ازرق الدخان للشاعر/ بندر بن سرور

شي بقلبي واهجه مستمري = لولا ازرق الدخان يطفي لهيبه
سلط على الدخان لوهو مضري= له حزه عند احتكام المصيبه
وانا الذي مبدي على الناس سري= من خوف سودان الوجيه تحكيبه
اصبر على ضيم الدهر والتعري=من شان من يرضى علي الغليبه
وابعد مجالي عن عيال التزري=من لا هوى قلبي دواه المغيبه
اخاف لي من مجلس ما يذري=في جانبه بوم حساسه صليبه
سوالف(ن) ما بين جحد وتقري= يجرح فوادي عيه وابتليبه
والله خلق بالكون لي ثلث بري= يكفي و ثلثين البحر ويش ليبه
واليا بغيت الدرب مانيب اطري = امس للفرجه حبال النجيبه
واقطع تهاتيت الخلا بالتجري= واللي يجيبه والي امري يجيبه
يرضيني المقسوم خير(ن) وشري= سبحان من لا تعلم الناس غيبه
احد على ربعه يحب بالتحري= للشر بلاس وخيره بجيبه
هذاك انا يالربع منه متبري= لو عظني ناب الدهر ما انتخيبه
من خوف يضحك لي وهو يستغري= يفتل حبال السؤ ما يندريبه
يفرح علي بكل شر(ن) يمري= وان شاف يمي خير عني انهيبه

اصبر على ضيم الدهر والتعري=من شان من يرضى علي الغليبه

صح لسانك ولسان شاعرها

يعطيك العافية

دمت بخير

اقتباس: المشاركة الأصلية كتبت بواسطة شموخ انثى    اصبر على ضيم الدهر والتعري=من شان من يرضى علي الغليبه صح لسانك ولسان شاعرها يعطيك العافية دمت بخير

صح بدنك اختي شموخ وشكرآآ على مرورك الله يعافيك

الشمــــــــــــــــــالي


يسلم لنا ذوقك بهذا الجمال

وتسلم يمينك على هذا النقل الرائع


دمت لنا بهذا الذوق الرفيع


تقبل مروري المتواضع


اختك سحايب

اقتباس: المشاركة الأصلية كتبت بواسطة سحايب صيف    الشمــــــــــــــــــالي يسلم لنا ذوقك بهذا الجمال وتسلم يمينك على هذا النقل الرائع دمت لنا بهذا الذوق الرفيع تقبل مروري المتواضع اختك سحايب

صح بدنك سلمت يمينك


حضورك مصدر سعاده لي

الــشــمالــــي

والله خلق بالكون لي ثلث بري
....... يكفي و ثلثين البحر ويش ليبه

واليا بغيت الدرب مانيب اطري
........... امس للفرجه حبال النجيبه

أخوي الشمالي

أبيات رااائعة وجزلة للشاعر الكبير بندر بن سرور

وقد راق لي هذين البيتين اشد رواقة

فأنت منبع الذوق ياصاحبي

أبيات رائعة أخوي الشمالي

مشكووووووووووووووووور على الذوق الراقي وعلى النقل ..

دمت دائما بنجاح..

اقتباس: المشاركة الأصلية كتبت بواسطة الضامي    والله خلق بالكون لي ثلث بري ....... يكفي و ثلثين البحر ويش ليبه واليا بغيت الدرب مانيب اطري ........... امس للفرجه حبال النجيبه أخوي الشمالي أبيات رااائعة وجزلة للشاعر الكبير بندر بن سرور وقد راق لي هذين البيتين اشد رواقة فأنت منبع الذوق ياصاحبي

هلا والله بالغالي اخوي الضامي ...


صح الله بدنك اخوووووووي ...


شرفتنا بالمرور واسعدتني بالمشاركة ...

تحياتي لقلبك ,,,

الــشـمــالـــــي

اقتباس: المشاركة الأصلية كتبت بواسطة خطاي أني وفيت    أبيات رائعة أخوي الشمالي مشكووووووووووووووووور على الذوق الراقي وعلى النقل .. دمت دائما بنجاح..

هلا وغلا خطاي أني وفيت ...

شرفتنا بالطله واسعدتنا بالمشاركة ...


تحياتي لقلبك...


الــشـمـالــي

الشمالي

سلم بنانك ع النقل الرائع

وسلم لنا ذوقك يالمتميز

وطرحك يجبرني أن اطلع عليه

لما أعلمه أنك لا تطرح الا القصائد الرائعه

تقبل مروري