بعض النصائح قبل شراء السلاح

السلام عليكم ورحمة الله وبركاته ..
مسهم بالخير ،
موضوعي اليوم هو عباره عن مجموعة نصائح قبل شراء السلاح المستعمل ، ويمكن تلخيصها في النقاط التاليه :
1/ هز السلاح ، اذا طلع فيه اصوات فخله لراعيه ، لكن لاحظ انه بعض الساعات يكون الصوت من مسمار مرتخي او شي ، لكن انا قصدي هنا ماهو المسمار المرتخي قصدي الأجزاء الي اهم من المسمار .
2/ تفحص السبطانه وتأكد من اهنا تخلو من الصدأ ، ملاحظه ( الصدأ مسأله بسيطه يعني لاتدقق فيها لانه الصدأ سببه اهمال التنظيف )
3/ تفحص السبطانه من الداخل وتأكد انها خاليه من الانعواجات ، ترى العوج مايعرفه الا واحد له خبره بالسلاح ، فلذلك انا عندي طريقه يمكن تنفع ، وهي انك تثبت سبطانة البندق بمكان ثابت ويكون مظلم وتحط بالسبطانه كشاف وتشوف النور وين رايح اذا هو بخط مستقيم فكذا السبطانه تمام ـ اذا هو رايح يمين او يسار او تحت او فوق فالسبطانه يبيلها تعديل .
4/ تفحص المكينه وتأكد انها أصليه ، لانه بعض الناس عديمين الذمه والضمير يشترون ختم الشركات ويلزقونه على البندق وبكذا يرتفع سعر البندق اضعاف ، وتأكد ايضا انها نظيفه وخاليه من الخرابات ـ
5/ تفحص المخزن ( اذا كان السلاح ام خمس ) ، وتأكد انه يسع لأربع فشقات بالاضافه الى الخامسه ببيت النار ، (وفيه بعض الأسلحه تشيل أكثر من خمس ، وفيه بعضها تشيل أقل من خمس )
6/ عب المخزن كامل مع بيت النار واسحب القير بسرعه يعني لقم البندق ورى بعض جرب هل هي تنفض جميع الفشق والا لا عشان تتأكد من ان الناتوش يعمل بشكل صحيح .
اما اذا كان السلاح ام وحده ام ام بطنين فدخل الرصاص وبعدين عشق البندق وبعدين اكسرها مره ثانيه وشوف هل هي تنتش الفشق ( يعني تطلعه ) والا لا .
7/ تأكد من تأمين البندق انه شغال مع ان الأمن الله سبحانه وتعالى لكن الاحتياط وااجب .
8/ تأكد من وجود قطع الغيار قبل شراء السلاح .
9/ هذي اهم شي / تأكد من ان البندق خاليه من الدهانات ، فبعض الناس الله يهاديهم يكسر البندق واذا جا يبيعها راح صبغها وقال جديده ابد ماعليها ، لانه صبغ البندق يخفي عيوب واجد ،
10/ تفحص الخشاب وتأكد انه يكون خالي من الكسر او الشعر . او الخدوش العميقه
11/ اخيرا تجربة السلاح ، وهي المهمه ـ فالتجربه خير برهان .

منقول

أشكرك أخوي الرحال على النصائح

وعلى النقل المميز

*------------*

مشكور اخوي الرحااااااااااااااال على المعلومات القيمه والمفيده
..................................

ياهلا بأخوي العزيز فتى تمير

نورت الموضوع

أخوي الغالي المتحد تشرفت بمرورك العطر


دمتم بخير وفي أتم صحة وعافية

مشكوووووووور اخوي الرحال الله يعافيك


**************

يا أخي الغالي(( الـــرحـــــــــــــال999 ))

خل عنكخبير سلاح ابعلم عليك أكيد أنك عندك أسلحه أعترف فبل كل شيء والا وش دراك.............
لك الشكر مكرر الف الف الف الف شكر على هذا الموضوع المفيد جزيت الف خير وعافاك

بوركت وبارك الله عليك وجعل الله عملك خالص لوجهه وفي ميزان أعمالك

هذه تحية لك من قلب أخ محب صادق تحية إجــــــــــلال وتقدير وعرفان بالجميل

دمت لنا سنداً ودعماً ودامت توجيهاتك واستمرت جهودك الجبارة والمميزة.
منك أنت وبك نستمد العلم والفائدة حفظك الله ورعاك لنا ذخراً

لك ارق واعذب تحية من اخيك في الله....................مرعب النفوس

ياهلا بأخوي مهند 2000

تشرفت بمرورك العطر

اخوي مرعب النفوس

الموضوع منقول يعني ماكو اسلحة ههههههههههه

نورت الموضوع بردك العطر

دمتم بخير وفي اتم صحة وعافية

مشكور اخوي الغالي على هذا الموضوع ويعطيك الف عافية

تسلم اخوي الجنوبي على المرور


دمت بخير وفي اتم صحةوعافية

معلومات جيدة الله يبارك فيك .............................