سفير الجزيرة يطلب منك يا السنافي ... لا ترده !

السلام عليكم

في حفل تمير قبل أمس أبدع الشاعر عزام الخريف ( السنافي ) بعدة قصائد ومن ضمن ما أبدعنا به قصيدة ( الحر - أو القيض )

القصيدة أعجبتني بقوة فأتمنى من الشاعر أن ينزلها في المنتدى أو إرسالها على الخاص .

والسلام عليكم ورحمة الله وبركاته

وعليكم السلام

ما عاش من يردك يا سفير الجزيزه

وغالي والطلب رخيص وهذي القصيده عندك ..

يانـاس عـيـت تنطـفـي جـمـرة الصـيـف=مـــن حـرهــا عـيــا يـجـيـنـا الــرقــادي
الـجـو حـــرا ً مـــا نـفــع فـيــه تكـيـيـف=والله شـوانـا الـقـيـظ شـــوي الـجــرادي
لــو الـدراهـم فــي يـديّـه عـلـى الكـيـف=أن كــان أصـيـف فــي ديــار الـبــرادي
شهرين فـي لنـدن وشهريـن فـي جنيـف=حـتـى ولــو قلـتـوا سـقـيـم(ن) وغـــادي
مـيـر الـبـلا مــن يرتـكـي للمـصـاريـف=وحـنــا فـالاسـهـم معـلـنـيـن الــحــدادي
مـرات تجمـيـع(ن) ومــرات تصـريـف=محـد(ن) عطانـا فيـه عـلـم(ن) وكــادي
وراعـي الدراهـم مـا يحسـب التكالـيـف=أكـــد عـلــى حـجــزه وخـــل الـبــلادي
دايــم يـصـيّـف فـــي ديـــار المـوالـيـف=اهـــل الـمـربـى والـجـبــن والــزبــادي
وانـا مصيفـي فـي سـمـوم وعواصـيـف=غـصـب (ن) علـيّـه مابغـيـت الـقـعـادي
لاضاق صدري رحت روس المشاريف=فـي ليـلـة(ن) قـمـرا بـهـا الـجـو هــادي
أدلــــه الـخـاطــر بـكـثــر التـصـانـيـف=وانـظـم مــن بـيـوت القصـيـد الـجـدادي
وأنحاش عن ناس(ن) خبول(ن) ملاقيف=الـلـي يجمّـعـهـا الـلـحـم فـــي الـبــوادي
كـبــار الـكــروش ملفـقـيـن السـوالـيـف=يالله عــســاهـــم لـلــفــنــا والــنــفـــادي
بعـض العـرب لامـات رحمـه وتخفيـف=وبعـض الـعـرب مـوتـه يـهـز الـفـوادي
أخـاوي الطـيـب ومــن يـكـرم الضـيـف=الـلــي لـيــا ضـاقــت عـلـيـه اعـتـمـادي
واسـج رجلـي فــي خــلا مابـعـد شـيـف=هــذا هـــوى نـفـسـي وغـايــة مـــرادي
فـي تميـر ياجـعـل الـمـزون المـراديـف=يـسـقـي مـطـرهـا كـــل شــبــراً ووادي
في خاطري تسوى هـل جنيـف وجنيـف=وان كــان مــا صيّـفـت مانـيـب غـــادي

فـي تميـر ياجـعـل الـمـزون المـراديـف
يـسـقـي مـطـرهـا كـــل شــبــراً ووادي
في خاطري تسوى هـل جنيـف وجنيـف
وان كــان مــا صيّـفـت مانـيـب غـــادي
صح لسانك يالشاعر

صح لسانك

صح لسانك يالسنافي

كفيت ووفيت
وبارك الله فيك

مع هالسموم ماشاء الله يالسنافي فاضت قريحتك والله مالومك وشكراا
وكانك مالن من السموم عليك بديار حقين الوزرة والعسل والاند84 وشكراا