قـــــصه وقصـــــيده مبــــكيه

قصه وقصيده مبكيه

قصيده يرددها كل من في المستشفى
فهي لسان سيدة وقورة ترقد احد المستشفيات منذ سنوات قصتها مبكية حيل
تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره ورجعت للبيت مسرورة وفرحانه فجأة قالي زوجي كل هالاغراض مو لك هذي لزوجتي الجديدة وانتي الحين طالق ..بعد هالحادثة اصيبت الزوجة بجلطة وغيبوبه جلست في المستشفى ولا احد يزورها غير اخ لها زارها كم مره وبعدين بطل لما طالت المدة ولازالت موجودة في المستشفى والكل يعرفها وحافظ قصائدها وكلماتها ولما تسألها عن قصتها تبكي بحرقه وتردد قصائد توجع القلب لانها ولهانه حيل على اولادها ولا تدري عنهم شيء فالكل هجرها...

وهذي احد قصائدها تقول فيها:


تكفين يا طيور حرار افزعيلي
ابي عن اديار الاهل منك الاخبار

تكفين حومي فوقهم وارجعي لي
والا ان حصل لك حومة داخل الدار

تكفين حول ابيوتهم دوري لي
سبعة فروخ يوم اخليهم صغار

شوفي ضناي وعودي وانكفي لي
وشلونهم يا علهم صارو اكبار

نسيوادفاي ونومهم في شليلي
وش علمهم ياعلهم طول الاعمار

قولي لهم أن امكـم لها عويلي
خمسـة سنين دمعها دوم مدرار

وقولي لهم اني على طول ليلي
انوح وليا قرب الصبح انهــار

وقولي عيونها دايم لها هميلي
تبكي ليا شافت من الناس زوار

كل يوم اقول اغدي حديهم يجي لي
راحت سنين مابهم واحد زار

وانا اللي من سبة سوات الحليلي
حالي تردت كل مالها وتنهار

وفرقى ضناي اللي تردت بحيلي
كني على شوفتهم اصلى على نار

يا ويلي كان الله عجل رحيلي
وانا لي سنين ابي لوهي اخبار

ياعونة الله الله من يبي يتكي لي
جارت علي بامرالولي كل الاقدار

تنكروا من يدخلون الدخيلي
واللي بوسط ديارهم يامن الجار

قولي لهم ياطيور قلبي عليلي
الله يكافي قلوبهم صارت احجار

وانا اللي لبراق الخيال استخيلي
واقول ياعل (......) للامطار

.تكفين وسط ديارهم صوتي لي
شوفي عسى لسمي مع الناس تذكـار

وقولي لمن نسيانهم يستحيلي
يااللي نسيتوها ترى الوقت دوار

ياهيه ياللي بالسما لك هديلي
ردي خبر تكفين يكفيني امرار

شوفي اكااللي نومهم في شليلي
من اذان المغرب الى وقت الاسحار

شوفي اكااللي مااهتني في مقيلي
الا بمقيل معهم كبار و صغار

وقولي لهم ان كان حملي ثقيلي
مره يجون وعقبها شي ما صار

وانا يتـولاني كريم جليلي
يا علني في جنته وسط الابرار...

لا حول ولا قوة ال بالله




الله يستر والله سوالفك تعور القلب

مشكور أخوي زمن على هالقصة والقصيده ،،،
ماأقول إلا إنا لله وإنا إليه راجعون

فعلاً محزنة نسأل الله لها الرحمة
لاحول ولا قوة الا بالله نسأل الله السلامة
لله درك دائماً مميز في كل شيء
شعلة تحترق لتضيء المنتدى
بارك الله فيك وفي جهودك ونفع الله بك وبعلمك
هذا طبعك دائماً أختيارك موفق الله يوفقك دنيا وأخره
لله درك على هذا النشاط والله يحفظك ويرعاك
و
يا زمـــــــــــــــــــن

مــــــــــــــــــــرعب الـنــفـــــــــــــــــوس

مشكور أخوي زمن على هذه القصيده
الرائعة وعلى مشاركتك المميزه

شكرآعلى مروركم وتفاعلكم

ودمتم,,بحب

سلام

قصة وقصيدة تشكر عليها يازمن وعسى ان تكون للموعضة وانا للة وانا الية راجعون

حلوه مره مشكور على هذا يا اخوي زمن ولك مني الف تحية

~~~~~~~~~~~~~~~~~~~~~~~~~~~~~

مشكور اخوي الغالي على الموضوع وما قصرررررررررررت وقصه حلوووووووووه

شكرآعلى مروركم وتفاعلكم



سلام,,,,,,,,,,,,,,,,,,,,,,,,,