الإهداءات
 


 
العودة   منتدى مدينة تمير > ملتقيات وسع صدرك > المنتدى الترفيهي
 

المنتدى الترفيهي وتختص بالدردشة والنكت وقصص الفكاهة وسعة الصدر

آخر 10 مشاركات
|| جـمع الأدعــية والأذكـار والآحآديث الصحيحه || (الكاتـب : - آخر مشاركة : - )           »          ●• خزآمىَ الصَحآرى « للشعْر والخَوآطرْ ! (الكاتـب : - آخر مشاركة : - )           »          آخبآر متجدده « من الصحف اليومــيه .. «●】 (الكاتـب : - )           »          اكتشافات طبيه وصحيه حسب نوع طعامك || متجدد.. (الكاتـب : - )           »          هنا كل ما يخص التعليم و مايستجد من تعاميم .. [ وزارة التعليم ] ( عام / ١٤٤٥ هــ ) (الكاتـب : - )           »          ( آلآحوال الجويه وتوقعآت الطقس من الصحف اليوميه ) .. (الكاتـب : - )           »          آعلآنات وظائف الصحف السعودية (الكاتـب : - )           »          ܓ ضعْ [ مقالك ] هنا عزيزي القارئ ܓ (الكاتـب : - )           »          ┓ كآريكآتيـرُ آليوُم" . . / ٳڛترآحة آلقسم ـآلإخبآريَ (الكاتـب : - )           »          [. هآآتوا لي { القرآن } لا ضآآق صدري . ] | متصفح ( متجدد ) من القران الكريم | (الكاتـب : - )

إضافة رد
 
أدوات الموضوع
قديم 16 / 08 / 2007, 04 : 02 AM   #1
تميراوي فضي
Free size


الصورة الرمزية ابوتركيT
ابوتركيT غير متواجد حالياً

بيانات اضافيه [ + ]
 رقم العضوية : 3256
 تاريخ التسجيل :  10 / 07 / 2007
الوظيفة :
الهويات :
عدد الالبومات :
 أخر زيارة : 04 / 10 / 2018 (14 : 01 PM)
 المشاركات : 4,726 [ + ]
 التقييم :  694611390
مزاجي:
افتراضي والله القصه صايره لي((مضحك))



--------------------------------------------------------------------------------

صبحكم الله بالخير .... مساكم الله بالخير
شوفوا الأرخص وخذوا وحده منها

خلوني أشغلكم شوي



المهم أبوي قال لي ترى بتروح تشهد معي في المحكمه بكرة الساعة 9 الصبح قلت أيه أصبح أجل بالليل مادريت إلا وذاك الكف اللي هز دميجتي هز شوي وأفقد الذاكرة
المهم يوم جت الساعه عشر بالليل كنت جالس أنا وسعيدان ورويشد على الرصيف عند البقالة
قلت يالله أنا بروح أنام عندي مشوار مع أبوي بكرة لازم أصحى بدري
المهم رحت يوم دخلت البيت إلا وأشوف أبوي جالس في الملحق يشوف القناة الإيطالية <<< لاتفهمون أبوي غلط
وأجلس معه شوي إلا واشوف هالمزايين تصدقون المزايين اللي عندنا أبل واللي عندهم أوادم
أعنبوا بليسهم رجالهم أزين من حريمهم
لا وبعد يوصل عمر الواحد 60 سنه ما يصلع
وإنا إذا الواحد دخل العشرين سنة طاح شعره وصلع وأتحداك تلقا واحد عنده ظفر مهوب مكسور وأحسان واحد ريحته دخان وإلا تعميره وهذا غير الشهابة
أنا مدري ليه البنات يرضون يتزوجونا

المهم نرجع لمحور موضوعنا <<<<< والله مثقف لإنه أستخدم كلمة محور تدرون أنه بغى يستخدم كلمة راس حربه
سريت لغرفتي أفكر في هالطليان
المهم مادريت إلا وأميمتي تصحيني تقول قم أفطر الساعه 8
أبوك يحتريك <<< ما قالت قم تروش وأنزل أفطر متعودين إحنا قراااااوا

