حصرياً على منتديات تمير لقاء مع صاحب الشيلات المعروف/ حمد السنيد ( هبوب الشمال )

[/align]

لقاء مع صاحب الشيلات المعروف / حمد السنيد ( هبوب الشمال )

مساك الله يالخير ياهبوب الشمال

مساك الله بالنور يابو عبدالله

* ودنا نسأل هبوب الشمال عن بداياته في ظهوره

الاعلامي ؟

والله كانت بداياتي من الكنود قبل ثمان سنوات تقريبا وكانت عباره عن

شيلات مع الشباب وسعة صدر وقدمت كم قصيده بلحن وكنت خجلان

في بداية الامر ولكن أحد الاخوان قال لي بعد الانتهاء من أحدى الشيلات

ياراعي الصوت الحلو لو سمحت كرر القصيده فهذا الكلام عطاني

دافع للاستمراريه . وأستمريت على هذا الحال بعدين جت قناة

الساحه وانا طبعا مؤسسها وهذا شي أفتخر فيه والشمس

ما تغطى بغربال فجوني وقالوا لي حنا عندنا قناة جديده ونبغاك

تمسكها بحكم معرفتك وخبرتك فجيت قناة الساحه وقدمت سنه كامله

وطلعتها على الساحة وعرفتها على الجمهور في سدير وفي أكثر

مناطق المملكه وفي الجنوب وبعدها تركت الساحه لضروف

والان أنا في قناة الدانه ولي سنه و الحمد لله طبعا ً معد ومقدم

برامج ومشرف عام على المهرجانات في قناة الدانه .

* ماهي أشهر أمسياتك يابو وليد داخل وخارج المملكه ؟

طبعا ً كل أمسيه مرفوقه بشهاده وقبل الامسيات

شاركت عام 1407 هـ في معرض القاهره بين الامس واليوم

بأسم تمير بحضور الامير سلمان والرئيس المصري حسني مبارك

وقبلها مهرجان الجنادريه . وكذلك شاركت في المعرض السعودي

في لندن عن طريق السفاره السعوديه في لندن. وشاركت

في مهرجان أبها للتسوق وعندي شهاده من

الامير خالد الفيصل . وكذلك أمسيات كثيره

في الطائف والرياض والكويت والبحرين وفي مكه

وكذلك مهرجانات تمير وسدير والقصيم ومهرجان جمر الغضا .

وكذلك قدمت أغنيه وطنيه هي ملك الانسانيه وأغنية غاليه

لابتهال المطيري وكان عمل إنساني أفتخر فيه .

وأعمالي كثيره لا تعد ولا تحصى وليس غرور ولكن هذا

واقع موجود وملموس . وكذلك أنا فنان تشكيلي

وعندي ايضا ً شهاده بذلك .

* هل هناك أمسيات قادمه لك يابو وليد ؟

والله أنا مستعد لأي طارئ على ما يقولون يعني أي

دعوه تجيني أنا ما أتأخر عنها .. والدعوات كثيره

والوقت بحكم أرتباطي بقناة الدانه .

* الكثير يتسأل هل هبوب الشمال شاعر ؟

أنا ما نيب شاعر لكن الوالده الله يرحمها شاعره وخالي شاعر

وكنت أكتب خواطر فمع الوقت وكثر ما أغني في الكنود

صار عندي حضور وصرت أفهم معنى القافيه وصرت أركب بيوت

من عندي ومن ضمنها يوم أقول :

سعد من هو داج في الشوكي ونوره ....وأرتوت عينه بشوفات البناتي

وكذلك :

ياسعود قم شغل الفكسار .... وشد المعاميل في السله

أشمل وخل القصيم يسار .... والجيب يا مسندي تله

فعندي ثلاث أربع قصايد كتبتها ولكن كشاعر لا .

* هل لك دواوين صوتيه يابو وليد ؟

لي ديوان صوتي فيه 16 قصيده من أجمل القصائد اللي

أنا غنيتها وعنوانه ( هبوب الشمال ) وهو الان في الاسواق .

* وش رايك في تفاعل الجماهير في مهرجان تمير ؟

والله الجمهور يحتاج لمثل هالاجواء للخروج من روتين

الدراسه والعمل والتفاعل كان طيب بس ياليت المهرجان

يكون أطول من كذا ولكن الجماعه فيهم الخير والبركه وما يقصرون .

* كلمه أخيره لمنتدى همس القوافي ؟

أشكركم جزيل الشكر وأنا عضو معكم وأتمنى العوده بقوه

وأتمنى تكاتف الاعضاء وأن نكون يد وحده .

* شاكر لك ياهبوب الشمال هذا اللقاء .

العفو والله يحييك يابو عبدالله .

بارك الله فيك يابو عبد الله على هذي الجهود الكبيرة اللي تبذلها
وهذا اليوم ضيفك مميز بكل ماتعنيه الكلمة الراوي العزيز أبو وليد
وهو من الناس المحترمين الذين تربطني وإياه صحبة طيبه وجيرة بيننا
هو هبوب الشمال صاحب الصوت العذب ملك الشيلات
لقاء جميل وخفيف على صدورنا يالسنافي
لك يابو عبدالله الشكر الجزيل وهمتك همة رجال تستحق الوقوف والتصفيق من اجلها
وشكر خاص لهبوب الشمال لطلته علينا بهذا الحوار الجميل

يعطيك العااافية اخووووووي السنافي
وماقصرت
وكذلك كل الشكر لهبوب الشمال
سعد من هو داج في الشوكي ونوره ..
..وأرتوت عينه بشوفات البناتي
وصح لسانة بهذا البيت اللي اعجبني
وبانتظارحضورة للمنتدي
وياليت الاخوان مايقصرون وينزلون لناا
شيلات هبوب الشمال
وكذلك قصايدك الصوتية اخووي السنافي
ودمتم بخير

يتواصل التألق من اهل الابداع والتميز

اي ابداع واي تميز تقدمه لساحة همس القوافي

ولمنتديات تمير ايها السنافي ... فقد شرقت بنا

وغربت بكثير من التألق والتميز وصداها ذهب الى اوسع

الافاق فلنا الفخر والتفاخر بان تكون مشرف ساحة همس القوافي

.....................

كم هو رائع ضيفك اليوم

وكم هو متألق ومتميز في تفاعلة وحرصة لمدينته

وكم هو متألق وهو يطربنا بشيلاته العذبه

كم انت رائع يا ابا وليد ... فسر فالنجاح

بإذن الله حليفك ... والله يوفقك في جميع امورك

مشكوووووووور على القاء................

مشكور اخوي السنافي على هذا اللقاء مع المميز هبوب الشمال
فعلا ابو وليد رجل مكافح وصل للمجد من اصعب الطرق بحكم قربي له
مشكور ابو وليد على ماتقدمه من جهد وماقصرت
اخوك النادر

الف شكر لك اخوى السنافى على هالمجهود

وال شكر لكل من مر على هذا اللقاء

دمت بخير

ابوعبدالله لاهنت ويعطيك العافيه





ولاهان هبوب الشمال




وتقبلو تحياتي

مشكور اخوي السنافي على هذا اللقاء مع المميز هبوب الشمال موفق بإذن الله ... لك مني أجمل تحية .
محبكم حسينوووه،،،،

يعطيك العافية أخوي تميراوي سوبر