الولد وإن طاب قالوا : من خواله

هذه ابيات جميله جدا وهي تحكي عن كرم العرب اعجبتنى واتمنى ان تعجبكم

اشرب الفنجال واكب البياله..‍ ( قصه وقصيده)

شاعر ذا البيت المعروف هو راشد بن حسن بن رحيان العجمي - الله يرحمه ( ابن الذيب)

والقصه هي انه يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا راشد الذيب .. اركبي وابشري بالخير.

وقال هذه القصيده :

قالها إبن الذيب من هاجوس بالـه
كلمةٍ يلعـب بهـا والبـال زينـي

قالها يومـه طرالـه مـا طرالـه
من هواجيسٍ تشيب المرضعينـي

غرّني بعض الرجال بكثـر مالـه
مادرى إن الموت في حبل الوتيني

كيف ينفعني وبعض الناس خالـه
ما يدوم البيت كان الساس طينـي

ماش وين اللي عوايـده الشكالـه
مثل إبن ظافر حمد ليتـه يجينـي

الثنا والجـود دايـم فـي خيالـه
علّمـه ظافـر سلـوم الطيّبينـي

جـوّد العليـا ولزّمهـــــــا عيـالـه
وأدركوا من علمته دنيـا ودينـي

واهني من باع حظّـه وإشترالـه
سار في درب النبي وأخزا اللعيني

موقفـه ماكـل رجّـالٍ ينـالـه
ومن بغا ممشـاه يقعـد مرّتينـي

وكم ذبح من حايلٍ من حر مالـه
وعادته لطمـة خشـوم العايلينـي

حالفٍ ماخذ على الطرقي ريالـه
وبالثلاث محرّم إنها مـا تجينـي

لا لقيت اللي على السكّـه لحالـه
يلتفت ويقول : ويـن المستحينـي

أوقف الموتر حيا وأبغا الجمالـه
يوم ولد اللاش وجهه مـا يلينـي

والطمع في كرّوة الرجلي رذالـه
خصّ به وإن جا مجال الغانمينـي

والردي في حالةٍ ماهيـب حالـه
يا عوينـه مـن كـلام الطيّبينـي

الولد وإن طاب قالوا : من خواله
بالخوال يسـال قبـل الوالدينـي

وأركبه لعيون مـن زيـنٍ دلالـه
ما تحاكوا فـي قفـاه الرامسينـي

ما بغى غيري وأنا مابغـا بدالـه
قاعدٍ لـي بالرجـا مـدّة سنينـي

ما قعدنا فالعمـل نبغـا الرزالـه
ناخـذ العليـا طريـق الفايزينـي

وأشرب الفنجال وأكـب البيالـه
تابـعٍ سلمـي سلـوم الأولينـي

جمـــــــــــــيل هذا النقل

قصة جسدتها ابيات

وأبدعتها

شموخ انثى

دمتي هكذا متوهجة

حالفٍ ماخذ على الطرقي ريالـه
وبالثلاث محرّم إنها مـا تجينـي


تسلمين اختي شمووووخ ع الابيات الرائعة

دمت بوووووووووووووووود

الله يعافيك اختي شموخ على الابداع المتواصل
تقبلي مروري الشمالي

صح لسان ابن الذيب

وهو شاعر معروف وابنه محمد كذلك ..

ولكن هناك بيتين أعتقد انه لهما علاقه بالقصيده :

الولد وان طاب طيبه من خواله

...... وأن تردى فاعرف انهم خايبيني

أشرب الفنجال وأعدي البياله

..... طيبن واحب سلم الطيبيني

قد تكون توارد خواطر لا أدري ..

الف شكر يا شموخ على الاختيارات الطيبه ,, وليس مستغرب ..

مشكورن اخواني علي مروركم العطر
لاتحرموني تواجدكم
دمتم بخير

شموخ كنت دائما ً أسمع بيتين من هذه القصيدهـ

على لسان والدي أطال الله في عمرهـ

وكم تمنيت أن أسمعها كاملهـ

والأن حققتي لي تلكـ الأمنيهـ

دمتي بتميز يا فراشهـ المنتدى

ودام أبداعكـ

تقبلي مروري وتحياتيـ

تسلم يالغلا
وأطال الله في عمر والدك
شاكرة لك مرورك
لاتحرمني تواجدك
دمت بخير

الولد وإن طاب قالوا : من خواله
بالخوال يسـال قبـل الوالدينـي

وأركبه لعيون مـن زيـنٍ دلالـه
ما تحاكوا فـي قفـاه الرامسينـي

رائعة أختي شموخ
دام تميزك ودام نبضك
وصح لسان الشاعر راشد بن حسن بن رحيان العجمي

تسلم يالغلا
اسعدني مرورك بين صفحاااتي
لاتحرمني تواجدك
دمت بخير