المهم غسلت وجهي ونزلت وأفطرت وطلعت أنا وأبوي عشان أروح أشهد معه
يوم وصلنا للمحكمة إلا وأبوي يشوف أبو رويشد عند باب المحكمة عشان نشهد معه انه شاري أرض في وادي لبن
يوم دخلنا عند القاضي قال بطاقاتكم يوم أخذ البطاقات وناظرها
قال وين متكي ورا النت قلت سم قال بطاقتك منتهيه رح جددها وتعال
ما دريت إلا وذاك الكف اللي يمشي مليون
قال وراك ماعلمتني إن بطاقتك منتهيه
قلت وش يدريني من يوم طلعتها وأنا حاطها في الشنطة أخاف أنها تخرب

على طول جرني أبوي بأذني قال أمش نروح نجدد بطاقتك ونرجع بسرعة
دخلنا الأحوال المدنية وقدمت أوراقي عشان أجدد البطاقة إلا وما دريت إلا وينادون متكي ورا النت .. متكي ورا النت
قلت هاه وش تبي قال تعال مدير الأحوال يبيك ضروري
قلت عسى ما شر وش فيه
أبوي أرتاع قال عسى مانت مسوي شي قلت أنت تعرفني يبه ماقد سويت شي
دخلت أنا وأبوي عند مدير الأحوال قال أنت متكي قلت أية
قال وينك أعنبوا بليسك لنا سنين وأحنا ندورك وينك ضايع فيه ؟؟
قلت في بيتنا قال أبوك يدورك دواره ما خلى خفس إلا ودورك فيه
والتفت على أبوي
قلت هذا أبوي كل يوم أنا مقابل وجهه ولازم أخذ منه كف في الدخلة و الطلعة ما أرتاح إذا ما خذت كف منه

قال أبوي للمدير أنا أبوه وش فيه
قال المدير لا مهوب أنت أبوه الحقيقي قال أبوي وشووووو
قال المدير أبوه الحقيقي السفير الإيطالي السابق زوجته والده في نفس المستشفى ونفس الوقت اللي ولدت زوجتك فيه وتلخبطوا المواليد وأنت ولدك الحقيقي شفه في دار الرعاية رح أستلمه
ومادريت إلا وكف جاني على دميجتي وقال ومخليني أربيك كل هالسنين وأصرف عليك
قلت أحترم نفسك ولا تمد يدك و إلا رفعت عليك قضية
قال المدير أستريحوا شوي
وأروح للحمام وأنتم بكرامة وأجلس أشوف خشتي في المراية وأرفع خشمي بيدي إلا وطار منها خفاشين مضيعه مكانها وأنا أقول ياربيه ليه عيوني زرق وشعري أشقر

ما خذنا نص ساعة إلا والقنصل الإيطالي جاي
ويسلم على المدير ويقوله شكراً لك إنك لقيته <<<< أقروا هالجملة باللغة العربية الفصحى
قال القنصل يالله معي عشان نحجز لك تروح لإيطاليا أبوك يحتريك هناك

سكنوني في فندق عجزت أحفظ أسمه الظاهر إن أسمه (( أنطر تنتنتتل ))
جلست أفكر قلت طيب سراويلي وفناييلي <<< هذا أكبر همه
وأصدقاني سعيدان ورويشد أبخليهم
و بشوف الاعبين على طبيعة
ياسلام من بعد الكبسة والمرقوق والحنيني أباكل معكرونه طويله ومراصيع عليها طماط وجبنه <<< يسمع في البيتزا
وأشوف الدوري الإيطالي على الطبيعة
وإذا وصلت وش أقول لابوي الجديد يبه وإلا بابا أحظنه وإلا ما أحظنه
وأمي الحقيقيه أحبها على راسها وإلا أحبها على خدها مثل ما يسوون الطليان
وإذا أعرست هناك بيجي لي عيال طليان وإلا لا
أخاف ما يجي لي طليان أخاف يجي لي تيوس وخرفان
طيب وشلون أباكل بيدي وإلا بشوكه مثلهم
طيب وإذا ما عرفت أكل بشوكه من يعلمني وشلون أبتكلم معهم وأفهمهم على أي شي أبيه

والله الحالة وش أسوي تعبت من التفكير
ما دريت إلا وباب الغرفة يطق وروح وأقول يس <<< إيطالي وش عليه
إلا وأفتح الباب وأشوف رويشد وسعيدان لابسين ترنقات وزارة المعارف اللي يوزعونها علينا أول في المدرسة

((( برا الموضوع )))
تدرون أول ماكتبت كلمة ((( ترنقات ))) طلع غلط إيملائي كخخخخخخخخخخخخخخ
((( نرجع لموضوعنا )))

