حصريا ً على منتديات تمير لقاء مع الشاعر المبدع / تركي الفيصل

لقاء مع الشاعر المبدع / تركي بن علي الفيصل

في البدايه مساك الله بالخير يابو خالد في منتدى تمير

الله يمسيك بالنور يابو عبدالله

س1/ ودنا نسألك عن بداياتك الشعريه ؟

ج1/ بداياتي كانت وانا عمر 11 سنه ولكن بداياتي الفعليه كانت قبل 9 سنوات تقريبا ً.

س2/ هل تأثرت بأحد في بداية مسيرتك الشعريه ؟

ج2/ والله تأثرت باالشيخ الشاعر / عبيد الفيصل وتأثرت أيضا ً ببعض الشعراء

مثل الشاعر / مشعل شباب الشيباني والشاعر / عبدالرحمن الموسى .

س3/ هل دخلت في مجال المحاوره يابو خالد ؟

ج3/ لا والله لكن هناك بعض المحاورات الخاصه .

س4/ هل لك دواوين صوتيه أو مقرؤه ؟

ج4/ الدواوين الصوتيه حتى الان . لكن المقرؤه هناك ديوان خاص بي فقط .

س5/ هل لك تواجد على الشبكه العنكبوتيه ؟

ج5/ لي بعض المشاركات في المنتديات ولاقت قبول من الجمهور

وهو ما ساعدني على الاستمرار .

س6/ ماهو رأيك في تفاعل الجمهور مع أمسيتك في المهرجان ؟

ج6/ أقول بيض الله وجيهم وما قصروا كفّو ووفّو .

س7/ هل كان لك أمسيات داخل تمير قبل هذه المشاركه ؟

ج7/ داخل تمير هذه الامسيه فقط ؟

س8/ طيب وخارج تمير هل كان لك أمسيات ؟

ج8/ نعم أقمت أمسيات في حفل تخرج لكلية الملك فهد الامنيه وأيضا أمسيه

في حفل تحفيظ القران الكريم وايضا ً أمسيه في الجنادريه مع الشاعر / فهد المفرج

والعديد من الامسيات الخاصه .

س9 / هل سوف نشاهدك يابو خالد في منتدى تمير ؟.

ج9/ بإذن الله وهذا وعد إن شاء الله .

س10/ كلمه أخيره لمنتدى همس القوافي .

ج10/ أقول الله يوفقهم ويعطيهم العافيه .

وقد أهدانا الشاعر تركي هذه القصيده

قالوا لي غير جو في وسط لبنـان=ولا بوسـط الشـام ولا صـلالـة
ترتاح من كثر البلاوي والاحـزان=من زارهن بالحيـل يرتـاح بالـه
قلت الديار اللي بها الزين سكـان=هي غايتي لوكنت في خس حالـه
لاشفت سيد البيض مدعوج الأعيان=عز الله إني صرت سالـي ودالـه
أكتب له الأبيات وأطرب با الألحـان=وأبني بيوت الشعر لجـل الغزالـة
والله فلا يوجـد حليـه بالأكـوان=سبحان من سواه وأبـدع جمالـه
الـرأس لـلأرداف والخـد فتـان=جميع كل البيـض ماجـت مثالـه
وعينه كما عين الصقر طير شيهان=والله لـو يطلـب حياتـي فدالـه
والخشم سلت سيف والساق مليان=من شافها يذكـر عزيـز الجلالـه

يعطيك العاااافية يالسنااافي
وماقصرت يالغلا

اقتباس: قلت الديـار اللـي بهـا الزيـن سكـان هي غايتـي لوكنـت فـي خـس حالـه لاشفت سيد البيض مدعوج الأعيان عـز الله إنـي صــرت سـالـي ودالــه أكتب له الأبيات وأطرب با الألحـان وأبنـي بيـوت الشعـر لجـل الغـزالـة

وصح لسان الشاعر
قصيدة رائعة
وبانتظار حضورة وابداعاتة
دمتم بخير

السنافي ( أبو عبدلله )

لاهنت على هذا اللقاء الرائع مع الشاعر المبدع القادم بقوة الشاعر تركي الفيصل

ومثل ما وعدتنا يا تركي نبيك تشارك في المنتدى وأيضاً حفلات ومهرجانات تميـــر البلد الغالية في قلوبنا


وصح لسانك على هالقصيدة الرائعة .........

بارك الله فيك أخوي ابو عبدالله
والحقيقة سعيدين بتواجد شاعر متميز وقادم بقوة مثل ابو خالد
والله يعطيه العافية على هذي الامسية وهو بحق شاعر من طراز نادر
أتمنى له التوفيق في حياته بشكل عام

الف الف شكر يا السنافي على هذا اللقاء الراااااائع مع الشاعر المبدع تركي الفيصل

مشكور ياخوي السنافي على لقائك المميز والجميل مع كوكبه من شباب هذا البلد العزيز على قلوبنا . واتقدم بالشكر لاخي الشاعر المبدع / تركي الفيصل على حضوره للمهرجان ونقول الى الامام يبوخالد

ممشكورر ياخوي السنافي على لقائك المميز والجميل مع كوكبه من شباب هذا البلد العزيز على قلوبنا . واتقدم بالشكر لاخي الشاعر المبدع / تركي الفيصل على حضوره للمهرجان ونقول الى الامام يا أبوخالد

ماذا عساي ان أقول يالسنافي إلا أنك ( كبير فقط ) بتعاملك وأخلاقك

الله لا يضرك بس .

الشاعر تركي الفيصل شاهدناه في أمسيه في المهرجان وكان متألق

ووجه جديد نتمنى ان يستمر بجانب زملائه ..

هذا ما نتمناه يابو خالد فقط ..

إخواني وأخواتي

الله يسلمكم من كل شر وجزاكم كل خير وأنا ما سويت إلا الواجب وكل هذا قليل عند قدر تمير وأهلها في قلبي

وأعيد وأقول

مشكورررين وبارك الله فيكم

السنافي أبوعبدالله ..
مبدع والله على اللقاءات الجميلة مع الشعار ..
وشكراً لكل شاعر شارك في مهرجان تمير الثالث ..
وشكراً لك أنت يـا أبوعبدالله على جهودك المبذولة ..
وأي شيء تبيه نحن في الخدمة ..

وأشكر الشاعر أبوخالد على القاصائد الجميلة التي أطربت مسامعنــا ..
وشـاعر كبير قادم للساحة بقوووهـ .. بالتوفيق لك يـا ابوخالد ..
ومرحباً بك في منتديات تمير ..