القصيدة (النادرة) التي لايحب سماعها السدارى وال ابراهيم (القصة حقيقية)

مات طلال الرشيد الى رحمة الله نسال الله لنا وله المغفرة

""" اما القصيدة فقد قيل انها قيلت اثر لقاء تلفزيوني مع الشاعر في قناة ام بي سي

حيث كانت المذيعة تلقب الشاعر (بالامير) في النصف الأول من اللقاء

مما اغضب بن براهبم وبعض السدارى فاتصلوا بالبرنامج وامروا المذيعة بعدم تلقيبه بامير

وتغير الحال في النصف الثاني من البرنامج الى الاستاذ والشاعر وطار اللقب

فما كان من طلال الرشيد الى ان قال القصيدة التالية:



يالصغير ما يكبرني لقب 0000ومايصغرني اليا انكرني صغير

ما خذينا الصيت من جمع الذهب 000ولا نسابة شيخ أو قربة أمير

كاسبينه من هل السيف الحدب 000الجنايز كان ما جاك النذير

صيتهم نجم على راسه لهب 000سمعوا الصقهان به واجهر ضرير

بالوفا تاريخ ابيض ينحسب 000لا حكوا بالحق حيين الضمير

ضيغمي ٍ للسناعيس انتسب 000لابت ٍ طلنا بها عرش ٍكبير

عند حدك يا كثير الهرج تب 000ولا تمر النار وثوبك من حرير

كان لك عز ٍ بذلي فتعقب 000والله إلا تبطي وحبلك قصير

احسب انك من صناديد العرب 000واثري ساترتك عباتك يا غرير

ما حسب لسّوس زراع القصب 000والقراده مادرا عنها البعير

لو حسبنا للحسايف والتعب 000مابذرنا يالعصافير الشعير

عن هلك وبراي لله احتسب 000الرجال اللي مجاراهم عسير

من قريش المصطفى وابو لهب 000والدغالب ما غشت عذب الغدير

للرجال من الرجاجيل العتب 000والزكاة اتحل في حال الفقير

لعن ابو وقتٍ غدينا به حطب 000تحرقه نارٍ.... يثورها أجير

ما ألومك الزمن سوا العجب 000هو بقى غير الكرامه بالجفير

ما أذل والراس يشم اللهب 000لو بقى من شمر ٍ طفل ٍ غرير

ما أهاب ولا يزلزلني غضب 000الشجاعة ورث والعاقل غزير

يا صغيّر ما يكبر باللقب 000غير منهو كان للدونه صغير

مشكوووووووور على القصيدة


ويعطيك ربي الف عافيه

ما شاء الله عليك ايها العاقل الغزير والبطل الكبير ياللي ما يزلزلك الغضبِ

قصيده خطيرره وجميله


اختيار موفق ومشكووور