فضيحة مشغل لبنى الرياض ..مهم جداً الدخول وقراءة الموضوع

	-------------------------------------------------------------------------------- بسم الله الرحمن الرحيم -------------------------------------------------------------------------------- فضيحة مشغل لبنى بالرياض السلام عليكم ورحمة الله وبركاته ياشباب انا قريت الموضوع هذا وحبيت انقله لكم إنتبهوا من المشاغل الكبيـره بنات حكاية مشغل لبنى صحيحة ..وربي يشهد ماعليه اي افتراء او غيره ... انا من كم اسبوع شهدت سالفه صديقة صديقتي اللي تورطت معهم في المشغل ومن جد انتبهوا بنات ترى صاحبة المشغل طلعت من كل الاتهامات مثل الشعرة من العجينة حتى تخليوا علية ادله ,,ومع ذلك طلع منها فبليز انشروها لكل وحده معكم خصوصا انه المشغل مره كبير ومعروف ولسه ماتقفل,, ياارب استر علينا وعلى كل نساء المؤمنين هذا ماحدث بالضبط في مشغل لبنى النسائي في الرياض في حي المنار بالقرب من مستشفى اليمامة سأتكلم بالعامية حتى يفهم عليه الجميع و والله الذي لا اله لا هو ان ما اقوله ليس افتراء على المشغل او كذب او مضيعة وقت فوالله ان هذه الورقة التي وصلتك أخي واختي الكريمة استغرقت وقت كثير لكتابتها وجمع احداث اكثر حول هذا الموضوع لتأكيد الأمر والموضوع هو كالتالي: " اختي الكريمة مااعتقد انه فيه امرأة الى الان ماتعرف هذا المشغل الكل يعرف هذا المشغل الكبير اللي يضم مايقارب 70 عاملة من جنسيات متعددة " السورية والمصرية والسعودية والفلبينية والحبشيات والاردنيات والمغربيات .........الخ من الجنسيات اللي دخلت هالبلد وسوت فيه اللي مايتسوى......طبعا مو كلهم بس...!!" انا بنت مدرسة في مدرسة اهلية وفي مرة من المرات كنت جالسة جنب وحدة من اعز صديقاتي انسانة محترمة امينة على السر وخشية تخاف الله في جميع امورها وهذا اللي خلاني اتشرف بمصادقتها واسال الله ان تدوم هذه الصداقة الطيبة المهم صديقتي هذه كانت جالسة وضااااااايق صدرها قلت لها وش فيك ياسارة قالت متضايقة شويه قلت لها عسى ماخلاف قالت والله سمعت سالفة ضيقت صدري قلت ممكن اعرف السالفة ؟؟ واذا فيه احراج لا تقولين لي... قالت لابالعكس لازم تعرفين السالفة "" قالت يوم الخميس زارتني وحدة من جاراتي وكانت مصرة على انها تزورني المهم انها جات جارتي وضاااايق صدرها وقلت في قلبي لتكون متزاعلة مع زوجها !! المهم سألتها قلت وش فيك يافلانة متضايقة وفي فمك حكي قالت جارتي اسمعي هذه سالفة صارت تقريبا قبل اسبوع لناس من جماعتنا قريبين لنا والله انها ضيقت خاطري وحسيت بالقهر وهي ناس من جماعتنا كان عندهم ملكة لوحدة من بناتهم المهم في يوم الملكة في العصر تقريبا راحت البنت اللي ملكتها في نفس اليوم مع امها ووحدة من خواتها لمشغل لبنى النسائي"" أقصد مشغل الدعارة وبيع البنات وبرخييييص بعد"" المهم جات البنت عند الكوفيرا وقالت لها انا اللي حجزت عندك وملكتي اليوم وابيك تصلحين لي الماكياج قالت الكوفيرا تفضلي وراحت الام عند كوفيرا والاخت الثانية عند كوفيرا ثانية كل وحدة عند كوفيرتها الخاصة اللي حجزت عندها من قبل ويوم جات تجلس العروسة حتى تسويها الكوفيرا الماكياج قالت البنت لو سمحتي معليش بروح اتوضا وارجع عشان تسوين الماكياج مرة وحدة قالت الكوفيرا "" ناطرتك"" المهم دخلت البنت دورة المياه وتوضأت ويوم طلعت من الحمام قالت لوحدة حبشية من عاملات المشغل " لو سمحتي فيه منديل "" قالت الحبشية " شوفيه جو هالغرفة دخلت البنت وبكل براءة الغرفة والحقيها يالحبشية وبخت عليها بخاخ منوم وقفلت الغرفة عالبنت ....