لو أن أسمي ( فهد ) .. بالله ماكان أحلا من ( جابر )

سبع ساعـات ... أسولـف وأتكلـم وأستخـف دمـي=وهي تسمعنـي وتضحـك ومبسوطـه ؟ علـى الآخـر
سبع ساعات أعلمهـا عـن أحزانـي وعـن همـي=وأسولف عن حكاية طفـل ؟ كـان وصـار ! هالشاعـر
سبع ساعات .. تتساقط حـروف الصـدق مـن ؟ فمـي=علـى صحـرا مسامعهـا .. سحـاب العشـق متناثـر
سبع ساعات .. وتحلف لـي بـراس العشـق وتسمـي=تقول أنـت الوحيـد اللـي ملكنـي ؟؟ حبـك الساحـر
سبع ساعات .. ونادتنـي !! بأسمـه ! ماهـو بأسمـي=تناديني ؟ ( فهـد ) وأسمـي أنـا يـا للأسـف جابـر
تشنـج .. كـل شـي ٍ كـان حولـي ومسمعـي يدمـي=ركز خنجر ( فهد ) في مسمعـي مـن صوتهـا الخـادر
تخـدر .. فكـري وجسمـي وذاب أبداخلـي عظـمـي=وصرت أسمع صدى صـوت ٍ يـردد غلطـة ؟ الشاطـر
يـردد غلطـة الشاطـر ! بعشـره ؟ واقعـي وحلمـي=وتـرددهـا زوايــا غرفـتـي والـواقـع الـغـادر ؟
كثير أصـوات شقـت جلـدي ! اللـي يحتظـن لحمـي=صـراخ البـاب ! والـدولاب ! والشبـاك والساتـر ؟
وونـات القلـم ؟ والدفـتـر الـلـي يلتـفـت يـمـي=وخايف !!! وش أبي أكتب بوسطـه مـن هنـا لباكـر
وكانت ساكته وصوت النفس من خشمهـا وخشمـي=ربع ساعه وببحت صوت قالت خير وش صايـر ؟
وطرى في بالي عبـدالله وخالـد وأحمـد ونشمـي=ولآخره( وفهد ) .. تسعه وأنا مدموغها ؟؟! العاشر ؟
وقلت أبدن ؟ ماغير الخيـر ولكـن أمسحـي رقمـي=أكيد أنه ( فهد ) .. جالس سبع ساعـات وهـو ناطـر
وقالـت لـي : رجـاءًا ..! أو أقولـك طيـر ياعـمـي=مسوي حضرتـك .. فـي هالزمـان العاشـق الطاهـر
وقالت لي : أقول .. وقلـت أنـا بقـول .. وذا علمـي=عجب للنـاس وش هالنـاس تخطـي وبالخطـا تكابـر
أنـا يابنـت ..؟ بنثـر لـك حياتـي وأجمعـي ولمـي=بعضهـا بنثـره فـي مسمعـك هالحيـن ومـن خاطـر
ترى عمري ؟؟ أنـا تسعـه وعشريـن وكـذا رسمـي=ولكـن عـشـت أيـامـي دبلـهـا مقـبـل وعـابـر
أصيـل وكـل أصيـل ٍ مايـبـي مـدحـي ولاذمــي=وسبـع أنعـام فـي هالنـاس أخـص الحامـد الشاكـر
أنـا جابـر ولـد هايـف وسلـم الطيـب هـو سلمـي=أبـوي اللـي مربينـي علـى الـجـزلات وأتفـاخـر
أنـا راعـي مجاهـيـم ٍ يـشـع بفخـذهـا وسـمـي=وراعي خيل وراعـي بيـر .. وبيـت مبغضـه كافـر
على الرمضا حفت رجلي بأرض ٍ عاشقـه ضمـي=وشمس ٍ تشرق وتوقـف علـى راسـي وأنـا صابـر
عرق وجهـي يصـبّ .. وأمسحـه بشماغـي وكمـي=وألد .. عيونـي عـن نـاس ٍ سرقنـي يمهـا الناظـر
وأنا شاعر ولو أكتـب عجـز كـل فكـر فـي نظمـي=ولانـي بالغـرور .. أحكـي ولكـن واثــق وقــادر
وأنـا رجـال . هـاوي للقمـم .. ويقودنـي عـزمـي=وأبـي أرقـا علـى راس الجبـل وأنتـي مـع الحـادر
عرفتـي ليـه ؟ أنـا طاهـر ؟ لأنـك همـي وغـمـي=ولأن الدنيـا فـي عينـي جـبـل نـرقـاه ونغـامـر
يابنت النـاس شفتـي كيـف ؟ بليـا سـلاح مانرمـي=ولانـوقـف بـوجـه البـنـدق الملـيـان ونخـاطـر
خلقنا الله بشـر بعقـول .. وذا واقـع ؟ وذا ؟ وهمـي=وكـل ٍ يتـبـع مــراده وفيـنـا رابــح وخـاسـر
وقالت لـي فمـان الله .. شعلـت النـار فـي جسمـي=فـمـان الله يالطـاهـر .. ومثـلـك قـلـه ونــادر
ورحـت آخـذ كتـاب الله ؟ وأحلـف بالكتـاب أمــي=لو أن أسمي ( فهد ) .. بالله ماكان أحلا من ( جابر ) .؟

الشاعر / جابر بن هايف العتيبي

ماشاء الله عليك يالاميري ...
بصراحه أختيار في غاية الروعه ... واختيارك يدل على جمال قلمك واسلوبك ...
فواصل ابداعك يامبدع ... فأنت تملك قلما سحريا ... يسلب العقول ياسارق القلوب !!!

علـى الرمـضـا حـفـت رجـلـي بــأرض ٍ عاشـقـه ضـمـي
.....................وشـمـس ٍ تـشـرق وتـوقـف عـلـى راســي وأنــا صـابـر
عــرق وجـهـي يـصـبّ .. وأمسـحـه بشـمـاغـي وكـمــي
....................وألــد .. عيـونـي عــن نــاس ٍ سـرقـنـي يـمـهـا الـنـاظـر

مشكور اخوي الاميري على النقل الرااااااااااااائع ويعطيك ربي الف عافيه

حلوة ورائعة وجميلة وقصيدة فنانة
صح لسانك
أخوي الأميري
بالفعل قصيدة ولا أروع

مشكور أخوي الأميري على النقل الراااااااااااااااااائع



وصح لسانك

أختيار موفق وأكثر من رائع أخوي الأميري
سلمت أناملك يالأميري ودمت بعافية مدى العمر بعد إطالته من الرب لك
ننتظر الجديد القادم منك يامبدع

قلب الاسد لا عدمتك واتمنى ان اكون على قدر اطرائك

دائما ً تشرفني بطلتك الرائعه فلا تحرمني من هذا الشرف فديتك

هلا اخوي المتحد ومشكور لمرورك دام تواصلك

الطيف الازرق صح بدنك نيابه عن شاعرها وسلمت على مرورك

اخوي الاسير هلابك وصح بدنك وشاكر لك مرورك