ذوات المبسم الوردي ....

أعزائي أعضاء هذا المنتدى الجميل ...
أضيف اليوم قصيده قمه في الروعة والأسلوب والفكرة أيضاً لشاعر عذب وجميل وهو فيصل اليامي مكتوبه لتحاكي الشباب ( وحركاتهم ) وأهديها لكل شباب المنتدى وأقولهم جمعوا القطه ترى الصيف قرب والحبايب بعيدين ... أتمنى تعجبكم ...

يجينا الصيف وننتظره ... وإذا عدى نبيه يعود=ونفرح به إذا جانا نقول الصيف لايعدّي
نحسب أحسابنا بدري نفكر في الليالي السود=نفكر كيف نستانس وكيف نجيب ونودّي
ندور للوناسه وين..شباب وقدها وقدود=نسولف مع نجوم الليل (ذوات ) المبسم الوردّي
نغير موجة اللهجه.. حسب (جنسية) الموجود=مابين(أش كون)و(عاوز إيه)و(وشوبدك)و(مابدّي)
بعضنا فلوسه كثيره..بعضنا بين نقص وزود=وبعضنا مسافر بسلفه وفيزا بس متحدّي
يبي (ينقط) على هاذي.. يلبس ذيك عقد ورود=يضحكها وهي تضحك عشان يقول من قدّي
يظن أنه ملك دنيا وودع حظه المقرود=مايدري إنه بوضعه ذا غدى في حال متردّي
يفاخر بالخطايا اللي تصده عن طريق الجود=يضيع نفسه بنفسه..ويظن إنه بعد مقدّي
غلط..والغلطه بعشرة لرجل يعرف المنقود=خطأ..وأكبر خطا والله أضيع نفسي بيدّي
مدام أن العمر يمشي وتالي هالجسم للدوّد=أجل بالله وش وضعي إذا حطوني بلحدّي

( أش كون ) كلمة مغربيه بمعنى كيف الحال أو وش أخبارك يعني من هالقبيل والباقي أتوقع معروف.

غلط..والغلطـه بعشـرة لرجـل يـعـرف المنـقـود
خطأ..وأكبـر خطـا والله أضيـع نفـسـي بـيـدّي
مـدام أن العمـر يمشـي وتالـي هالجسـم للـدوّد
أجـل بالله وش وضـعـي إذا حطـونـي بلـحـدّي



صحيح كلام يشرح حال الكثير


اختيار ممتاز

أخوك

مشكووور

ويعطيك العافية

وصح لسانك

وانشهد ان الصيف قرب

ابشر انا قطتي جاااهزه

سلام