قصيده لبنت تزوج زوجها عليها...!!

هذي قصيدة لوحدة الظاهر اسمها منيرة بعد ماتزوج عليها حبيبها
لكن القصيدة حلوة وعجبتني وحبيت تقرونها
اخليكم مع القصيدة
جاني الخبر يا صاحبي وأظلم الكون =
قدام عـيني ثم نطقت الشهاده
عـلى العـموم أقولها ألفين مليون =
مبروك من قلب شكالك ابعـاده
مبروك ولا يهمك سواليف وظنون =
من عـاشق يهديك فرحة فؤاده
سو الفرح اليوم واٍبليس ملعـون =
واٍللي يشب النار يجني رماده
أنا أول العـالم عـلى الصاله يلفون =
وأول معـازيم الفرح والحداده
أبشر أبرقص عـلى العـرس بالهون =
وكلن يعـبر فرحته بجتهاده
لو البلا برقصي يقولون مزيون =
المشكله بلقبن راح يفضح وداده
يوم العـذارى في دخولك يغـنون =
وعـروستك بأحلى ثواني السعـاده
كنت أتمنى بدالها والله أكون =
وأحط أنا كفي تحت راسك وساده
وشلون أبكتم صرختي يوم تمشون =
تكفى خذني للعـروسه قلاده
حتى معـازيم الفرح قاموا يمشون =
وأصبحت أنا وحدي بدون استفاده
وطفوا علي النور من غـير يدرون =
قصر الفرح يا قبر ( منيره ) ومهاده
وصيتي لو جاك بنت وأنا عـليك أمون =
تكفي سمها ( منيره ) قبل الولاده__________________

لو البلا برقصي يقولون مزيون =
المشكله بلقبن راح يفضح وداده
يوم العـذارى في دخولك يغـنون =
وعـروستك بأحلى ثواني السعـاده



مشكور الله يعافيك


صح لسان صاحب القصيدة

قصيده معبره ومؤلمه ان شاءالله ماأحد يمر بهالموقف


مع خالص شكري

مشكوووووور اخي على القصيدة وصح لسان قايلها

قصر الفرح يا قبر ( منيره ) ومهاده
وصيتي لو جاك بنت وأنا عـليك أمون =
تكفي سمها ( منيره ) قبل الولاده

الله الله على الكلمات من قلب بنت ...

اتوقع اني سمعت مثل هذي القصيدة او هي في شريط اسمة .. كاش ..
للي يدور مثل هذي القصائد

تحياتي لك

مسكينة هذه الزوجة وكل شخص يعبر على ما يجول في خاطرررره

لله درك على هذه المشاركة ولأبيات الجميلة وبحق الكلمة سجل ما تلام البنيةيا جــــــلاب المصـــــــــايــــــــب

مــــــــــــــــــــرعب الـنــفـــــــــــــــــوس