الشاعر سعد بن جدلان

20 / 12 / 2006, 43 : 11 PM

ون ابن جـدلان مـن لايـع لاعـه= كن فـي كبـدي دوافيـر صناعـي
العـب المنكـوس واحـب روباعـه= ممل في الوقـت والوقـت خداعـي
مادريت ان ضحكة الوقـت خداعـه= شفت مدخالي ولا شفـت مطلاعـي
لابغيت اسـج والا انبسـط ساعـه= دق قلبي من وراء حدب الاضلاعـي
كن من بين الضلـوع الـه طباعـه= تشتغـل لانمـت واقـوم مرتاعـي
هـم قلبـي مـا يفـرق تجمـاعـه= غير جر الصوت والنـاس هجاعـي
فاقد لـي سلعـه واكبـر ابضاعـه =سلعـة تشـراء ولا هيـب تنباعـي
رفقـة الطيـب ليـا غيـر اطباعـه =اشهد انهـا كيـة توجـع اوجاعـي
راكب الي صممه صاحـب اصناعـه= جمس بيك اب من حديثات الانواعي
الغريب الـي جديـد مـن انواعـه= حوض رفرف مايبي شد وشراعـي
لا انس البنزيـن عجـل تفرقاعـه =مخطر من سرعتـه يقلـع اقلاعـي
لا تحرك شفت في القـاع مشلاعـه =والتواير تظهر الماء مـن القاعـي
ينعش القلـب الحزيـن ابتهملاعـه= لا مشـا قـام يتهملـع تهمـلاعـي
لاوطى الارض ألتعش كن تهزاعـه= بنت شيخ طامح مـن ولـد راعـي
في رجاء الغايـب تحـرا لمرجاعـه= تنقـد العشـاق وتطـق الاصباعـي
نفسها من جمله النـاس منصاعـه= ماتبـي الا واحـد ذكـره ايشاعـي
ينحر اللي يأخـذ الطيـب بذراعـه= الصديق الصافي الصامـل الواعـي
الوفاء والطيـب ساسـه ومنباعـه= يوم بعض الطيب تقليـد وصناعـي
لا وصلتوا فأخبروني عن اوضاعـه= واخبروا راعي السمارا عن اوضاعي
انشدو ويـش السبايـب بمهزاعـه= لا علي ناقـص ولا ابيـه فزاعـي
ودنـا نرضيـه ونحـاول اقنـاعـه= كان بن مهمل بعـد يسمـع الداعـي
كـان يبغـا حـق للحـق قطـاعـه= نقنعـه والحـق ماعنـه مجزاعـي
وكان مبغض في الرياجيـل بتاعـه= لا يجـي ناقـد ويلحقنـي ارياعـي
للصديـق نخلـي النفـس خضاعـه= مـا نوريـه الجفـا والتمطـاعـي
الصداقـه عندنـا ذخـر وطماعـه= صحبـة ماهيـب صحبـة تمتاعـي
حـد جدتهـا علـى البـرق لماعـه= وان خذت يومين مفعولهـا ضاعـي
فإن تليمنـا علـى العـز والطاعـه =وان تفرقنـا فجـوج الله أوساعـي
ما أطرد المقفي ليا صفـط أشراعـه= مخبـل اللـي للمقفـيـن تبـاعـي
من يحط اذنـه علـى كـل سماعـه =جـاه فرقـا مـا بعدهـا تجماعـي
والزباد اختـام هرجـي ومطلاعـه= يدفعه من ريحـة المسـك ذعذاعـي