يا اهل الجود..........الجمتموني بالكرم

بصراحة لا ادري ما اقول يا اهل تمير
فقد سبقت افعالكم اقوالكم ............ففي يوم امس وبعد وصولي الى مطار الرياض كبر في رأسي زيارة مدينة تمير
فنفظت غبار ثوبي لاتصل على احد الزملاء ليعيرني سيارتة المهلهلة
بعدها رحت اسأل يمنه ويسرة الى ان دلني احد الاشخاص على طريق تمير وقال لي بكل لطف ( اسمع يا خوي امسك ذي الجاده الين يجيك مخرج احدعش ادخل يمين )
فتوجهت انا وخردتي (احم) اقصد سيارتي اى تمير العزيزه
وما ان وصلت حتى استقبلني نورها الذهبي الذي انبثق مناوبا عن نور الشمس التي اوشكت على المغيب
سميت الله ودخلت المدينه
وما ان دخلت حتى استقبلني اثنين من ( الهايلوكسات)
الظاهر انكم تحبون الهلٌي يا اهل تمير
المهم ...............نزل احدهم مترجلا من سيارته وقال لي
حي الله الدخل .........امر يالخو
قلت: لا انا بس,,, لا انا الظاهر,,, لا قصدي
قال علامك يا رجل .....امر وش فيك ....قلت يا اخي انا ادور المستشفى وينه ؟
قال : ايييييييييه خلك وراي يالذيب
وبدون اي اعتراض مني ركبت سيارتي ال(احم) وركب هو (الهلًي) بتاعة
و ( ووررررررررر) الين وصلنا المستشفى
وفي الطريق لاحظت ان المدينه صغيرة نسبيا , هادئة ,
المهم 000نزل خوينا وقال : سلامات اخوي عسى ماشر , وش عندك بالمستشفى .
قلت : لا ابد بس عندي توجيه , يعني باتوظف هنا
وما امداني اخلص كلامي لين طب الرجال بحلقي
قال شف , نسلم ورقتك وحرام ما تروح لين نمقلط ونتقوهوا ,
قلت لا يابن الحلال .......قال قلتلك والله ما تروح
وايضا من غير اي اعتراض لحقت الرجال وقلطني جزاه الله خير ومن قهوه لشاهي الين طرح العشا
وبصراحة ما فكني لين اخذ رقم جوالي وقال كل امورك خلها على وانا ولد الحميدي
المهم ومالكم بالطويله
وانا راجع قلت في نفسي ........وعسى ان تكرهوا شيئا وهو خير لكم
اذا كان هذا شاب واحد سوا معي كذا اجل بقية الشباب وش راح يسوون
اجل الشيبان كيف وكيف
لكن لم اسمح لبنات افكاري للانطلاق اكثر
فقد لزمت الصمت وانا في طريق العوده للعاصمة
ولم يكن صمتي الا لسبب واحد
وهو اني الجمت
بلجام من كرم.....................كرم اهل تمير

شكرا أخانا الصيدلاني على هذه المشاعرالطيبة تجاه أهل تمير هذامن ذوقك وحسن ظنك


وأبشر بمايسرك منهم إن شاء الله ومارأيته منهم إنما هو سجية متأصلة فيهم وطبع ثابت والحمدلله


وأذكرأن أحد الدعاة المشهورين دخل تميرلأول مرة وقابل أول من قابل أحد أبناء تميرالأوفياءوكان


ممن يحلو للبعض تسميتهم بالعرابجة مع تحفظي على هذه التسميه فرحب التميري بالشيخ


وطلب منه الشيخ أن يدله على بيت أحد الفضلاء ممن أتى الشيخ لزيارته فقال:الأخ سأدلك على


بيته ولكن بعد أن تشرفني في المنزل وأقوم بواجب الضيافة فأكبرمنه الشيخ صنيعه واعتذرله


وقال لمن معه متعجبا:إذاكان هذاحال شبابهم من هذه النوعية فكيف بحال غيرهم ؟!!


عموما حياك الله أخانا الصيدلاني في تمير الكرم والجود والعطاء .

انا ماني من تمير بس لي صديقات فيها بس والله يافيهم طيبه اهل تمير ...طيبه غير طبيعيه

وايضا فيهم التزام واحترام وكرم ولا هيب غريبه عليهم


اللهم ادم علينا نعمة الامان



ودمتم

.