|
|
ملتقى الحوار ( الرأي و الرأي الاخر ) لـ موآضيع الحوآر والنقآش الجآد |
آخر 10 مشاركات |
|
أدوات الموضوع |
20 / 08 / 2007, 00 : 05 AM | #1 |
مشرف سابق
|
صفيت الدور علشان اتوظف ولقيت من جاء متاخر وتوظف بدالي ( حرام والله حرام )
السلام عليكم ورحمة الله وبركاته وش اقول وش ابدا به يعني وش اطلع به دام الوضع كذا هذا حال الدنيا الواسطه فوق كل شي هذا حدثة في مدينة تمير وفي احد الدوائر الحكومية وانا على اتم استعداد ذكرها بس علشان الموضوع يبقى بدون حذف ( قلت نتناقش عن القضية مع الاعضاء يمكن يلقون له دواء ) جاء احد الاشخاص وقام يسولفلي علي سالفته هذا الايام مع بـ قصدي مع الدائرة الحكومية يقول اعلنوا التوظيف عندهم وانا قد قدمت ملفي قبل بس قال ابروح بملف احتياط علشان التوظيف ويوم تقدمت للمدير الذي تبع الدائرة الحكومية قال السكرتير انتظر الدور لين يجيك يقول جلست وما شاء الله كل واحد طالع من المكتب معه ورقة التعيين ولا كل واحد ومكتبه انتظرت حوالي 30 دقيقه حتى يسمح لي بالدخول مع العلم انه مافي قدامه احد بس يقولون المدير مشغول شوي وانا جالس مر اثنين من عنده ودخلوا مكتب المدير ( يقول حست نفسي اني عامود كهرب واقف ههه ) ودخل المدير وقلت للسكرتير ليش يدخل قبلي قال هذا يبيه المدير ضروري وعصبت شوي ومسكت اعصابي وبعد قليل طلع الرجال ومعه ورقة التعيين عصبت ودخلت بالقوه على المدير وصار عند المدير ابو ؟ شافني معصب وقال اجلس يوم هديت وقلت انا جاي اتوظف عندكم وعني شهادة فوق الثانوية قال مافيه وظايف قلت انتم معلنين قال خلصة ليش جاي متاخر قلت جاي قبل الكل بس ما دخلتوني قال المدير قبل هذا الايام حنا عندنا ملفات كثيره قلت ملفي عندكم من وقت المدير السابق قال الملفات الي قبل نطلنها قلت طيب وش ذنبي والي دخلوا مو احسن مني شهادة متوسطه وثانويه وانا فوق الثانوي ومع كلامه للمدير ودخل واحد وبرده حرته قال انا معي شهادة دبلوم واحسن من الي وظفتوهم انتم ما تخافون الله حرام الي تسوونه وحنا لنا شهور وسنين مقدمين الملفات المدير خذ ملفه وقال نتصل عليكم بعدين يعني تسمع بها وهذا اخرقصته بعد قراءة القصه انتم وش رايكم ؟؟؟ هل ترضون هذا في ديركم ردي له قلت ادع ربك ويمكن خيرا لانها هذا الدائرة ما يمدحونها ابدا بس الوااااااااسطه لها دورها وفيه عشر وظائف محجوزه حرام عطو الشباب فرصه وهذا بعد متزوج يعني وين يعيش معه بس ربي بيرفعه على قد نيته ولابد يجي يوم يحاسب الشخص على كل شي والحساب يوم الحساب اخواني انا كتبت الموضوع لاجل تواضع هذا الشخص بس هذا حالنا القوي ياكل الضعيف ويجب النظر في هذا المسائل لاننا اهل ديرة وحده |
|
20 / 08 / 2007, 44 : 12 PM | #2 |
تميراوي سوبر
|
والله الرجال هذا بصراحة ماينلام إذا كانت
ردة فعله كذا ، ثانياً هذه الدائره فيها ناس فعلاً انفسهم في طرف خشومهم والدوله اعزها الله تنزل عدد من الوظائف وتوصلهم ويسوون لها فرز وبعدها ينزلون الوظيفه اللي اقل مرتب واقل مميزات وتشوف هالعالم مسابق وملاقط والحظيظ اللي عنده فيتامين (( واو)) مشكور يالغالي وماقصرت على الموضوع وإنشاء الله بيفرج همه ويحصل افضل منها بكثير،،،،، |
|
22 / 08 / 2007, 10 : 09 PM | #3 |
المراقب العام
|
بصراحه يا الجنوبي الشين حارس امن والزكرت في المكتب طبعاً انت تقصد البلديه والبلديه كل العيوب فيها وخويك يمكن ما عنده واسطه والمثل يقول ( اللي ما عنده واسطه مثل النخله الماسطه ) لكن يلقاها عند ربه يوم لا ينفع مل ولا بنون وانشاء الله يلقى وظيفه خير منها |
قَالَ صَلَّى الله عَلَيْهِ وَسَلَّمَ إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ |
23 / 08 / 2007, 30 : 01 PM | #4 |
تميراوي سوبر
|
مشكووووووووووووووووووووووو اخوي الجنوبي
وهذه حال الدنيا الواسطه فوق كل شي ويمكن تصير خيرة لخويك والدور جايك |
|
24 / 08 / 2007, 14 : 01 AM | #5 |
تميراوي نشيط
|
يبي يعوضك الله انشااءالله يالجنوبي وما يضيع حق وراه مطالب
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|