مشتاق للمسجد مع اللي يصلون **أصلي الاوقات صبح وعشيه!!<قصيدةمبكيه لأسير سعودي بأمريكا

هذه القصيدة لاخونا في الله / نايف اليوسف
( نسأل الله العلي القدير أن يعجل بفك أسره )
المسجون بسجن / لايمون .... بولاية / كلورادو الأمريكية .. منذ اكثر من ست سنوات ...
كتب هذه القصيدة المبكية لشدة شوقه ولهفته على والدته المكلومه ..
والتي تنتظر عودته لها بفارغ الصبر .. في رمضان الماضي
( 1427 هـ ) يحكي لها معاناته .... نسأل الله ان يلهمه الصبر ...

اضغط هنا.........
مخاوي سدير...

مشكووور أخوي مخاوي سدير على القصيده الروعه

الله يفــك أســـــرهـ.. ويــرجــعه لــبـــلـــدهــ.

للمعلوميه ولاية كولورادو.. (فيه اكبر جالية سعوديه من طلاب وطالبات وعوائل ) وتعتبر من اشد الولايات معامله للطلاب،، ومن اشهر قضاياها هي قضيه حميدان التركي، ..

اشكر الجميع على المرور على الغالي ولكم خالص التحايا .......

مخاوي سدير......

أهلن.
بعد التأكد من الأسم والشخص..
هذا السيد: نايف اليوسف هو الذي قام بـ قتل الطالب "الكوهجي" وسرقته وتم الحكم عليه بالسجن المؤبد في امريكا..
تمت الواقعه في 2001

مشكور اخوي الغالي ويعطيك الف عافية على هذا الموضوع

أخوي ولد الشتوي بعض المعلومات يا زينك لو ما تنشرها

على فكرة
هذه قصيدة الابن كانت رداً على قصيدة مؤثرة
قالتها والدته أم يوسف وكانت رسال إلى صاحب السمو الملكي الأمير سلطان بن عبدالعزيز
والقصيدة هي :
أصيح باعلى الصوت نايف فقدنـاك = عساك تسمع صرختي يـوم أناديـك
أنا أمك اللـي عيدهـا يـوم لقيـاك = يا سعد نفسي لـو عيونـي تلاقيـك
والقلب ناره تشتعـل عقـب فرقـاك = ما تطفي النيران يـا كـود أياديـك
لبست ثوب الحزن بعدك ولا انسـاك = والنـوم ودّع يـوم غابـت لياليـك
تاهت بي الخطوات وادروبي أشواك = والدمع من عيني على الخـد يبكيـك
أراجـع الماضـي واعيـد ذكـراك = تشدني الذكـرى وابكـي لماضيـك
سجيـن بالغربـة وياكبـر بلـواك = الله يعينـك دايـم فــي بـلاويـك
هذا القدر مكتوب ... مكتوب ما جاك = اصبر عسـى الله بالنهايـه ينجيـك
بديار ( بوشٍ ) سجنك الموحش هناك = ياليت لي قدره على الدرب واجيـك
يا سجن ارفق مسندي وسط مبنـاك = ما شاف شمس ومظلمـات مبانيـك
مدري يا عمري كيف الأحوال ويّاك = طمني عنـك طمـن امـك تحاتيـك
من يغسل اهدومك ومن قام يرعـاك = ومن يطبخ الوجبات منهـو يواسيـك
ومنهو الذي بالليل لا نمـت غطـاك = خوفي عليك البرد بالحيـل يوذيـك
ودي قبـل موتـي مشاهـد محيـاك = ودي أضمك فـي يدينـي وحاكيـك
يا حافـر قبـري دخيلـك رجينـاك = تحط فوق النصب نيشـان بوصيـك
يمكن يحين الوقت ترجـع لمربـاك = وتزور قبري مسرع فـي خطاويـك
يا سيـدي سلطـان تكفـى طلبنـاك = يا راعي الفزعات تشكـر مساعيـك
شـلال طيـب منبعـه دوم يمنـاك = خيرك مغطي كل بيـت باراضيـك
وقت الشدايد ما لها غيـر شـرواك = يبشر بعزه كل من جـاك ناصيـك
يـا سيـدي سلطـان حنـا فدايـاك = بارواحنـا نفديـك نفديـك نفـديـك
الجود وانت الجود يمشـي ببمشـاك = يمشي وراك ويتبعـك مـا يجاريـك
يتعبني مدحك لـو أعـدد سجايـاك = والشعر يرفـع رايتـه مـا يوفيـك
يالله عسى المولى يصونك ويرعـاك = ويعود نايف يـا عسـى الله يخليـك
أبختصرها يا ذرى كل مـن جـاك = شكوى تجيلـك تنتهـي مـا تعديـك
أم نايف اليوسف

شكراً أخوي مخاوي سدير على هذا الموضوع مع تمنياتي لأن تقبل مشاركتي في موضوعك
قصيدة جميلة
ومؤثرة
اللهم يا من لا يعجزه شئ في الدنيا والآخرة
اللهم يا من بيده ملكوت كل شئ
اللهم يا من يقول للشئ كن فبكون
اللهم أنت القادر ولا غيرك يقدر على فك أسرهم
وتحرير قيدهم
اللهم فك أسر الأخ نايف والأخ حميدان وكل من هو في تلك السجون الأمريكية لا بارك الله فيها
والمشكلة لو كان فيه أحد منهم مسجون طرنا به لهم
وأبناءنا عندهم مسجونون ويعذبون ولا احد يعبرنا

مشكورررررررررررررررررررر اخوي مخاوي سدير


قصيدة جميله،،،،،،،،،،،،،،،،،،،،،،،