السيره الذاتيه للشعراء

أعزائي أعضاء هذا المنتدى الرائع...
أضع اليوم هذا الموضوع والفكرة ليست من عندي ولكنها أعجبتني ورغبت المشاركة معكم بها وهي أن تسجل كل ما تعرف عن شاعر أو شاعرة تحبه مع مقتطفات من قصائده أو تكتب قصيدة أعجبتك مع ذكر صاحبها وأتمنى أن تحوز الفكرة على أعجابكم ومشاركاتكم
وسأبدأ أنا مع مهندس الكلمة الأمير بدر بن عبد المحسن وتقبلوا مني كل الحب

[line]
بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز
و والدة الأمير بدر بن عبد المحسن هي الأميرة وضحى الحمود الرشيد
له ثلاثة أبناء هم:
- خالد- سلطان- سعود
و له عشر بنات و هن
- نوره - لمى - العنود - صيته - بسمه
- لين - سلمى - مشاعل - الجوهرة - وضحى
درس مراحله الإبتدائية بين المملكة العربية السعودية و مصر، والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية ..
أقام سمو الأمير بدر العديد من الأمسيات و كان أولها الأمسية التي اقيمت في نادي الإتحاد بجدة، و تتابعت بعد ذلك الأمسيات واحدة تلو الأخرى و منها على سبيل المثال امسيات سموه في البحرين، الإمارات، الكويت، و العديد من الأمسيات داخل المملكة العربية السعودي
غنى مطربين على المستوى المحلي و على المستوى العربي و أبرزهم الفنان طلال مداح، محمد عبده، عبادي الجوهر،عبدالمجيد عبدالله ، عبد الكريم عبد القادر، نجاة الصغيرة، خالد الشيخ، عبد الرب ادريس، عبدالله الرويشد وراشد الماجد وخالد عبدالرحمن وأحلام
و لسموه اهتماما بالرسم كهواية الى جانب الشعر وله العديد من اللوحات الجميلة و المعبرة، كما ان لسموه اهتماما بالقنص و صيد الحبارى و أهتمامات عديدة في الكمبيوتر فيما يخص الرسم و التصميم و كذلك الإنترنت
و لسموه ثلاثة دواوين هي :
- ماينقش العصفور في تمرة العذق.
- رسالة من بدوي.
- لوحة ربما قصيده
و لسموه دواوين التي لا تزال تحت الطبع
وهذه مختارات من قصائده
[line]
صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
[line]
ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...
[line]
يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
[line]
قال السراب وقلت ظامي لسـرابه
قال الهلاك وقلت لعيون الاحباب
كانه ذبحني صـاحبي من عـذابه
ماابي لدمي يا هل اللـوم طلاب
الـجادل اللي فيه زيـن ومهابه
يفز له قلبٍ .. وتخضع له أرقاب
إن قلت أحبه يكفي القلب مـابه
وان قلت أنا مابيه ..باصير كذاب
[line]
لليل احبك مابقى في السما نور
والى ضواني الليل .. للصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
العمر أحبك .. مابقى فيني شعور
والى جفاني العمر .. وشلون أحبك
[line]
نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك
[line]
الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه
[line]
قالوا العـذّال والعـذّال مرضى
وش بلا حالك من الاشواق قاضي
قلت يهجرني حبيبي لين يرضى
علّموا الظالم ترى المظلوم راضي
[line]
يا صـاحبـي طـالـت علـي المسـافـه
كل ما نشـدتـك قلـت لـي الـدرب قـدام
وعـدك مثـل بـاكـر أحبــه وأخـافـه
ولا ينقضـي بـاكـر علـى طـول الأيـام
ما اقـول ضـاع العمـر عنـدك حسـافـه
انت الـدقـايـق عشتـها وانـت الاعـوام
ودي ربـيـع العـمـر يـسبـق جفـافـه
يا مسقـي العطشـان من كـاس الأوهـام
كـانـك تعـاف الجـرح حنـا نـعـافـه
وما سهـرت عيـوني تبـي عينـك تنـام
[line]
تقول اللي طرف عينك أنا مدري هدب أو عود
أحس اني من اللي صابها ماشوف قدامي
ضحكت .. وقلت لاتخافي على بحر العيون السود
على شط الكحل مريت .. وهذا موضع أقدامي
عيوني بسمة اعيونك ولو صارت مطر ورعود
أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود
أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم .. وهم الدنيا قدامي
[line]
جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار

والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
يا أول الحب .. شفتك أنا مره
واهديت لك قلب
ورديت لي جمرة
[line]
بقالي عزتي ياللي على اللي ما سواها تمون
وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شمع وغصون
حداه البرد والليل الطويل وشب فاسه
[line]
ردي علي الصوت .. ردي حياتي
صمتك على شكوى حنيني .. مذله
اما اقطعي حبل الوصل بالنجاتي
والا عطيني باقي الود .. كله
لا توعديني .. عذب الصبر ذاتي
والبعد حالي مع عنا الوجد سله
يرضيك لا فرحوا بهمي عداتي
واقفوا يقولون .. الغضي عاف خله
ردي علي الصوت .. يكفي السكاتي
قولي لغيرك ماهفا القلب للّه
[line]
ظماي انت .. ومن يعشق ضماه غيري
جروحي انت .. ومن يكره دواه غيري
اسقني لو ما ارتويت .. داوني لو ما شكيت
ماهقيت اني اعطش .. في حياتي لغيرك انت
مادريت ان مابه أغلى منك ..الا انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
[line]
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
[line]
لا تجرحيني .. جرحك العام ما طاب
داوي بحنانك ما مضى .. واجرحيني
ياللي حنانك نظرة بين الأهداب
ردي علي بعض العزا .. ناظريني
خافي على قلبٍ يحبك إلى ذاب
ذاب الهوى في خفقته .. والحنيني
لا ياغلا كل القرابه والأصحاب
ضاع العدل في الناس لو تظلميني
[line]
ليه أحـــس إني وأنا اشوفــك حزين
وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين
لا تـــعــلــــمنــي ولا تـــكـــذب عـلــيّ
خـلنــي مــا بـــين شكــي والــيقيــن
الــسـكــوت رضـــــاي عنــك وزعلــي
صاحبي بمـــــوت من كثر الحنيـن
بس أنا بــخـــتـــار لــحظـــة مقتلـــي
[line]
ما بقالي قـلب يشفع لك خطيّه
ذوبـته اجروح صدّك والخطايا
صاحبي بالله ... لا تعـتب عليّه
العَـتـب ما عاد تاسَعه الحنايا
كلّ جرحٍٍ فات لي منك هديّه
وش بلاك اتخاف من ردّ الهداي
لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا
وان غَدى للحب في قلبك شظيه
وش يقـول اللي غدى قلبه شظايا
[line]
لعيونها ... بس لعيونها
قلبي سراب بدونها ..
قلبي سراب ... وعيني سراب
ما اقول أعشقها بعقل...
أقول أنا مجنونها[/align

ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
الله كريم .. حبك ... يكون ...
همي القديم ...

	الشكر لك على الطرح المتميز وأنت حقاً ملك الحروف

فكره رائعه

وسوف اعود لكم بلمحه موجزه عن احد الشعراء

وتشكر يا ملك الحرووف

سلام