المهم الكوفيرا اللي بتسوي البنت قاعدة تنتظر وتنتظر يوم ملت راحت سألت أم البنت قالت لو سمحتي وين بنتك ؟ بنتك طلعت من عندي قالت بروح اتوضأ والى هلا ماإجات الام انهبلت وين بنتي وتدور بالمشغل وتسألالحبشيات والعاملات وين بنتي ؟؟ بنتي دخلت المشغل ولا أدري وينها قالت وحدة من الحبوش"" ماندري دوري لها هذا المشغل قدامك "" وتدور الام والاخت عن بنتهم ولا لقوها ويدقون على جوالها ولا ترد يوم دقوا على الاب وعلموه السالفة قام الاب دق عالشرطة والشرطة جابت هيئة وداهموا المشغل وجابوا حريم من الهيئة دخلوا وفتشوا المشغل يوم جو يفتحون وحدة من الغرف لقوها مقفلة طلبوا من العاملات يفتحونها رفضت وحدة منهم قالت لا هذه غرفتي الخاصة ولا احد بيدخلها المهم حاولوا انها تفتحها رفضت يوم كسروا الباب بعد فترة من المحاولات لقوا الغرفة فاااضية وفيها شباك ماعليه شبك ولقوا صور مجلات خليعة وصور ماتنشااااف "" والهيئة بعدها مادري وش سوت!! المهم تقول جارة زميلتي البنت دقت على اهلها بعد ايام وقالت تعالوا خذوني انا قدام معهد نيوهورايزن وبالفعل لقوها مرمية حول المعهد في حال يرثى لهاااا"" طبعا جارة زميلتي تقول "انا صار لي موقف مع المشغل نفسه بس مافهمته الا بعد ماصار اللي صار مع بنت جماعتنا وهو"" اني رحت للمشغل مرة مع بنتي الصغيرة 9.سنوات المهم طلبت كوفيرا تستشور شعربنتي المهم والكوفيرا تستشور بنتي عينها يمين وشمال ولاهي حول الشغل قلت لها لو سمحت خلي عينك عالشغل المهم والكوفيرا مازالت تتلفت يمين وشمال والاسشوار كان زي الزفت المهم قامت الكوفيرا مشطت بنتي بسرعة وغطتها بالشيلة وقالت "" مدام خذي بنتك واطلعي هلا"" واني اقول لها ليش ؟؟ وليش سشوارك كذا مو زين ؟؟ قالت مدام احسن لك خذي بنتك واطلعي"" تقولي كذا وعينها يمين وشمال المهم طلعت ذاك اليوم ولاني دارية ليش سوت كذا ولا عرفت والله الا بعد ماصار اللي صار لبنت جماعتنا...""...هذا دليل على ان جميع العاملات عارفين وش قاعد يصير بس مايقدرون يتكلمون خايفين يخسرون وظايفهم وهذا دليل ان هناك شباب واولاد عائلات الله حسبنا عليهم قاعدين يلعبون بشرف هالبنات البريئات وللعلم ترا خلف المشغل منطقة خااااالية شبه صحراء "" مقطعة"" الله العالم وش قاعد يصير فيها ووالله اني ماكتبت هذه المقالة الا حتى كل اللي كانوا يرتادون هالمشغل يقطعون روحتهم له وترا المشغل اسعاره رخيصة ومعقوله وهذه من ضمن سياستهم حتى يخلون الطيب والبطال يجييهم وهم عاد ينقون الفريسة... رسالتي الى كل من يقرا هذه الورقة ان يوصلها لامه ...لاخته..لزوجته...او لبنته..ورسالتي ايضا ان لا تتوقف هذه الورقة عندك فقط ايها القارئ بل انشرها لكل من تعرف حفاظا على بناتكم...."" نصيحة "" ونصيحة اخرى للاخوات الكريمات انتبهوا من المشاغل الكبيرة انتبهوا انتبهوا والله انها اكبر من يتاجر ببنات المسلمين وخاصة السعوديات فهناك من يحقد علينا حقد دفين والله حسبي عليهم "" فاعلة خيـــــر"" """ لا تنسونا من الدعـــــــــــاء"" اسأل الله ان يحفظ بنات المسلمين وان يرد كيد الاعداء والمجرمين............ .........آآآآآآآآآآآمين منقـــــــــــــــــــول على ذمة الكاتب

