الخـــــــــــــــــــــــــــــــــا يـــنــه !!!

على الله يالحبيب اللي زرعت الشوك في ممشاي=وانا مسافر على دربـآ طويـل ومالـه نهايـه
انا اللي ماهقيت انك تخيب يالغضـي رجـواي=جزاي اللي لقيته منـك ياللـي حبـك دعايـه
انا اللي بالوفا مديـت لـك يالخاينـه يمنـاي=ولكن خـاب طنـي فيـك يـوم امـد يمنايـه
حسبتك مخلصآ وافي حسبتك رغبتـي ومنـاي=حسافه ليتني ماكنـت احسبـك غايـة منايـه
رهنت القلب في يدينك وجيتك كلي من اقصـاي=وكنت انت الوحيد اللي سكنت القلـب برضايـه
على شانك تركت اللي يقول انك تبـي فرقـاي=ولكنـه صـدق ماقـال وهـذا يـوم فرقايـه
انا بسري ولا ودي اشوفك حتى فـي مسـراي=فمـان الله دور واحـدآ غيـري لـك هوايـه
مشيت الدرب كله لين تعبت فالطريـق خطـاي=ياليتـي مامشيتـك ياطريـق الحـب بخطايـه
ابا اصبر ياعسى ربي يصبرنـي علـى بلـواي=لاْنـي مومـن بالله رضيـت بحكـم مـولايـه

عزام الخريف

عزام الخريف (( السنافي))
تسلم على القصيده الرائعه ...
وعلمني بس من اللي خانك عشان اتفاهم معه ...!!!!
سؤالي لك يالسنافي ...
مارأيك فيمن هو متزوج ويكتب شعرا في الغزل ... في غير زوجته !!!
بماذا تسميه ... هل هو خائن .. ام ماذا ...!!!

صح لسانك يا السنافي ( عزام الخريف ) على القصيدة الرااااااااااااااائعة

ومن قال سالم ياقلب الاسد

وما أنتب مقصر يالغالي ...

وبالنسبه لسؤالك فهو ينقسم الى قسمين :
الاول : خيالي وهو من وحي الخيال وليس للواقع

دور في ذلك فهذه أتوقع ليس فيها خيانه ....( وانا واحد منهم 100% )

والثاني : واقعي وهو من الواقع يعني حقيقه

وهذه خيانه مثلها مثل من يكلم أمرأه أخرى وهو متزوج أما عن طريق الجوال أو الشات أو

الما سنجر وغيره ,,, أتمنى أن أكون أجبتك إجابه وافيه ويا مرحبا ,,,,,

صح بدنك يا أسير الجن

وأشكرك على المرور والمشاركه ...

صح لسانك يا ولد العم
ونبي من هالقصيد الرائع مثل روعتك
وما قصررررررررت يالغالي

شكراً لك أخي الغالي السنافي وصح لسانك ولا فض فوك

صح بدنك يابو أثير

وابشر باللي تبي أنت تامر بس

صح بدنك ياالطيف الازرق

والعفو ما سوينا شي

صح لسانك اخووي عزام ... وإن شاء الله كل يوم تطل علينا بقصيدة من ابداعك المعهود
قصيدة رائعة ..

وفقك الله

اعجبني البيت
انـا بسـري ولا ودي اشوفـك حتـى فـي مـسـراي
..........................فـمــان الله دور واحـــدآ غـيــري لــــك هــوايــه