الـسـرنـدل قـوتـه قـو الـجـِمال * * *والبساتم كنها في معركة

31 / 08 / 2007, 43 : 03 PM

بسم الله الرحمن الرحيم
نظراً لكثرة الطلب على قصيدة الفي إكس آر التي ألقيتها في مهرجان تمير ، حبيت أنزلها في منتدى همس القوافي خاصة .
وقد نظمت الكثير في الفي إكس آر ، لكن ما سأطرحه سيكون مميزاً بإذن الله .

لا زهمتك يالشعر عجل تعال
........... ودي أكتب قاف شعرٍ واسبكه

باصف اللي مذهلٍ عقلي ذهال
........... باصف الفكسار وصفٍ يملكـه

وليتكم في الوصف تعطوني مجال
.......... باصف الهيكل ووصف محركـه

ماوجد من يشبهه شكل ومثال
................ يعجبك فيـّة طريق تسلكه

لعنبوا من صممه بازهى الكمال
................صممه ثم عدله ثم أحبكه

الـسـرنـدل قـوتـه قـو الـجـِمال
...............والبساتم كنها في معركة

كن مشيه لامشى مشي الغزال
..............والعلامة والجنوط متكتكه

ويتحمل مشيت خطوط الطوال
...............الخطوط الطايلـه ماتنهكه

زين شكـلـه لامشى فوق الرمال
........... كن شكلـه شكل بنت مشيكه

ماتحسف من دفع فيه الريال
............ نضرته مع قوته فيه أبركه

لو تسوق الجيب ياولد الحلال
..............والله أنك تعشقه ماتتركه

يعجبك بين الفيافي والتلال
.............في ديار العز دار المملكة

وخاسرٍ من باع جيبه يارجال
..........ورابح اللي يشتريه ويمسكه

وسلامتكم

تركي بن علي الفيصل

31 / 08 / 2007, 50 : 04 PM

صــــــــــــــــح لســـــــــــأنك

اخوي الشاعر

تركي الفيصل

ألف شكرررررررر على الأبيات

31 / 08 / 2007, 01 : 05 PM

يعطيك العافيه اخوي ياشاعرنا على طرحك للقصيده الجميله في الفى اكس أر ونقول كفيت ووفيت ونتمنالك التوفيق .

اخوك الشمالي

31 / 08 / 2007, 02 : 05 PM

زين شكله لامشى فوق الرمـال
كن شكله شكـل بنـت مشيكـه
صح لسانك ياشاااعرنا
الله يعطيك العافيه ع القصيده اللي اكثر من الرائعه
دمت بخير

31 / 08 / 2007, 07 : 07 PM

السرنـدل قوتـه قـو الجِمـال

...........والبساتـم كنهـا فـي معركـة

ابو خالد صح لسانك ..

عز الله ما قصرت في الوصف والظاهر انه غلي عقب هالقصيده ..

دام حضورك الرائع وإهداءاتك الجميله ...