طلبات ماتنتهي ....!!!!

طلبات الحريم بترتيب حروف الهجاء * *

الالف :ابي فلوس بروح معزومة على شاى ضحى

الباء : بكرا ابيك تودين لبيت اهلي عندهم عزيمة

التاء : ترى اليوم انا ماني مسويه عشاء روح للمطعم جيب عشاء

الثاء : ثلاث اسابيع ما طلعنا للملاهي يالله ودنا اليوم

الجيم : جيب خدامه تساعدني بشغل البيت.........( والبيت نص شقة ) قهر

الحاء : حبيبى..ودى بساعة شوبارد ,مليت من ساعتى الاوميغا
( شوفواالنفاق..توها تذكرت هالاسم )

الخاء : خل الشله اليوم..انا عازمتك نتعشى بره, بس على حسابك

الدال : دور لنا فله على 3 شوارع وفيها سرداب
(الراتب 2500 ريال من وين ياحسرة)

الذال :ذيك السنة ( قبل 10 سنوات) قلت لك اشتر لنا سيارة فان اوسع وما شريت

الراء : روح قدم على اجازة خلنا نسافر لاوروبا ,,اووف حر

الزاء : زيد مصروف البيت هذا ما يكفي اغراض البيت
(ومعظم البيزات عليها وعلى خرابيطها)

السين : سجاد البيت صار قديم .....غيره يا اخي
(السجاد ما كمل له سنتين)

الشين : شيل ولدك شوفه يصيح هناك,انا تعبت من العيال..

الصاد : صفف الملابس هناك منثرة,مليت وانا القط وراك

الضاد : ضبط اوضاعك..ترى كبرت المسؤولية..(توها والدة)

الطاء : طالع السيارة سكراب تفشل قديمة, نبي شبح

الظاء : الظاهر انك ما تحبنى..ليش ما شريت لى العقد الالماس اللى بغيته!
(حب بالالماس بس)

العين : عيوني..اليوم شفت فستان عند زوجة اخوي يجنن...خاطري بواحد مثله

الغين :غير يا اخي اسلوبك معاي...كله برود..حسسني بحبك شوي

الفاء : فديتك حبيبي وين تبينا نسافر هالصيف؟

القاف : قدر يا اخي شوي...كل شغل البيت على راسي...تكرم وساعدني شوي

الكاف : كفاية ملينا من هالبيت متى راح تسوى لنا بيت اكبر من هذا

اللام : لمتى بنتم محبوسين في هالبيت لا نطلع مثل الخلق ولا غيره

الميم : متى بتوديني لبنان مثل ما وعدتني قبل؟؟؟؟

النون : نبى نحجز شاليه شرم الشيخ طول الصيف ..لا تنسى!

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو : ورني شطارتك رح عند اخوك خذ منه الورث( راعية مشاكل)

الياء : يالله ايدك على 2000 ريال رضاوة..لانك زعلتني وكسرت خاطري


هذه مشاركه اعجبتني ... نقلتها لكم من أحد المنتديات ...
اتمنى من الجميع اللي عنده حرف وطلب يناسه يحطه غير اللي في المشاركه !!!
يمكن فيه طلبات ماسجلت ....

ارجوا من مشرف المنتدى الترفيهي نقل هذه المشاركه الى منتدى عالم المرأة ....
فمكانها المناسب هناك ... !!!

هههههههههههههههه حلوه يا حبيبي

قلب الاسد تسلم يا الغالي على الموضوع وفيه من المصداقية بس حلو

وهذا مكانه االافضل المنتدى الترفيهي الا ان كان رايك اني انقله ابشر وحنا تحت امرك وامر اي عضو في المنتدى الترفيهي


حرف الواو :ودني للعرس وانطق احترني لين الفجر وراي سمره ههههههههههه

أكيد ماراح تقصر أخوي الجنوبي .... واللي تشوفه مناسب سوه ...!!!
انت توك مابعد تزوجت عشان تشوف طلبات الحريم صح ...
عليهن طلبات بعض الاحيان مادري وش تبي ..
شاكر لك مرورك وتعليقك ... !!!

مشكور أخوي قلب الأسد


والله يعينا على الطلبات بعد العرس

اسير الجني ...
لاتشيل هم وانا اخوك ...
اللي ابغاه منك انك تحفظ هالطلبات وان شاء الله كل أمورك متيسره .
بس عشان ماتنصدم ... تبي شوري اذا بغيت تعرس اشرط عليها شرط وهو ...
مافيه طلبات ... واللي اوله شرط آخره نور ... خلك قوي ...!!!
شاكر لك مرورك الجميل ... دمت بخير