الـجـو حـــرا ً مـــا نـفــع فـيــه تكـيـيـف !!!

يانـاس عـيـت تنطـفـي جـمـرة الصـيـف=مـــن حـرهــا عـيــا يـجـيـنـا الــرقــادي
الـجـو حـــرا ً مـــا نـفــع فـيــه تكـيـيـف=والله شـوانـا الـقـيـظ شـــوي الـجــرادي
لــو الـدراهـم فــي يـديّـه عـلـى الكـيـف=أن كان أصـيـف فـــي ديـــار الـبــرادي
شهرين فـي لنـدن وشهريـن فـي جنيـف=حـتـى ولــو قلـتـوا سـقـيـم(ن) وغـــادي
مـيـر الـبـلا مــن يرتـكـي للمـصـاريـف=وحـنــا فـالاسـهـم معـلـنـيـن الــحــدادي
مـرات تجمـيـع(ن) ومــرات تصـريـف=محـد(ن) عطانـا فيـه عـلـم(ن) وكــادي
وراعـي الدراهـم مـا يحسـب التكالـيـف=أكـــد عـلــى حـجــزه وخـــل الـبــلادي
دايــم يـصـيّـف فـــي ديـــار المـوالـيـف=اهـــل الـمـربـى والـجـبــن والــزبــادي
وانـا مصيفـي فـي سـمـوم وعواصـيـف=غـصـب (ن) علـيّـه مابغـيـت الـقـعـادي
لاضاق صدري رحت روس المشاريف=فـي ليـلـة(ن) قـمـرا بـهـا الـجـو هــادي
أدلــــه الـخـاطــر بـكـثــر التـصـانـيـف=وانـظـم مــن بـيـوت القصـيـد الـجـدادي
وأنحاش عن ناس(ن) خبول(ن) ملاقيف=الـلـي يجمّـعـهـا الـلـحـم فـــي الـبــوادي
كـبــار الـكــروش ملفـقـيـن السـوالـيـف=يالله عــســاهـــم لـلــفــنــا والــنــفـــادي
بعـض العـرب لامـات رحمـه وتخفيـف=وبعـض الـعـرب مـوتـه يـهـز الـفـوادي
أخـاوي الطـيـب ومــن يـكـرم الضـيـف=الـلــي لـيــا ضـاقــت عـلـيـه اعـتـمـادي
واسـج رجلـي فــي خــلا مابـعـد شـيـف=هــذا هـــوى نـفـسـي وغـايــة مـــرادي
فـي تميـر ياجـعـل الـمـزون المـراديـف=يـسـقـي مـطـرهـا كـــل شــبــراً ووادي
في خاطري تسوى هـل جنيـف وجنيـف=وان كــان مــا صيّـفـت مانـيـب غـــادي

عزام الخريف

لاضاق صـدري رحـت روس المشاريـف=فـي ليلـة(ن) قمـرا بهـا الجـو هـادي
أدلــه الخـاطـر بكـثـر التصانـيـف=وانظـم مـن بيـوت القصيـد الـجـدادي
وأنحاش عن ناس(ن) خبـول(ن) ملاقيـف=اللي يجمّعها اللحم في البوادي

مشكور يا السنافي على القصيده الراااااائعه والجو عندنا براااااااد والحمد لله

صح لسانك يبوعبدالله
وبيض الله وجهك
وانشالله الأسهم
ترجع زي اول
واحسن
سلام

فـي تميـر ياجـعـل الـمـزون المـراديـف = يـسـقـي مـطـرهـا كـــل شــبــراً ووادي
في خاطري تسوى هـل جنيـف وجنيـف = وان كــان مــا صيّـفـت مانـيـب غـــادي

صح لسانك يا بو عبدالله

فقد لطفت جونا بهذه القصيدة الجميلة

الله لاتحرمنا من تواجدك ياغالي

مشكووووووور وصح لسانك والله يعافيك


تحياتي...


-*********************-

شكرا اخي السنافي على هالقصيده اللي تمثل حالنا في هالجوو الحااار ..
وحبيت اخربط ببيتين من راسي << سوا فيها شاعر .. بس نلطف الجو ..
يابوعبيد مامعانا مصاريف
ان كان تلقانا مثل الجرادي
متنقلين بين ديار المواليف
نبغي البراد .. بس ربك ارادي

صح لسانك يابوعبدالله
دائماً متميز بعطاءك ووجود أسمك الكبير في ساحة همس القوافي يعطيني كثير من المتعة والإبداع
والله يكفينا شر الحر بس المكيف فيه بركة
وصدقت تمير تسوى جنيف وجنيف

صح لسانك يابوعبدالله
صدقت لــو الـدراهـم فــي يـديّـه عـلــى الـكـيـف

صح لسانك يالسنافي
البراد عندي في الزبداني تعال صيف عندي

صح لسانك وتسلم يمينك علي هـ الابيات الجميله

وان شاء الله نصيف بين انهار وعيون
فيها ملاعين رات ولااذن سمعت ولاخطر علي قلب بشر


قولو امين

ان الله يجمعنا وياكم عنده في الجنه


البرادات والانهار(( والحور)) العين ماهيب حورنا