دخل رويشد وسعيدان بشناطهم قلت خير وش عندكم لابسين ومتكشخين وجايبين شناطكم
قالوا بنسافر معك نبي ناكل معكرونة طويلة ولحم أستكات مثلك <<< ستيك لتوضيح
قلت أخاف ما يوافقون عليكم ما معكم جوزات
قلت خلاص روحوا الحين لبيوتكم وأبمركم بكرة أبوووك ياتصريف <<< مايبي يفشلونه
قالوا طيب

وتوني نايم إلا وجاء القنصل قال يالله قم موعد الطيارة بعد ثلاث ساعات هذا لبس اللبسة عشان نمشي
وأدخل الحمام وأتروش وأتعطر بعطر الليمون حق المغاسل يازين ريحتة زيناة أنا أشهد أنه عطر رسمي
وألبس اللي عطاني
يوم طلعت إلا ويزعق ذيك الزعقه ذكرني بأبوي التقليد
قلت وش فيك ؟؟؟ قال ليش لابس روب الحمام
قلت وش يدريني لقيته معلق على الباب ولبسته وبعدين مناسب مع الأسود <<<< اااابوك يااالذوق
فصخت الروب وقليبي يفرفر يبيه
رحنا للمطار وركبت الطيارة وإحنا في الجو
قال الطيار أربطوا الأحزمة فيه خلل في المحرك

وأنا اللي صار وجهي أزرق والعالم تصايح ما دريت إلا والطيارة يا أما طالعه و إلا نازله
ما أسمع إلا طاااخ طيخ وأنا متمسك في الكرسي
ما دريت إلا وذا اللي يرفسني برجله يقول قم جعلك القامة تأخرنا على المحكمة
وأنا اللي أطمر أبوووس في أبوي وأقول ياحبني لك يا يبه وأقول الحمد الله أنه حلم
هههههههههههههههههههههههه

وايش رايكم


 
 توقيع : ابوتركيT

الْلَّهِ يَرْحَمَكُمْ طَارِقِ وَسُلْطَانٍ

3-3-1431هِـ
مواضيع : ابوتركيT



رد مع اقتباس
قديم 18 / 08 / 2007, 53 : 08 PM   #2
ضيف تمير


الصورة الرمزية برق الوسيعه
برق الوسيعه غير متواجد حالياً

بيانات اضافيه [ + ]
 رقم العضوية : 3488
 تاريخ التسجيل :  16 / 08 / 2007
الوظيفة :
الهويات :
عدد الالبومات :
 أخر زيارة : 06 / 09 / 2007 (48 : 11 PM)
 المشاركات : 25 [ + ]
 التقييم :  10
افتراضي



مشكووووووووووووووووووووووووووور\\
على الموضوووووووووووووع\\


 
 توقيع : برق الوسيعه

[img]Free size[/img]


رد مع اقتباس
قديم 18 / 08 / 2007, 07 : 09 PM   #3
تميراوي


الصورة الرمزية ! فيراس !
! فيراس ! غير متواجد حالياً

بيانات اضافيه [ + ]
 رقم العضوية : 3053
 تاريخ التسجيل :  10 / 05 / 2007
 العمر : 24
الوظيفة :
الهويات :
عدد الالبومات :
 أخر زيارة : 23 / 09 / 2007 (05 : 04 PM)
 المشاركات : 63 [ + ]
 التقييم :  10
افتراضي



مرووووووووووووووووووووووووق على الآخر
مشكووووووووووووووووووووووور
’’’’’’’’’’’


 
 توقيع : ! فيراس !

Free size


رد مع اقتباس
قديم 19 / 08 / 2007, 14 : 02 PM   #4
مشرف سابق


الصورة الرمزية الساطع 323
الساطع 323 غير متواجد حالياً

بيانات اضافيه [ + ]
 رقم العضوية : 3423
 تاريخ التسجيل :  07 / 08 / 2007
الوظيفة :
الهويات :
عدد الالبومات :
 أخر زيارة : 13 / 05 / 2024 (55 : 10 PM)
 المشاركات : 793 [ + ]
 التقييم :  1092
افتراضي



مشكووووووووور اخوي ابو تركي على الموضوووع ..........................


 
 توقيع : الساطع 323

يمنع وضع اكثر من توقيع


رد مع اقتباس
إضافة رد

مواقع النشر (المفضلة)

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03 : 04 PM.


تصميم وتطوير سفن ستارز لخدمات الاستضافة والتصميم