اهل الأحساء

والله ونعم فيكم يا اهل الأحساء



ايـش عليكم .. يا الحســــــــاويه..
يا مهندسين .... أو مدرسين.. او رتب في .. العسكريه ..
والسيارات ... تموتون .. في الكابرس..
بشرط .. بيضه من بره .. ومن .. داخل .. عنابيه ..
ايش عليكم .. يا الحســـــــــاويه ..

عندكم ... عين ام سبعه.. عندكم ... عين الجوهريه ..
عندكم .. جبل قاره .. مع .. سوق .. القيصريه ..
وكلامكم .. تمطونه .. مط ..
صاير مميز .. وله .. نغمه ... موسيقيه ..
ايش عليكم .. يا الحســــــــاويه ..

في .. اعراسكم .. تحبون ... العنيه ..
البنت مهرها .. اربعين ... والثيب.... بعشرين.. وشويه ..
وعمتك ... وعساها .. ما حبتك...
واجب ... تحب راسها ... وقت .. الصباحيه ..
ايش عليكم .. يا الحســــــــاويه ..

حريمكم .. اما .. معلمه .. أو .. جامعيه ..
توفر .. لك .. القرش .. تحطهم .. في .... جمعيه..
وتعينك .. يشهد الله .... ما هي .. رديه ..
ايش عليكم .. يا الحســــــــاويه ..

فيكم .. صفات الطيب .. و ناساً اجتماعيه ..
فيكم... كريم النفس.. و فيكم .. قوي .. الشخصيه ..
وصدقوني .. لو ادور .. كل السعوديه ..
ما راح .. القى مثلكم .. يالحساويه ..
ايش عليكم .. يا الحســــــــاويه


كيف تعرف الحساوي


-1 اذا صلى الفرض وانتهى من صلاته... وانتهى من التسبيح التفت على اللى في يمينه وسلم عليهم والتفت على اللى في شماله وسلم عليهم

-2 اذا شافك وقابلك في الطريق سلم عليك سواء كان يعرفك او ما يعرفك

-3 اذا جاورته ما لقيت من وراه اذيه , يعني ارقد وآمن

-4 تلاقيه بسيط , طبيعي , سموح , وسيع صدر , وعلى نياته

-5اذا طق عليك الباب عطاك سله فيها ارطب خلاص او غر واذا جى وقت الصرام ما نساك من التمر الزين

-6تلاقيه غارس في بيته فسيله وتشوفه مهتم فيها بنفسه

-7 تلاقي عنده سيارتين , الاولى كابرس يروح عليها الشغل , والثانيه سوبر حق طريق مكه

-8 تلاقي طموح ابناءه اذا تخرجوا من الجامعه انهم اما يصيرون مدرسين في الحكومه او مهندسين في شركة ارامكوا , وازيدك من الشعر بيت .. كل واحد منهم يبي يتزوج مدرسه ويسكن في شقه لحاله

-9 اجتماعي من الطراز الاول , يعني ما تمل من سوالفه

-10 يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان حقود يعنى شاذ عن القاعده

-11 اذا شاف شي غريب اول مره يشوفه او يسمع فيه .. قال .. الله شذ ذا ..

-12 اذا قلت له... على كيفك... رد عليك وقال... ما يحصل

-13اذا جاء شهر رمضان طق عليك الباب وعطاك صحن هريس من طبخ ام عياله وتلاقيها متنغصته حق زوجتك

-14 اذا طلع تقاعد... تلاقي طموحه عماره في الخبر او الدمام... ومزرعه في الحسا فيها بركه سباحه .. وتنور حق المندي

-15 يخاف من العين .. علشان كذا تلاقيه يقول لك .. قول ما شاء الله

-16 اذا كان ساكن في الدمام , الخبر , الظهران , الجبيل او اي مدينه اخرى , وجا ء يوم الاربعاء حرك ونزل الحسا , و فوق كذا يحب يقضي العيد يم اهله وجماعته هناك..

-17 ما ينساك في العزايم والمناسبات , يعرف الاصول وكريم

-18 اذا شميت ريحة المشموم " الريحان " في بيتك اعرف ان زوجته كانت تزور زوجتك

-19 يستانس وينبسط الى من شاف له ناس من اهل الأحساء..

-20 إذا فصخ شماغه او غترته و صار حاسرن راسه تلقاه مقفل او مصكر القلاب




والله الموفق

يا أخي الغالي ((راس غـــــليــــص))

علوم مرجله اللهم لا حســــــــــــد اللهم أكفنا شر من فيه شر يالله من فظلك على هذه الالخصال الحميده..
أخي الغالي لك الشكر مكرر الف الف الف الف شكر على هذا التميز وعلى أستمرارك بهذا العطاء.
بارك الله فيك أخي وسدد خطاك وجعل ما قمت به في ميزان أعمالك
وهذه تحية لك من قلب أخ محب صادق تحية إجــــــــــلال وتقدير وعرفان بالجميل

دمت لنا سنداً ودعماً ودامت توجيهاتك واستمرت جهودك الجبارة والمميزة.
منك أنت وبك نستمد العلم والفائدة حفظك الله ورعاك لنا ذخراً

لك ارق واعذب تحية من اخيك في الله...........مرعب النفوس

أعظم نااااااااس أهل الاحساء

انا احبهم احس انهم منبع الطيبه

و بعد اهل الشرقيه الاصلين كلهم طيب وفاء

عقبال اهل الرياض بس ماهقيت طاغي عليهم الكبر والغطرسه والجار مايعرف الجار ولو يشوف بيت جاره ينسرق مايجيب خبره على باله ينقل عفشه ...

على العموم


الله يعطيك الف عافيه على الموضوع

اخواني الاعزاء(سحايب صيف ،مرعب النفوس)

لكم مني جزيل الشكر والعرفان على المرور
والله الموفق

يستاهلون كل خير

شكرا اخي الكريم على المعلومات عن اهل الاحساء

والله الجار الفلة
لكن أخوي راس غليص بالفعل هذي صفاتهم