حصرياً على منتديات مدينة تمير حوار مع الشاعر الكبير/طلال السعيد

لقاء مع الشاعر الكبير / طلال السعيد

س1/ حياك الله أخوي طلال السعيد معنا في منتدى همس القوافي .
ج1/ الله يحييك أخوي عزام وشاكر لك هذه الاستضافه .
س2/ متى كانت بداية طلال السعيد ؟
ج2/ بدايتي كانت غريبه بعض الشي وهي أنني كتبت قصيده في أمرأه
وخرجت في برنامج للشاعر سليمان الهويدي رحمة الله عليه وطبعا ً قلت
القصيده ونجحت مو لان القصبده زينه لان انا شباب من بين مجموعة شيبان
وبعدين نجحت والناس صارت تطلبني وصرت اقدم البرنامج بدل من
سليمان الهويدي والغريب في الامر ان المرأه التي طلعت عشانها ما سمعت
القصيده .
س3/ ماهو رأيك يابو بندر في الساحه الشعبيه الان ؟
ج3/ الان زحمه قويه حيل بس فيه قنوات فضائيه الان تهتم في الشعر
والموروث وومستوعبه الكم الهائل من الناس طبعا الان لا تميز الغث من
السمين اللي يكسر صفقوا له واللي ما يعرف يقصد صفقوا له .
س4/ المشاركات في الامسيات سمعنا انك توقفت عنها . هل هذا صحيح ؟
ج4/ أنا شخصيا اعلنت رسمي اني ما راح اشترك بأي امسيه . وكملت الان
1001 أمسيه وقلت لهم خلاص . يعني الان فقط أجامل مجامله مثل
هالدعوه الكريمه اللي ما أقدر اردها .
س5/ سبب توقفك عن الامسيات ؟
ج5/ يارجل تاريخك ما يسمح لك انك توقف مع واحد تشعر انه يكسر القوافي
انت تتعب على قصيدتك وتنقحها وغيرك يكسر الاوزان ويصفق لل ويصفق له
ويقدمونه الشاعر الكبير فأحشملك انك تبتعد .
س6/ ما سر الوقوف وانت تلقي قصائدك في الامسيات ؟
ج6/ أولا ينحبس صوتي وانا قاعد .
ثانيا ً تعودت ان الجمهور اللي قاعد له عندي حشيمه وقدر لذلك لازم
أخاطبه واقفا ً . ولاعمري قصدت وانا قاعد ولا اعرف حتى .
س7/ قناة الصحراء انت أحد طاقمها فودنا تعطينا نبذه عنها ؟
ج7/ قناة الصحراء تخدم الموروث الشعبي بنسبة 50% وبالبرامج
الجاده بنسبة 50% والقناه هذي شركه مساهمه سعوديه كويتيه
رئيس مجلس إدارتها الشيخ / مشعل بن خالد بن حثلين وانا المشرف
العام عليها ومشرف على مكتبها في الكويت .
س8/ ننتقل للدواوين الصوتيه ابو بندر وش رايك فيها ؟
ج8/ طبعا انا أول من بديتها ترى ما احد بداها قبلي ولعلمك انا اول من
سجل ديوان شعري واول من حرر صفحه شعبيه واول من اطلق فكرة القنوات
الشعريه الفضائيه واول من اطلق فكرة شاعر المليون كفكره عامه .
س9 / ودنا ناخذ رايك عن مهرجان تمير يابوبندر ؟
ج9/ والله شوف انا لو بأبدي رايي فيه ما جيت انا جيت معناها اني مقتنع
وانا اشوف ان فيه رعايه اعلاميه واتمنى له التوفيق .
س10/ كلمة اخيره يا بو بندر ؟
ج10 / صراحه أشكرك اخوي عزام واشكر الجميع في المهرجان كما أشكر منتديات تمير على هذه المقابلة ممثلة في منتدى همس القوافي
واتمنى لكم التوفيق .

حوار / عزام الخريف
تصوير / حمد البرغش
تنسيق / خالد البرغش

الف شكر للسنافي ونشكر طلال السعيد على حضوره المهرجان وعلى المقابله الراااااااااائع

يعطيك العافيه يامشرفنا الغالي السنافي على مقابلتك الشاعر الكبير / طلال السعيد وشرفنا وجوده معنا في هذا المهرجان العزيز على قلوبنا ولانقول الامشكور يابو عبدالله

مشكوووووووووووووووووووووووووووووووووووووور

يابختكم
عندكم طلال
بصراااحة يوم دخلت علي موضوع التغطية والحفل وشفت اسم الشاعر وحضورة
انصدمت بتواااجدة
ولا بعد ماخذين معة لقاااء
بصراحة انتم متميزون

اقتباس: والغريب في الامر ان المرأه التي طلعت عشانها ما سمعت القصيده .

معليش اخي السنااافي ممكن تنزل لنا هذة القصيدة اللي تكلم عنهاااا
الله يعطيك الف عافية اخوووووي السناااافي علي
نقل اللقاااء لنااا
وتمنياتي للجميع بدوام الصحة والعافيه

تسلم اخوي السنافي وجزاك الله خير على هاللقاء المميز ؛

والشاعر طلال السعيد شاعر كبير و له مكانته بين الشعراء و امتعنا بحوار شيق

تحياتي

ماشاء الله ياخوي السنافي
تميز لأبعد الحدود في إستضافة شاعر بحجم طلال السعيد
والشكر موصول لمخاوي تمير والنادر
وبارك الله في جهودكم النيره

نشكررررررررررررررررر الشاعر الكبير طلال السعيد

على تواجده في مهرجان تمير

ومشكوووووووووووووووووووو اخوي على النقل الرائع

اي موضوع تشاهدون اسم السنافي

فعلموا ان الموضوع كبير وقيم بمثل كاتبه

لله درك ابا عبدالله فقد اجدت في طرح الاسئلة

لكبير الشعراء في الخليج

والكبير لايواجة الا كبار

سلمت لنا وحفظك الله من كل مكروه

ولا خوف على الساحة الشعرية بتواجدك

الف الف شكرررررررررررررررررررررررررررررررر


على هذا الطرح المميز