يـــــــــابوي**عطني شماغك بلثمه وأحتمي

هذي قصيده اعجبتني وحبيت انقلها لكم،،
واهديها لأعز من في هالدنيا،،
"ابـــوي"


يابــــــوي جعلك للبقــــــا والمكاسيــــــب

عمـــري بدونك يالــذ ّرا ويـــش أبي بــه



يابــــوي تســـأل عن شفـــــاك المراقيب

طلعــــة ســــــواتك للنــــّوايف غريبـــــه



ليــــه المـــــرض مايعرف الزّيـــن والعيب ؟

مــــايدري انك للمخـــــــــاليق هيبـــــه !!



أبســــألك وش بــــه غـــزا وجهك الشيب

والقـــلب لايــــع والنـــــواظر شحيبـــــه



وش بــــك تحــــاتي لانــــوى الموت تغريب

تخشــــى عليــــنا بالليـــّالي الكئيبـــــه



خـــذ دلــّتك واركـــــى على مسند الجيب

وعطنــي شمــــاغك بلثمـــــه وأحتمــي به



ونـــروّح لأرض ٍ بهــــا العشــب والطيب

وتسمــــع كلام ٍ يالغــــلا تحتفـــــي به



يابــوي بنتك لاانحكـــــى بالتــّجاريب

كـــل ٍ يشق لهيبــــه الصـــّيت جيبـــه



يابـــوي مـــاني من ســـوات المخاريب

اللـــّي تجيب لعليــــَة القــوم خيـــــبه



ومــاني من اللــّي لامشت حفــّها الرّيب

أنا مـــن اللــّي مايـــدنـــّس حليبـــــه



مـــرفوع شـــاني عن غــرام المكاتيــب

وأكبـــر من انّني أرتضـــــي بالحبيبه



أنــا غرامـــي لاابتـــــدوا بالــتّراحيب

نفوس الأوادم في وجـــودي رحيبــــه



وان كـــان زينـــــي فتنـــة ٍ للمــصاويب

أحــــط وجهـــي بالحــــريق ولهيبـــه



زينـــي أبيعـــه وأشتــــري سمعه الطّيب

اســــم ٍ ينـــومس بالصـــّروح الذ ّهيــــبه



وان كـــان عندي ( بالحـــلا) شي ٍ اصعيب

عندي جــــدود ٍ مارضــــت بالغليبـــــه



دمــــوع القبايل في لقـــانا مســــاكيب

كــــن المقــــابر لاحضـــرنا قريبــــــه



خضـــّبت لك كفـــّي من العـــز تخضيب

ورفعــــت راسي للنــّجوم الصــّعيبه



واللــــه لأســــدّك بالفــعول المصاليب

واللـــــه لأشيـــلك بالرخـــا والمصيبه



طــــلع المعــالي ماانحكــــم للشــّواريب

بنـــت ٍ وأنـــــاطح فارس القـــوم طيبه



وياشيخـــي إبشــر لوتدور الدّواليـــب

بنتـــك إلا منـــّه عــوى الذّيــب ( ذيبه)

********

وسلامتكم،،

صح السانك يازمن نقل اكثر من رئع وصح لسان الشاعرة على طرح هذة الابيات الجميلة

مهما الانسان يقدم لوالديه لن يوفي بحقهما ابدا ,,

ما اجمل الوفاء والعرفان والبر والاعتراف بالجميل ..

تسلم على القصيدة الروعة

مشاء الله تبارك الله
قمة في الأبداع والتميز يستأهل أبوك
قصيدة بحق وكلمة صدق جميلة في مضمونها وفي ابياتها
تشكر يا أخي الغالي على هذه المشاركة
أخي لله درك على هذا العمل والجهد الغير طبيعي
أسأل الله لنا ولك التوفيق وأن يحفظنا فوق الأرض ويستر علينا يوم العرض الأكبر
و
يا زمــــــــــــــــــن

مــــــــــــــــــــرعب الـنــفـــــــــــــــــوس