اللي تابعوا شاعر المليون من الأخوة الأعضاء يجون هنا.....

السلام عليكم ورحمة الله وبركاته
اخواني الأعضاء
طبعا كثيرين استمتعوا ببرنامج شاعر المليون اللي انتهى قبل ايام
وانا شاهدت كغيري من الملايين محبي الشعر هذا البرنامج
اللي عن طريقة عرفنا بشعراء لم نسمع عنهم من قبل...
لن اطيل....
في احد الحلقات شاهدت قصيدة رائعة جدا لشاعر مبدع مهضوم إعلاميا
واعجبتني بصراحة ولكن المفاجأة اني اكتشفت اني احفظ بعض ابياتها ...........
من متى احفظها ووين اطلعت عليها وكيف ؟؟؟؟؟؟ كلها اسئلة حيرتني واشغلتني جدا......
المهم بعد طويل تفكير وعناء بحثت في مصادري الشعرية(القليلة) من كتب وغيرها من الاوراق اللي احتفظ بها عندي ولكن لم اجد لها اثر ولم اجد للشاعر اي قصيدة ولم اكن قد سمعت به اصلا قبل تلك الحلقة من البرنامج
قلت مالي إلا المنتديات اللي دائما اجد فيها روائع القصائد واتجهت لكذا منتدى ولم اجدها إلا في منتدى تمير اللي بصراجه له الفضل بعد الله في إيصال روائع المبدعين لنا ولأعضاءه كل الشكر على مابذلوه......
المهم القصيدة لقيتها في المنتدى هنا والعضو اللي شارك بها ذكر انه لايعرف شاعرها
انا الآن أبيكم تشغلون الذاكرة انتم ياللي تابعتوا البرنامج وخصوصا اللي كتبوا تعليقات على مشاركة اخونا العضو الله يذكره بالخير ويذكركم بالخير
وإن ما عرفتوا فأ بأقولكم بعد شهر اوشهرين وعلى المحبة نلتقي

للأسف
جميع الزيارات
لم ينجح احد......

أوبالأصح شكل الموضوع ما يستاهل الطرح.......اعتقد هذا لسان حال الكثيرين اللي زاروا الموضوع
عموما لن أطيل
وارجو من الأخوة البحث هنا عن (قصيدة غير) هذا هو عنوان القصيدة اللي اقصدها وعلى المحبة نلتقي ......

هذي قصيدة بعد بحثي في قوقل نقلتها من أحد المنتديات....ولا أدري هل هي المقصودة أم لا...
وهي قصيدة للشاعر: براك الزيادي موجهة للشاعر عبدالله العصيمي وهذا إقتباس للموضوع كامل

اقتباس: العنوان: ..قصيده غير .....موجهه لشاعر عبدالله العصيمي.. صباح الخير قصيده اللي يعينكم علي فيهااا.... موجهه للشاعر عبدالله العصيمي ابيع واشري مـع رجـالٍ مناعيـر تقول من هـم ؟ مبعديـن الهقـاوي اما مـع العتبـان ولا مـع امطيـر ولا الطنايـا محتميـن الـدعـاوي وكل القبايـل كلهـم فيهـم الخيـر الطيـب مقسـومٍ عليهـم تسـاوي لكن طار الطيـر وش طيـر الطيـر وخاو النجوم وصار نجـمٍ سمـاوي ونفحة عطر ماهي بنفحة هل الكيـر وشرب القزازه ضد شرب القهـاوي واللي مشى فالسير ما يعكس السير واللي عكس سيره تجيـه البـلاوي وراع الدلال الصفـر راع المغاتيـر ما يّمـرح ابجـوٍ ترومـه شـواوي وجتكم مزونٍ من جهتنـا شخاتيـر فيها بّرد مايدفـي بشـتٍ حسـاوي وانتـه تكيـل وعـارفٍ للمعاييـر يومن غيـرك يالعصيمـي عمـاوي جيتك وانا ودي من النـاس تبريـر ارهقت نفسي من كثيـر الحـراوي يا ما سمعنـا مـن كـلام وتعابيـر كلامٍ احسـن مـن كـلام الهـواوي لكن بلانـا مـن هبـوب المعاصيـر وكلٍ يقـول انـه بخيـت العطـاوي (ألم ترا مـاذا فعـل سالـم الزيـر) الخـرب دايـم صـيـدةٍ للـنـداوي (قد أرمي دلوي من على فوهة البير) ذيبٍ عـوا ومجاوبـه ذيـب عـاوي (أني وأنـي بيـن قـومٍ مشاهيـر) هـذي مناتـي كانهـا بالمـنـاوي (خيراً من أسهام الحكي مني تقصير) واناالجريح اليـوم وانـت المـداوي (لربما هـذي قصيـده تكُـن غيـر) ويمكن سببها يالعصيمي مضـاوي؟؟ . . .

أتمنى أن أكون قد وفقت في الإجابة على استفسارك..
دمت بخير

رفيع المقام

اخوي رفيع المقام
رفع الله مقامك ومقامنا في الدنيا والآخرة
اشكر لك اهتمامك وحرصك
واود ان اوضح لك ان القصيدة التي اعنيها (قصيدة غير)موجودة هنا في منتدى تمير
في الصفحات الاولى الآن....
وهي قصيدة الشاعر علي الريض التي شارك بها في مسابقة شاعر المليون واعتبرها اروع من رائعة لما تحمله من معان.......
وقد نشرها اخونا واحد نت حفظه الله هنا فبل شاعر المليون ولكنه لم يذكر اسم شاعرها لعدم معرفته بأسمه وقد استفسرت من العضو واحد نت وذكر انها سبق وان نشرت في جريدة الرياض ويعتقد واحد نت انها نشرت بأسم مستعار ولكنه ليس متأكد من ذلك .....
وما أردت توضيحه للأخوة الأعضاء(رغم عدم التفاعل) هو ان هذا المنتدى اصبح مصدر ومرجع لمحبي الشعر.......هذا ما رغبت في توضيحه
شكرا لك مرة ثانية على حرصك
وعلى المحبة نلتقي........