عزيزي ابو نواف 11

اسمعو السالفه . قالت صديقتي وحدة من جماعتناا قالت وقالت

حكااوي نسووان .. هذة الإشاعة انتشرت كثيراً في النت

وكانت من فترة ليست بالقصيرة . دعني اقول لك الحقيقه

مع اني لست مع المشاغل النسائية وارفض دخولهاا لأهلي نهاائياً

هنااك تحقيق حدث لهذة الإشاعة من قبل الأمن وهئية الأمر بالموضوع

وحدث ان هذة القصة ملفقه على هذاا المشغل

وقد خرج بيان بذالك . وكاانت الحادثه

ان فتاة ذهبت مع والدتهاا للمشغل . واستغفلت والدتهاا

وخرجت من المشغل وكانت منسقه موعد مع رفيقهاا

وعندماا انتهت والدتهاا بحثت عن ابنتهاا فلم تجدهاا

وقلبت المشغل ثم قامت بإبلااغ الهئية وحدث تحقيق سريع

وعندماا ذهبت للمنزل وبعد لحظات حضرت ابنتهاا

وحدث تحقيق واتضحت الحقيقه لرجال الأمن والهئية وبرئ المشغل

من هذة الحادثة

هذا احقاق للحق فقط . اما بالنسبة لموضوع المشاغل فكماا قلت

لست من المؤيدين لهاا وانصح جميع الأخوة ان يتقو الله في أهاليهم

ولاايذهبو بهم لهذة المشاغل نهاائياَ

واعذرني على هذة المداخله على موضوع ولك مني جزيل الشكر

تحيااتي لك

اخوك واحـــــــــــد من نجــــــــد

أشكرك على هذا التعقيب والمرور وإن كنت أخذت الموضوع من أحد المنتديات فأنا لا أدري عن هذا الموضوع صدقه من كذبه ياواحد من نجد ولك جزيل الشكر والتقدير

و

يـــا بــــــو نـــــــواف

وفقك الله لما يحب ويرضى ولما فيه الخير والصلاح على هذه المشاركة.
والحمد الله على كل حال ونسأل الله أن يحفظنا من العقوبة؟
أخي اسأل الله أن يجعل هذه المشاركة في ميزان أعمالك

مشكور أخوي مرعب النفوس على المرور والتشجيع والتحفيز لنا ودعمنا في مرورك والتصفح لصفحاتي النيرة

يعطيك العافيه ابو نواااااااف على هيك خبريه

لايوجد مجتمع يخلو من هذه العاداااااااات القبيحه ؟؟

وتعقيباً على سالفت المشاااغل ؟؟ من يذكر سالفت مشغل النساء بمدينه الرس في القصيم
كانت بالمشغل وحده مغربيه تقوم بتصوير البنات الى يجونها وتقوم بعرضها على الشباب الي كانت المغربيه تخرج بصحبتهم بمبلغ مالي معين وكانت تقوم كذلك بالمساااااعده لاادراج البنات لهم ؟؟


السالفه قالها لي واحد من مدينه الرس بلسانه والله اعلم ؟؟

وكذلك تم اقفال احد المشاغل بمدينه الرياض بحي العليا لوجود كميره تصوير بالمشغل وضعتها العاملات بالمشغل ؟؟

ونسأل الله ان يكفينا شر من فيه شرً