توك صغيره وابتديتي تحبين

أسعد الله صباحكم ومساكم بكل خير ..

قصيدة أعجبتني ونقلتها لكم .. أتمنى تحوز على الرضى ..

لـ الشاعر / حمد بن سعد المسرع ..

توك صغيره وابتديتي تحبين=من علمك ليل السهر ياصغيره ؟
بدري عليك العشق يابنت هاللحين=حرام هذا القلب وشهو مصيره ؟
انتي بريئه في الهوا ليه تشقين؟=دروبه طوال ٍ عليك وعسيره
رحتي بدرب ٍ ماله اصلا ً عناوين=وانتي مشاويرك من اول قصيره
ياطفلة ٍ حبّت وراحت على وين ؟=عقب الهنا ذقتي الحياه المريره
وينك ووين الحب والشوق والبين ؟=عنّيتي عيونك وصرتي سهيره
امحق تسلّي كان ودك تسلّين=الورد لولا اللون وشهو عبيره ؟ ؟ ؟
خلّيتي دروسك وصرتي تحاتين=الدرس في ديره وصرتي بديره
وصرتي بعد من غير هذا تغارين=والمشكله يابنت منتتي خبيره
نصيحتي لك كان ودك تردين=يم السعاده والحياه المثيره
خلّك بجو العايله لا تعدّين=ماما وبابا والعجوز الضريره
شيبانك اللي ما يبونك تعانين=من بينهم عشتي كأنك اميره
الحب قبلك هز ناس ٍ كثيرين=خلا القلوب تعيش هم ٍ وحيره
والحب يفضح لا انكشف داخل العين=وانتي بنفسك ما هقيتك بصيره
طيعي كلامي واحذري لا تمادين=تراجعي لعل في الأمر خيره
عيشي الطفوله والبراءه لك سنين=وبعدين حبّي لا غديتي كبيره

أخووي الشمالي 0000 مشكوور على هالقصيده الرائعة والنقل المميز ماقصرت ويعطيك الله ألف عافيه

خلّيتي دروسك وصرتـي تحاتيـن
الدرس في ديـره وصرتـي بديـره
وصرتي بعد من غير هـذا تغاريـن
والمشكله يابنـت منتتـي خبيـره
تسسسلم اخوووي في قمة الروعة

يعطيك العافية

شمعه الاحزان شكرآ على مرورك العذب ولك تحياتي

سلمت يمينك اختي شموخ أنثى على مرورك والله يعطيك العافيه

[size=6]انتي بريئه في الهوا ليـه تشقيـن؟
...................دروبـه طـوال ٍ عليـك وعسيـره[/size]

مشكور يا الشمالي على النقل المميز ويعطيك العافييه

الحب قبلـك هـز نـاس ٍ كثيريـن
خلا القلوب تعيـش هـم ٍ وحيـره
والحب يفضح لا انكشف داخل العين
وانتي بنفسك مـا هقيتـك بصيـره

سلمت أناملك يالشمالي,,

صح لسان الشاعر بن مسرع,,,

قصيده رائعه من وجه طيب..

دمت بود..

اسعدني مرورك يأخي المتحد ولك الشكر والتقدير

وانت سالم ياولي العهد ووجهك اطيب شاكر لك مرورك الله يعطيك العافيه

يعطيك العافيه يالشمالي

وصح لسان الشاعر حمد المسرع وعز الله انه صادق

وكلا َ قام يحب هالوقت يالشمالي الله يستر بس ...