يابري حالـي كيـف مالـي ومالـش !!

يامرحبـا ترحيـبـةٍ كلـهـا لــش=تكسيش من راسش ليا حـد ماطـاش
من قلب مهيـومٍ بحبـه صفـا لـش=يلعب به الغربي ليـا سمـع طريـاش
يفرح ليا مـن قالـش كيـف حالـش=ولولا غلاش وحشمتش كان ما جاش
وان قلتي انه غايتـش شـف بالـش=كأنه ملك يعرب من الطـاش للطـاش
يابري حالـي كيـف مالـي ومالـش=لا والله الا لي ولـش لعنبـا الـلاش
من هامتي لي محزمي لـش حلالـش=بيتش فديتش واسكني وسـط الجـاش
اما ابتلشتي بـي وانـا فيـش بالـش=غديت كأني من شـرى علتـه كـاش
انا في وجه امش وابيـش وخوالـش=ما اجيش لي حاجه واعود على ماش

الشاعر / ضيدان قضعان

يعطيك العافيه يالفرنسي

وصح لسان الشاعر ضيدان وقصيده لها لون خاص ..

ويشرفنا تواجدك يالفرنسي في منتدى تمير

وويشرفنا أيضا ً أن تكون أول مشاركه لك في همس القوافي

فيا مرحبا تراحيب المطر ...

لا هنت يا السنافي على مرورك والشرف لي يا الغالي

وانا متعمد ان تكون البدايه من هنا ........

وشاكـــــــــــر لك هذا الإستقبال الجميل فلك مني اعذب تحيه

يـامـرحـبـا تـرحـيـبـةٍ كـلـهــا لــــش
تكسيش من راسش ليـا حـد ماطـاش
مـن قلـب مهيـومٍ بحـبـه صـفـا لــش
يلعب به الغربـي ليـا سمـع طريـاش

مرحبا الف يالفرنسي ومنور وجود

هلابك مليون يا انت محبوبي ومقدر لك هذا المرور الجميل