غلطانه اللـي تعشـق اليـوم رجـال

11 / 04 / 2007, 20 : 08 AM

اليوم لك ثانـي مـع راحـة البـال
وانا بعـد همـي لـه اليـوم ثانـي
اليـوم تاركنـي اناظـر بالاطـلال
صورة,, رساله ,,حلم ,,جرح واماني
ليلـي قضيتـه بيـن هـمٍ وغربـال
واقول فـي نفسـي حبيبـي نسانـي
غنيت انا عقبك من الضيـق مـوال
يومـك تسمـع للطـرب والاغانـي
لي دمعةٍ من فوق الاوجـان تختـال
يومـك تلاعـب مترفـات المبانـي
وبي عبرة منهـا المخاليـق تهتـال
ياعبرتـي لاتفضحينـي عشـانـي
ياعبرتي خلي لـك الصـدر منـزال
لاهوب بـك داري ولاهـوب عانـي
مشغول له في ترفـة حالهـا حـال
ماهوب فاضـي لعبرتـي او جنانـي
في يوم واحـد نستـه كـل الامـال
وش عاد لو يدري بشـوق غشانـي
ماهوب مثل اول هـذاك الغـلا زال
عـزاه كيـف الـود زال بثـوانـي
اربع سنينٍ طـوال ياكيـف تنـزال
وتحط فـي قلبـك هنـوف مكانـي
ماكنت اظنك تجحـد الـود لا طـال
اثرك على طريـف وتبينـي اعانـي
قد قالـوا ان البعـد والصـد قتـال
وانـا اشهـد انـه علـة بالمحانـي
يومي اشوفك لابـس بشـت وعقـال
والشـارب الاسـود وزول سبانـي
وعروستك من الحيا ترخـي الشـال
وترسل لها بسمـه تزيـد امتحانـي
دمعي بلا علمي على وجنتـي سـال
اشتقت لـك ليتـك تحـس بحنانـي
ليتك تشوف الحـال يامتلـف الحـال
بس التفت لـي شـوف شالله بلانـي
نصيتها تضحـك لهـا لاهـيٍ سـال
واقـول ياليتـه حبيبـي نصـانـي
الله يادنيـا التعـاسـه والاهــوال
الله يستر وش يخبـي لـي زمانـي
غلطانه اللي تعشـق اليـوم رجـال
مهمـا حلـف بالـود يبقـى انانـي
وقلب الرجل مابه من الحـب مثقـال
والبنـت ترفـه قلبـهـا مايـدانـي
حاولت اعبر والقلم فـي يـدي مـال
من هول مابـي انعقـد بـي لسانـي