|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| قصائد الاعضاء خاصة بقصائد اعضاء المنتدى الكتابية والصوتية |
آخر 10 مشاركات
|
|
|
أدوات الموضوع |
17 / 09 / 2007, 45 : 11 PM
|
#1 | |
|
تميراوي نشيط
|
سلام مني عد نبت النواوير
سلام مني عد نبت النواوير بمناسبه المهرجان الصيفي الثالث الذي أقيم في مدينة تمير عام 1428هـ سلام مني عد نبت النواوير =وألذ وأطيب من حليب المباكير وعد البشر وإعداد ماذعذع النود =وعد الرمل وإعداد مارفرف الطير يامرحبا ترحيب وألفين ترحيب =بضيوفنا واللي لفونا مسايـير تو الشعر يحلى ويزدان معناه =في شوفكم ياهل الوجيه المسافير صغت المثايل والفرايد بترتيب =وألقيتها بين الملا داخل تمير ياتمير ياديرة هل العز والجود =دار الفخر دار القروم المغاوير بيوتهم لضيف منزل ومدهال =أهل الكرم وأهل الدلال المباهير أهل الوفاء والطيب وأهل الشهامة =اللي لهم في القلب عزٍ وتقدير حماية الهيه عريـبـيـن الأجداد =كسابة الطالات نسل المناعير أهل الـتـقى وأهل الـنـقى والمروة =ساس الفخر نسل الرجال المشاهير ولي وقـفـةٍ معكم عسى تسمعوها =ومن سمعها تصبح حياته تياسير إلى متى وحنا عن الدين لاهين =نركض وراء الدنيا وجمع الدنانير ماتـنـفع الدنيا ولو حلوها طاب =لابد من يومٍ تشوف التعازير العمر لحظه والمخاليق فانين =والرابح ألي عاش بالعز والخير عليكم بتقوى الولي رب الأرباب =الخالق الرازق ولي التدابير الحاكم العالم رقيب المخاليق =الظاهر الباطن بديع التصاوير الشافي الكافي عظيم الفعايل =الـراحـم الدايـم مديـر الـمـقـادير وأخذوا صفات المصطفى سيد الأبرار =من دون نقص ودون زودٍ وتقصير وتجـنـبـوا درب الـــرذالــة وأهــلـها =والنفس لا تقرب دروب المحاذير وكفوا عن الأنذال وعيال الأنذال =ومن عاشر الأنذال شاف المخاطير راعي الردى وقت الشقى مايفيدي =مابه مروة غير خلق المعاذير ومصاحب رجالٍ نشاما حلاحيل =اللي لهم في حزة الضيق تأثـير أوقاتهم لله طاعة وتهليل =ما ضيعوها في الترف والمزامير لاحل في وقتك همومٍ وضيقات = هم عزوتك وقت الليال المعاسير هذا علاج القلب لاصار ضايق =أخير من درب الشقى والمعاثـيـر وصلوا على الهادي نبي المخاليق =عد المطر وإعداد نبت النواوير تركي بن علي الفيصل التميمي
|
|
|
|
|
18 / 09 / 2007, 01 : 12 AM
|
#2 | |
|
تميراوي برونزي
|
ابو خالد
الشاعر العذب صح لسانك وأنا أخوك أبيات جزله ويستاهلون اهل تمير كل خير اتمنى تواجدك الكريم دوماً دوماً دوماً دمت بخير تقبل تحيات أخوك/ الضامي |
|
استغفر الله الذي لاإله إلا هو الحي القيوم وأتوب إليه
|
|
18 / 09 / 2007, 34 : 12 AM
|
#3 | |
|
المشرف العام
مؤسس منتديات تمير 
|
صح لسناك اخوي تركي وبيض الله وجهك ماقصرت ننتظر الجديد ان شاء الله
النادر |
|
 |
|
18 / 09 / 2007, 01 : 06 AM
|
#4 | |
|
{.. مجرد عـــــــــابره
|
ياتمير ياديرة هل العز والجود =دار الفخر دار القروم المغاوير
بيوتهم لضيف منزل ومدهال =أهل الكرم وأهل الدلال المباهير أهل الوفاء والطيب وأهل الشهامة =اللي لهم في القلب عزٍ وتقدير حماية الهيه عريـبـيـن الأجداد =كسابة الطالات نسل المناعير وانا اشهد ياخوي صح لسانك ملايين قصيدة جزلة وبانتظار المزيد دمت بخير |
|
|
/ '  خلقت من صلبه و ظهره ..ومن يومها ورأسي فوق اللهم اغفر لوالدي وإجعل قبره روضة من رياض الجنة اللهم اغسله بالماء والثلج والبرد
|
|
18 / 09 / 2007, 06 : 06 AM
|
#5 | |
|
مشرف سابق
|
صح لسانك يابو خالد
جزله من رجال جزل لاهنت وانا أخوك على هذا الابداع سمعناها على الهواء مباشره في المهرجان وشاهدتها هذا اليوم في قناة الساحه وها أنا أشاهدها الان في صفحات همس القوافي فلك الشكر .. ودام إبداعك |
|
|
سبحان الله وبحمده ،،، سبحان الله العظيم
|
|
18 / 09 / 2007, 23 : 04 PM
|
#6 | |
|
تميراوي نشيط
|
الأخوان
الضامي النادر شموخ انثى السنافي صح بدنكم جميعاً ومثل ما قلنا سابقاً تمير تستاهل الخير |
|
|
|
|
18 / 09 / 2007, 38 : 04 PM
|
#7 | |
|
تميراوي برونزي
|
صح لسانك وأنا أخوك يابوخالد
أبيات جزله ويستاهلون اهل تمير كل خير الله يعطيك العافيه تقبل مروري الشمالي |
|
|
سبحان الله وبحمده سبحان الله العظيم
|
|
27 / 09 / 2007, 33 : 03 AM
|
#8 | |
|
تميراوي برونزي
تـمـــtumairـــــير
|
صح لسانك وأنا أخوك
أبيات جزله ويستاهلون اهل تمير كل خير بس لو ينشده ناصر المفرج بتكون افضل من رائعة |
|
 سأسير ولن أنظر للخلف، وسأدوس الأشواك لأكسرها حتى لا أشعر بها. |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
