لعنبو قصة غرام كل ابوها كلمتين ...

قصه غرام كل أبوها كلمتين..
أبتدينا عند أحبك وأنتهيناعند باي..
تونا مابعد مشينا فالهواى خطوتين..
وأنتهى الموضوع كله حتى ماأعرف وش خطاي..
أنتهى الموضوع كذا بكل سهوله تحكمين..
وين أحبك؟وين أريدك؟وين ساكن في حشاي..
يمكن أنك ماوفيتي يوم جيتي تعشقين..
ويمكن أنك تحسبيني بتبعك من دون راي..
ويمكن أصلا ماعشقتي بس كنتي تلعبين..
ويمكن أنك ماوصلتي في هواك لمستواي..
ويمكن أني ماعرفتك فالحقيقه وش تبين..
ويمكن أني خنت نفسي يوم أعطيتك وفاي..
علميني فالهوى ياجاهله وش تعرفين..
تعرفين أنك غديتي شي يجري في دماي..
علميني فالعطاءوالتضحيه وش تفهمين..
حيك عشانك عفت أقرب أقرباي..
كنت أحطك في عيوني تسرحين وتمرحين..
كنت أشيل هموم قلبك وأرمي وراي..
كنت أطير من السعاده يوم أشوفك تضحكين..
كنت ذايب في هواك مثل سكر وسط ماي..
كنت نايم فالعسل وأرسم من الفرحه سنين..
كنت أظنك قلب عاشق ماسكن وسطه سواي..
ماوعيت الا وأنتي في خفوقي تطعنين..
ماوعيت الا وسيفك بالحشا رايح وجاي..
ورده أي والله ورده بس عرفتي تجرحين..
كل شي فيني جريح الا فخامة كبرياي..
ماتأثرت بغيابك وش يعني دمعتين..
بكره أنسى صدقيني وأرجع بكامل قواي..
أدري ان حنا افترقنا بس أبفهم حاجتين..
علميني وش كسبتي؟ وعلميني وش خطاي؟..
أصلا الموضوع كله ماتعدى كلمتين..
ألتقينا عند [أحبك]وأفترقنا عند [بـــاي]
منقووول
.......

كنت أطير من السعاده يوم أشوفك تضحكين..
كنت ذايب في هواك مثل سكر وسط ماي..

أبيات جميلة تستحق الوقوف والتأمل بين جوانبها
وفقتي في النقل والطرح ومزيد من الإبداع ننتظره منكِ أختي شموخ انثى
وبارك الله في جهودك المتميزة

مشكوره اختي الغاليه على هذا الموضوع ويعطيكي الف عافية

اشكرك اخوووي الضامي علي تشريفك لصفحاااتي
لاتحرمني تواجدك الرائع

العفووووووووووو الجنوبي والله يعافيك
لاتحرمني تواجدك

و

يـــا شــــــــمــوخ أنثــى

وفقكِ الله لما يحب ويرضى ولما فيه الخير والصلاح على هذه القصيدة الأكثر من الرائعة والجميلة الله يعطيكِ العافية ولا تبخلي علينا بما جاد الله عليكِ من علم وسعة إطلاع بارك الله فيكِ ونفع الله بكِ وبعلمكِ,
اسأل الله أن يجعلها في ميزان أعمالكِ

الله يسلمك مرعب

اشكرك علي مرورك الرائع

لاتحرمني تواجدك

أدري ان حنا افترقنا بس أبفهم حاجتين..
علميني وش كسبتي؟ وعلميني وش خطاي؟..
أصلا الموضوع كله ماتعدى كلمتين..
ألتقينا عند [أحبك]وأفترقنا عند [بـــاي]



دائما ابداع في النقل ياشموخ انثى ،،،،،،،،،،

يسلمواااااااااا،،،،،،،،،،

الله يسلمك اخوووووووووووووووووووووووي

اسعدني تواجدك العطر