوقك بها الجمــــــــــــال

في انتظار الأجمل

لك احترامي

حتَّـى لـو إن اللـي يقولـه يبحـث الـسـد الدفـيـن= والله ليبـطـي مـاسـمـع مـنِّــي كـــلامٍ يِـجـزعـه

صح لسان الشاعر نايف المعلا


وتسلم يمينك


يالسنافي




تحيتي للجميع

طـال العتـب وإلا قصـر هـي كلبوهـا : كلمتيـن=اللـي يصـد بـلا سـبـب مـاقـول غـيـر الله مـعـه

الف شكر يا السنافي على النقل المتمير من جنابك وصح لسان الشاعر

وإن كان منته مقتنع مانيب قايل : رحت وين ؟
فجـوج ربِّـي واسـعـه وأنــا المقـفِّـي مــا أتبـعـه
طـال العتـب وإلا قصـر هـي كلبوهـا : كلمتيـن
اللـي يصـد بـلا سـبـب مـاقـول غـيـر الله مـعـه

صح لسانك ولسان الشاعر
قصيدة رائعة وقووية

نالت اعجابي وخاصة الابيات هاذي

تسلم يمينك اخوي

دمت بخير

صح لسان نايف المعلا وصح السانك يالسنافي

وعودتنا علي ماهوا جديد في مواضيعك الله يعافيك

مسراتي لقلـبــك

الشـمـالــي

ويا صاحبي مد اليمين إنْ قلـت لـك مـد اليميـن
...........لا تآخـذك سـود الظنـون وتصبـح أنـت الإمَّعـه
تراك : غالي والغلا ما أنصـى بـه إلا الغانميـن
..........وإلا الـردي : والله لأبيعـه لــو ماقـالـوا : بـعـه
إلـي عليـك : إنـك تـدوس الشـك بأقـدام اليقـيـن
..........وإنك تعرف : إنِّي ما أدوَّر من وصالك مطمعه

ابوعبدالله /

صح الله لسان الشاعر نايف

وسلمت لنا أناملك على نقل هذا الأبداع

لله درك أذا نقلت لاتنقل الا جزل

وأذا نطقت لا تنطق الا جزل

ماشاءالله

تقبل مروري

صح لسان الشاعر على هذه القصيده الجزله

مشكور أخوي السنافي على هذا النقل المتميز والجهد الجبار في هذه الساحه

حيث وفقت هذه الساحه بوجودك فيها كشخص فعال ،،،

تمنياتي لك بالتقدم

مع تحياتي ( الـــراكـــد )

اخوى السنافي نقل اكثر من رائع لهذه القصيده الممؤثره

تقبل مروري وخالص شكري